ਅਸਾਮ ਵਿੱਚ ਫੌਜੀ ਕੈਂਪ ’ਤੇ ਅਤਿਵਾਦੀਆਂ ਦੀ ਗੋਲੀਬਾਰੀ, ਤਿੰਨ ਜਵਾਨ ਜ਼ਖਮੀ
ਅਸਾਮ, 17 ਅਕਤੂਬਰ 2025 : ਅਸਾਮ ਵਿਖੇ ਅੱਤਵਾਦੀਆਂ ਵਲੋ ਸੁਰਖਿਆ ਜਵਾਨਾਂ ਦੇ ਕੈਪਾਂ ਉਪਰ ਫਾਇਰਿੰਗਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ, ਜਿਸ ਵਿਚ ਜਦੋ ਫੌਜੀ ਜਵਾਨਾਂ ਦੀ ਤਿੱਖੀ ਜਵਾਬੀ ਕਾਰਵਾਈ ਤੋਂ ਬਾਅਦ ਅਤਿਵਾਦੀ ਆਪਣੇ ਆਟੋਮੈਟਿਕ ਹਥਿਆਰਾਂ ਨਾਲ ਗੋਲੀਬਾਰੀ ਕਰਦੇ ਹੋਏ ਮੌਕੇ ਤੋਂ ਫਰਾਰ ਹੋ ਗਏ।
ਜਾਣਕਾਰੀ ਅਨੁਸਾਰ ਅਸਾਮ ਦੇ ਤਿਨਸੁਕੀਆ ਜ਼ਿਲ੍ਹੇ ਦੇ ਕਾਕੋਪਾਥਰ ਇਲਾਕੇ ਵਿੱਚ ਸ਼ੁੱਕਰਵਾਰ ਸਵੇਰੇ ਤੜਕੇ ਸੁਰੱਖਿਆ ਬਲਾਂ ਦੇ ਕੈਂਪ ’ਤੇ ਅਣਪਛਾਤੇ ਅਤਿਵਾਦੀਆਂ ਨੇ ਅਚਾਨਕ ਗੋਲੀਬਾਰੀ ਕਰ ਦਿੱਤੀ, ਜਿਸ ਕਾਰਨ ਫੌਜ ਦੇ ਤਿੰਨ ਜਵਾਨ ਜ਼ਖਮੀ ਹੋ ਗਏ। ਇਹ ਜਾਣਕਾਰੀ ਫੌਜ ਦੇ ਬੁਲਾਰੇ ਨੇ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਘਟਨਾ ਤੋਂ ਬਾਅਦ ਫੌਜ ਅਤੇ ਪੁਲੀਸ ਨੇ ਮਿਲ ਕੇ ਪੂਰੇ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਚਲਾ ਦਿੱਤੀ ਹੈ, ਤਾਂ ਜੋ ਹਮਲਾਵਰਾਂ ਨੂੰ ਕਾਬੂ ਕੀਤਾ ਜਾ ਸਕੇ।
ਫੌਜੀ ਬੁਲਾਰੇ ਮੁਤਾਬਕ, “ਰਾਤ ਲਗਭਗ 12.30 ਵਜੇ ਇੱਕ ਚੱਲਦੇ ਵਾਹਨ ਵਿੱਚ ਸਵਾਰ ਅਤਿਵਾਦੀਆਂ ਨੇ ਕਾਕੋਪਾਥਰ ਕੰਪਨੀ ਦੀ ਚੌਕੀ ’ਤੇ ਗੋਲੀਆਂ ਚਲਾਈਆਂ। ਡਿਊਟੀ ’ਤੇ ਤਾਇਨਾਤ ਜਵਾਨਾਂ ਨੇ ਤੁਰੰਤ ਜਵਾਬੀ ਗੋਲੀਬਾਰੀ ਕੀਤੀ , ਜਿਸਤੋ ਬਾਅਦ ਅੱਤਵਾਦੀ ਫਰਾਰ ਹੋ ਗਏ।