ਮੁਹੰਮਦ ਮੁਸਤਫਾ ਤੇ ਉਸਦੀ ਪਤਨੀ ਰਜੀਆ ਸੁਲਤਾਨਾ ਉਪਰ ਮਾਮਲਾ ਦਰਜ
ਚੰਡੀਗੜ, 21 ਅਕਤੂਬਰ 2025 : ਪੰਜਾਬ ਦੇ ਸਾਬਕਾ ਡਾਇਰੈਕਟਰ ਜਨਰਲ ਆਫ ਪੁਲਿਸ ਮੁਹੰਮਦ ਮੁਸਤਫਾ, ਉਨ੍ਹਾਂ ਦੀ ਪਤਨੀ ਤੇ ਸੂਬੇ ਦੀ ਸਾਬਕਾ ਮੰਤਰੀ ਰਜ਼ੀਆ ਸੁਲਤਾਨਾ ਸਮੇਤ ਚਾਰ ਲੋਕਾਂ ਖ਼ਿਲਾਫ਼ ਉਨ੍ਹਾਂ ਦੇ ਪੁੱਤਰ ਦੀ ਮੌਤ ਦੇ ਮਾਮਲੇ ਵਿੱਚ ਹਰਿਆਣਾ ਪੁਲਿਸ ਵੱਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ ਐਫਆਈਆਰ ਧਾਰਾ 103(1) ਅਤੇ 61 ਹੇਠ ਦਰਜ ਕੀਤੀ ਗਈ ਹੈ, ਜੋ ਕਤਲ ਅਤੇ ਅਪਰਾਧਕ ਸਾਜ਼ਿਸ਼ ਨਾਲ ਸਬੰਧਿਤ ਹੈ। ਮੁਸਤਫਾ ਅਤੇ ਸਾਬਕਾ ਪੰਜਾਬ ਮੰਤਰੀ ਸੁਲਤਾਨਾ ਦੇ 35 ਸਾਲਾ ਪੁੱਤਰ ਅਕੀਲ ਅਖ਼ਤਰ ਦੀ ਵੀਰਵਾਰ ਨੂੰ ਹਰਿਆਣਾ ਦੇ ਪੰਚਕੂਲਾ ਵਿੱਚ ਮੌਤ ਹੋ ਗਈ ਸੀ।
ਸ਼ਮਸੁੱਦੀਂ ਨਾਮਕ ਵਿਅਕਤੀ ਵੱਲੋਂ ਦਰਜ ਕੀਤੀ ਐਫਆਈਆਰ ਮੁਤਾਬਕ, ਅਖ਼ਤਰ ਦੀ ਮੌਤ “ਸੰਦੇਹਪੂਰਨ ਹਾਲਾਤਾਂ” ਵਿੱਚ ਹੋਈ। ਪੰਚਕੂਲਾ ਪੁਲਿਸ ਨੇ ਮੰਗਲਵਾਰ ਨੂੰ ਕਿਹਾ ਕਿ ਮੁਸਤਫਾ, ਸੁਲਤਾਨਾ ਅਤੇ ਅਖ਼ਤਰ ਦੀ ਭੈਣ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ, ਜਿਸਨੁੰ ਲੈ ਕੇ ਜਾਂਚ ਪ੍ੜਤਾਲ ਚੱਲ ਰਹੀ ਹੈ।