ਹਾਂਗਕਾਂਗ ਤੇ ਸਿੰਗਾਪੁਰ ਵਿਚ ਕੋਰੋਨੇ ਦੇ ਮਾਮਲੇ ਆਏ ਸਾਹਮਣੇ
ਹਾਂਗਕਾਂਗ, 16 ਮਈ 2025 : Corona cases reported in Hong Kong and Singapore : ਸੰਸਾਰ ਦੇ ਏਸ਼ੀਆ ਵਿਚ ਹਾਂਗਕਾਂਗ ਅਤੇ ਸਿੰਗਾਪੁਰ ਵਿਚ ਕੋਰੋਨਾ ਵਰਗੀ ਨਾ ਮੁਰਾਦ ਬਿਮਾਰੀ ਦੇ ਮਾਮਲੇ ਸਾਹਮਣੇ ਆਉਣ ਨਾਲ ਚੁਫੇਰੇਓਂ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ । ਦੱਸਣਯੋਗ ਹੈ ਕਿ 2020 ਤੇ 2021 ਵਿਚ ਕੋਵਿਡ 19 ਦੇ ਨਾਮ ਨਾਲ ਜਾਣੀ ਜਾਂਦੀ ਕੋਰੋਨਾ ਨਾਮੀ ਬਿਮਾਰੀ ਨੇ ਆਪਣੇ ਕਹਿਰ ਨਾਲ ਇਕ ਵਾਰ ਤਾਂ ਸਮੁੱਚੇ ਸੰਸਾਰ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ ਤੇ ਚਾਰੇ ਪਾਸੇ ਹਰ ਜਿ਼ੰਦਗੀ ਇਕ ਵਾਰ ਤਾਂ ਸਹਿਮ ਕੇ ਰਹਿ ਗਈ ਸੀ । ਪਰ ਹੁਣ ਸਿੰਗਾਪੁਰ ਤੇ ਹਾਂਗਕਾਂਗ ਵਿਚ ਕੋਰੋਨਾ ਦੇ ਮਾਮਲੇ ਪਾਏ ਜਾਣ ਨਾਲ ਇਕ ਵਾਰ ਡਰ ਜਿਹਾ ਪੈਦਾ ਹੁੰਦਾ ਜਾ ਰਿਹਾ ਹੈ ।
ਕੋਰੋਨਾ ਵਾਇਰਸ ਦੀ ਗਤੀਵਿਧੀ ਹੁਣ ਬਹੁਤ ਉੱਚ ਪੱਧਰ `ਤੇ ਪਹੁੰਚ ਗਈ ਹੈ : ਐਲਬਰਟ ਆਊ
ਕੋਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵੱਧਦੇ ਜਾ ਰਹੇ ਹਨ ਦੇ ਚਲਦਿਆਂ ਸੈਂਟਰ ਫਾਰ ਹੈਲਥ ਪ੍ਰੋਟੈਕਸ਼ਨ ਵਿਖੇ ਸੰਚਾਰੀ ਰੋਗ ਸ਼ਾਖਾ ਦੇ ਮੁਖੀ ਐਲਬਰਟ ਆਊ ਦਾ ਕਹਿਣਾ ਹੈ ਕਿ ਕੋਰੋਨਾ ਵਾਇਰਸ ਦੀ ਗਤੀਵਿਧੀ ਹੁਣ ਬਹੁਤ ਉੱਚ ਪੱਧਰ `ਤੇ ਪਹੁੰਚ ਗਈ ਹੈ । ਉਨ੍ਹਾਂ ਕਿਹਾ ਕਿ ਕੋਵਿਡ-19 ਲਈ ਪਾਜੀਟਿਵ ਪਾਏ ਗਏ ਨਮੂਨਿਆਂ ਦੀ ਪ੍ਰਤੀਸ਼ਤਤਾ ਇਕ ਸਾਲ ਦੇ ਉੱਚ ਪੱਧਰ `ਤੇ ਪਹੁੰਚ ਗਈ ਹੈ। ਕੋਰੋਨਾ ਦੇ ਅੰਕੜੇ ਮਾਮਲਿਆਂ ਵਿੱਚ ਚਿੰਤਾਜਨਕ ਵਾਧਾ ਦਰਸਾਉਂਦੇ ਹਨ। ਯਾਨੀ ਕਿ ਨਾ ਸਿਰਫ਼ ਕੋਰੋਨਾ ਦੇ ਮਾਮਲੇ ਆ ਰਹੇ ਹਨ, ਸਗੋਂ ਇਸ ਕਾਰਨ ਮੌਤਾਂ ਵੀ ਹੋ ਰਹੀਆਂ ਹਨ ।
Read More : ਫਿਰ ਸਤਾਉਣ ਲੱਗਾ ਕੋਰੋਨਾ ਦਾ ਖਤਰਾ : ਲਗਾਤਾਰ ਹੋ ਰਿਹਾ ਵਾਧਾ