ਡੀਸੈਂਟ ਐਵਿਨਿਊ ਕਾਲੋਨੀ ਦੇ ਬਾਹਰ ਹੋਏ ਬੰਬ ਧਮਾਕੇ ਵਿਚ ਇਕ ਦੀ ਮੌਤ

ਅੰਮ੍ਰਿਤਸਰ, 27 ਮਈ 2025 : One killed in bomb blast outside Descent Avenue Colony : ਪੰਜਾਬ ਦੇ ਪ੍ਰਸਿੱਧ ਸ਼ਹਿਰ ਅੰਮ੍ਰਿਤਸਰ (Amritsar) ਦੇ ਮਜੀਠਾ ਰੋਡ ਬਾਈਪਾਸ ਵਿਖੇ ਬਣੀ ਡੀਸੈਂਟ ਐਵਿਨਿਊ ਕਾਲੋਨੀ ਦੇ ਬਾਹਰ ਹੋਏ ਇਕ ਬੰਬ ਧਮਾਕੇ (Bombings) ਵਿਚ ਜਿਸ ਵਿਅਕਤੀ ਦੇ ਹੱਥਾਂ ਪੈਰਾਂ ਤੇ ਚੀਥੜੇ ਤੱਕ ਉਡ ਗਏ ਉਥੇ ਉਸਦੀ ਹਸਪਤਾਲ ਲਿਜਾਉਣ ਤੋਂ ਬਾਅਦ ਮੌਤ ਵੀ ਹੋ ਗਈ ਹੈ ।

ਕੀ ਆਖਦੇ ਹਨ ਐਸ. ਐਸ. ਪੀ.

ਪੰਜਾਬ ਦੇ ਜਿ਼ਲਾ ਅੰਮ੍ਰਿਤਸਰ ਦੇ ਐਸ. ਐਸ. ਪੀ. ਮਨਿੰਦਰ ਸਿੰਘ (S. S. P. Maninder Singh) ਨੇ ਮੰਨਿਆ ਕਿ ਉਕਤ ਧਾਮਕੇ ਨੂੰ ਬੰਬ ਧਮਾਕਾ ਮੰਨਦਿਆਂ ਅੱਤਵਾਦੀ ਹਮਲੇ ਦਾ ਖਦਸ਼ਾ ਪ੍ਰਗਟ ਕਰਦਿਆਂ ਆਖਿਆ ਕਿ ਪਾਕਿਸਤਾਨ ਮਾਹੌਲ ਖ਼ਰਾਬ ਕਰਨ ਦੀ ਸਾਜ਼ਿਸ਼ਾਂ ਘੜ ਰਿਹਾ ਹੈ । ਉਨ੍ਹਾਂ ਇਹ ਵੀ ਦੱਸਿਆ ਕਿ ਜ਼ਖ਼ਮੀ ਵਿਅਕਤੀ ਹਥਿਆਰਾਂ ਦੀ ਖੇਪ ਲੈਣ ਆਇਆ ਸੀ ਕਿ ਇਸ ਦੌਰਾਨ ਇੱਕ ਧਮਾਕਾ ਹੋਇਆ ਅਤੇ ਉਸ ਦੇ ਖ਼ੁਦ ਦੇ ਹੀ ਚੀਥੜੇ ਉਡ ਗਏ ।

ਕੀ ਦੱਸਿਆ ਪ੍ਰਤੱਖ ਦਰਸ਼ੀ ਨੇ :

ਮਜੀਠਾ ਬਾਈਪਾਸ ਰੋਡ ਤੇ ਡੀਸੈਂਟ ਕਾਲੋਨੀ ਦੇ ਬਾਹਰ ਹੋਏ ਬੰਬ ਧਮਾਕੇ ਦੇ ਇਕ ਪ੍ਰਤੱਖ ਦਰਸ਼ੀ (clairvoyant) ਨੇ ਦੱਸਿਆ ਕਿ ਸਵੇਰੇ ਹੋਣ ਵਾਲਾ ਇਕ ਜੋਰਦਾਰ ਧਮਾਕਾ ਸੀ ਤੇ ਜਦੋਂ ਧਮਾਕੇ ਦੀ ਆਵਾਜ਼ ਸੁਣਨ ਤੇ ਉਸ ਵੱਲ ਭੱਜੇ ਤਾਂ ਮੌਕੇ ਤੇ ਦੇਖਣ ਵਿਚ ਆਇਆ ਕਿ ਧਮਾਕਾ ਹੋਣ ਨਾਲ ਇਕ ਵਿਅਕਤੀ ਬਹੁਤ ਜਿ਼ਆਦਾ ਚੀਖ ਰਿਹਾ ਸੀ ਤੇ ਹਾਲਾਤ ਅਜਿਹੇ ਹੋਏ ਪਏ ਸਨ ਕਿ ਧਮਾਕੇ ਦਾ ਸਿ਼ਕਾਰ ਵਿਅਕਤੀ ਦੇ ਹੱਥ ਅਤੇ ਲੱਤਾਂ ਉੱਡ ਗਈਆਂ ਸਨ ।

ਕੀ ਆਖਿਆ ਬਾਰਡਰ ਰੇਂਜ ਦੇ ਡੀ. ਆਈ. ਜੀ. ਨੇ :

ਉਕਤ ਬੰਬ ਧਮਾਕੇ ਦੀ ਘਟਨਾ ਸਬੰਧੀ ਬਾਰਡਰ ਰੇਂਜ ਦੇ ਡੀ. ਆਈ. ਜੀ. ਸਤਿੰਦਰ ਸਿੰਘ (D. I. G. Satinder Singh) ਨੇ ਆਖਿਆ ਕਿ ਇਹ ਵਿਅਕਤੀ ਲਾਜ਼ਮੀ ਤੌਰ `ਤੇ ਕਿਸੇ ਅੱਤਵਾਦੀ ਸੰਗਠਨ ਦੁਆਰਾ ਰੱਖੇ ਗਏ ਹਥਿਆਰਾਂ ਦੀ ਖੇਪ (Weapons shipment) ਲੈਣ ਲਈ ਇੱਥੇ ਆਇਆ ਸੀ । ਉਕਤ ਧਮਾਕਾ ਜੋ ਖੰਭੇ ਦੇ ਨੇੜੇ ਹੋਇਆ ਹੈ ਦੇ ਚਲਦਿਆਂ ਹੋ ਸਕਦਾ ਹੈ ਕਿ ਅੱਤਵਾਦੀਆਂ ਨੇ ਇਸ ਖੰਭੇ ਨੂੰ ਹੀ ਆਪਣਾ ਟਿਕਾਣਾ ਬਣਾਇਆ ਹੋਵੇ ਅਤੇ ਇੱਥੇ ਹਥਿਆਰਾਂ ਦੀ ਖੇਪ ਛੁਪਾਈ ਹੋਵੇ ।  ਉਨ੍ਹਾਂ ਮੁਤਾਬਕ ਮ੍ਰਿਤਕ ਵਿਅਕਤੀ (Deceased person) ਦੀ ਪਛਾਣ ਕੀਤੀ ਜਾ ਰਹੀ ਹੈ ਤੇ ਉਸਦੀ ਜੇਬ ਵਿੱਚੋਂ ਵੀ ਕੁਝ ਸਬੂਤ ਮਿਲੇ ਹਨ, ਜਿਸ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਉਹ ਕਿਸੇ ਅੱਤਵਾਦੀ ਸੰਗਠਨ ਲਈ ਕੰਮ ਕਰ ਰਿਹਾ ਸੀ ਪਰ ਹਾਲੇ ਕਲੀਅਰ ਨਹੀਂ ਹੋ ਸਕਿਆ ਹੈ ਕਿ ਇਹ ਕਿਸ ਸੰਗਠਨ ਨਾਲ ਜੁੜਿਆ ਹੋਇਆ ਹੈ ।

Read More : ਚੰਡੀਗੜ੍ਹ ਵਿੱਚ ਬੰਬ ਧਮਾਕੇ ਕਾਰਨ ਪੁਲਸ ਅਧਿਕਾਰੀਆਂ ਦੇ ਤਬਾਦਲੇ