ਮਿੰਨੀ ਸਕੱਤਰੇਤ ਵਿਚ ਨਹੀ ਹੈ ਕੋਈ ਵੀ ਸੁਰਖਿਆ ਪ੍ਰਬੰਧ
ਪਟਿਆਲਾ, 28 ਅਪੈ੍ਰਲ 2025 : There is no security arrangement in the Mini Secretariat : ਪਟਿਆਲਾ ਦੇ ਦਿਲ ਵਜੋਂ ਜਾਣੇ ਜਾਂਦੇ ਮਿੰਨੀ ਸਕੱਤਰੇਤ (Mini Secretariat) ਦੀ ਹਾਲਤ ਇਸ ਸਮੇਂ ਹਾਲੋ ਬੇਹਾਲ ਹੈ । ਕਰੋੜਾਂ ਦੀ ਬਿਲਡਿੰਗ ਵਿਚ ਕੋਈ ਵੀ ਸੁਰਖਿਆ ਪ੍ਰਬੰਧ (Security measures) ਨਹੀ ਹੈ, ਸਫਾਈ ਦੇ ਪ੍ਰਬੰਧ ਨਹੀ ਹਨ, ਜਿਸ ਕਾਰਨ ਇਹ ਆਪਣੇ ਅਧਿਕਾਰੀਆਂ ਦਾ ਮੂੰਹ ਚਿੜਾ ਰਹੀ ਹੈ । ਇਸ ਮਿੰਨੀ ਸਕੱਤਰੇਤ ਨੂੰ ਚੰਡੀਗੜ੍ਹ ਦੇ ਸੱਕਤਰੇਤ ਦੀ ਤਰਜ ਉਪਰ ਬਣਾਇਆ ਗਿਆ ਸੀ । ਇਸ ਵਿਚ ਡੀ. ਸੀ., ਐਸ. ਐਸ. ਪੀ., ਡਵੀਜਨਲ ਕਮਿਸ਼ਨਰ ਤੋਂ ਲੈ ਕੇ ਲਗਭਗ ਜਿਲੇ ਦੇ ਸਮੁਚੇ ਅਧਿਕਾਰੀਆਂ ਦੇ ਦਫ਼ਤਰ ਹਨ ।
9 ਵਜੇ ਤੋਂ ਲੈ ਕੇ ਸ਼ਾਮ ਦੇ ਪੰਜ ਵਜੇ ਤੱਕ ਤਾਂ ਰੌਣਕ ਰਹਿੰਦੀ ਹੈ ਪਰ
ਮਿੰਨੀ ਸਕੱਤਰੇਤ ਜਿਸ ਵਿਚ ਏ, ਬੀ, ਸੀ. ਤੇ ਡੀ. ਵੱਡੇ ਵੱਡੇ ਬਲਾਕ ਬਣੇ ਹੋਏ ਹਨ ਤੇ ਇਨ੍ਹਾਂ ਬਲਾਕਾਂ ਵਿਚ ਜਿਲਾ ਪ੍ਰਸ਼ਾਨ, ਪੁਲਸ ਪ੍ਰਸ਼ਾਸਨ ਤੋਂ ਇਲਾਵਾ ਪੰਜਾਬ ਸਰਕਾਰ ਦੇ ਵੱਖ ਵੱਖ ਵਿਭਾਗਾਂ ਦੇ ਦਫ਼ਤਰ ਬਣੇ ਹੋਏ ਹਨ ਵਿਖੇ ਸਵੇਰੇ 9 ਵਜੇ ਤੋਂ ਲੈ ਕੇ ਸ਼ਾਮ ਦੇ ਪੰਜ ਵਜੇ ਤੱਕ ਤਾਂ ਰੌਣਕ ਰਹਿੰਦੀ ਹੈ ਪਰ ਜਿਊਂ ਹੀ ਪੰਜ ਵਜਦੇ ਹਨ। ਇਥੇ ਇੰਝ ਸੁਨਸਰਾਂ ਹੋ ਜਾਂਦੀ ਹੈ ਕਿ ਇੰਝ ਲੱਗਦਾ ਹੈ ਕਿ ਇਥੇ ਕੋਈ ਕਦੇ ਹੁੰਦਾ ਵੀ ਹੋਵੇਗਾ ਜਾਂ ਨਹੀਂ ।
ਛੁੱਟੀ ਹੋਣ ਤੋਂ ਬਾਅਦ ਸੁਰਖਿਆ ਦੇ ਇੰਤਜਾਮ ਹਨ ਜੀਰੋ
ਪਟਿਆਲਾ ਦੇ ਮਿੰਨੀ ਸਕੱਤਰੇਤ ਜਿਸਦੇ ਤਿੰਨ ਮੇਨ ਗੇਟ ਹਨ ਤਿੰਨ ਗੇਟਾਂ ਵਿਚੋਂ ਇਕ ਗੇਟ ਜੋ ਕਿ ਮੁੱਖ ਸੜਕ ਵੱਲ ਖੁੱਲ੍ਹਦਾ ਹੈ ਵਿਖੇ ਸਵੇਰ ਸਮੇਂ ਤਾਂ ਇਕ ਪੁਲਸ ਅਧਿਕਾਰੀ ਜ਼ਰੂਰ ਤਾਇਨਾਤ ਹੁੰਦਾ ਹੈ ਕਿਉਂਕਿ ਉਸ ਗੇਟ ਤੋਂ ਡਿਪਟੀ ਕਮਿਸ਼ਨਰ, ਏ. ਡੀ. ਸੀਜ., ਐਸ. ਡੀ. ਐਮ. ਤੇ ਹੋਰ ਏ ਬਲਾਕ ਵਿਚ ਬਣੇ ਵੱਖ ਵੱਖ ਅਧਿਕਾਰੀਆਂ ਦੀਆਂ ਸਰਕਾਰੀ ਗੱਡੀਆਂ ਨੇ ਸ਼ੈਡ ਹੇਠਾਂ ਖੜ੍ਹਨਾ ਹੁੰਦਾ ਹੈ । ਇਸ ਤੋ ਬਿਨਾ ਮਿੰਨੀ ਸਕੱਤਰੇਤ ਦੇ ਦੋ ਹੋਰ ਮੁੱਖ ਗੇਟ ਜਿਨ੍ਹਾਂ ਵਿਚ ਇਕ ਗੇਟ ਤਾਂ ਬੀ ਬਲਾਕ ਜੋ ਕਿ ਪੁਲਸ ਵਿਭਾਗ ਹੈ ਤੇ ਦੂਸਰਾ ਗੇਟ ਜੋ ਕਿ ਸਿੱਧੇ ਸੀ ਬਲਾਕ ਵਿਚ ਬਣੇ ਪੀ. ਡਬਲਿਊ. ਡੀ. ਵਿਭਾਗ, ਆਰ. ਟੀ. ਏ. ਵਿਭਾਗ ਵੱਲ ਖੁੱਲ੍ਹਦਾ ਹੈ ।
ਪੰਜ ਵਜਦੇ ਹਨ ਤਾਂ ਉਸ ਤੋਂ ਬਾਅਦ ਇਥੇ ਚਿੜੀ ਵੀ ਫੜਕਦੀ ਦਿਖਾਈ ਨਹੀਂ ਹੁੰਦੀ
ਸਵੇਰੇ ਵੇਲੇ ਤਾਂ ਲੋਕਾਂ ਦੀ ਭੀੜ ਦੇ ਨਾਲ ਨਾਲ ਵਾਹਨ ਪਾਰਕਿੰਗ ਸਟੈਂਡ (Parking stand) ਵਾਲਿਆਂ ਦੀ ਵੀ ਭੀੜ ਲੱਗੀ ਰਹਿੰਦੀ ਹੈ ਪਰ ਜਿਊਂ ਹੀ ਪੰਜ ਵਜਦੇ ਹਨ ਤਾਂ ਉਸ ਤੋਂ ਬਾਅਦ ਇਥੇ ਚਿੜੀ ਵੀ ਫੜਕਦੀ ਦਿਖਾਈ ਨਹੀਂ ਹੁੰਦੀ ਯਾਨੀ ਕਿ ਇੰਨੇ ਵੱਡੇ ਖੇਤਰ ਵਿਚ ਬਣੇ ਮਿੰਨੀ ਸਕੱਤਰੇਤ ਦੀ ਸੁਰੱਖਿਆ ਦਾ ਇੰਚ ਭਰ ਵੀ ਪ੍ਰਬੰਧ ਨਹੀਂ ਹੁੰਦਾ ਤੇ ਕੱਝ ਕੁ ਵਿਭਾਗਾਂ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਵਲੋਂ ਛੁੱਟੀ ਹੋਣ ਤੋਂ ਬਾਅਦ ਵੀ ਕਈ ਕਈ ਵਾਰ ਆਪਣੇ ਆਪਣੇ ਦਫ਼ਤਰਾਂ ਵਿਚ ਬੈਠ ਕੇ ਕੰਮ ਕੀਤਾ ਜਾਂਦਾ ਹੈ ਪਰ ਸੁਰੱਖਿਆ ਦੇ ਨਾਮ ਤੇ ਕੋਈ ਵੀ ਮੌਜੂਦ ਨਹੀਂ ਹੁੰਦਾ ਬਲਕਿ ਤਿੰਨੇ ਗੇਟ ਝਪੱਟ ਖੁੱਲ੍ਹੇ ਹੁੰਦੇ ਹਨ, ਜਿਸ ਨਾਲ ਕਦੇ ਵੀ ਕੋਈ ਅੰਦਰ ਤੇ ਬੇਰੋਕਟੋਕ ਬਾਹਰ ਜਾ ਸਕਦਾ ਹੈ । ਅਜਿਹਾ ਹੋਣ ਨਾਲ ਕਿਸੇ ਵੀ ਸਮੇਂ ਕੋਈ ਵੀ ਅਣਸੁਖਾਵੀਂ ਘਟਨਾ (Unpleasant incident) ਵਾਪਰ ਸਕਦੀ ਹੈ ।
ਅੰਦਰੂਨੀ ਸੁਰੱਖਿਆ ਨੂੰ ਯਕੀਨੀ ਬਣਾਇਆ ਜਾਣਾ ਬੇਹਦ ਮੁਸ਼ਕਲ ਹੈ
ਦੱਸਣਯੋਗ ਹੈ ਕਿ ਏਬਲਾਕ, ਬੀ. ਬਲਾਕ ਵਿਚ ਤਾਂ ਜਾਣ ਵੇਲੇ ਕਈ ਤਰ੍ਹਾਂ ਦੇ ਸਕੈਨਰ ਲੱਗੇ ਹੋਏ ਹਨ ਪਰ ਸੀ. ਬਲਾਕ ਤੇ ਡੀ. ਬਲਾਕ ਵੱਲ ਬਣੇ ਵਿਭਾਗਾਂ ਵਿਚ ਕੋਈ ਵੀ ਆਉਣ ਜਾਣ ਵਾਲੇ ਵਿਅਕਤੀ ਤੇ ਉਸ ਦੇ ਨਾਲ ਜਾ ਰਹੇ ਸਮਾਨ ਨੂੰ ਸਕੈਨ ਕਰਨ ਵਾਲਾ ਕੋਈ ਯੰਤਰ ਨਹੀਂ ਲੱਗਿਆ ਹੋਇਆ ਹਾਂ ਬਸ ਜੇਕਰ ਲੱਗੇ ਹੋਏ ਹਨ ਤਾਂ ਆਉਣ ਜਾਣ ਵਾਲੇ ਨੂੰ ਗਤੀਵਿਧੀ ਨੂੰ ਕੈਦ ਕਰਨ ਲਈ ਕੈਮਰੇ ਜ਼ਰੂਰ ਲੱਗੇ ਹੋਏ ਹਨ, ਜਿਸ ਨਾਲ ਮਿੰਨੀ ਸਕੱਤਰੇਤ ਦੀ ਬਾਹਰ ਤੇ ਅੰਦਰੂਨੀ ਸੁਰੱਖਿਆ (Internal security) ਨੂੰ ਯਕੀਨੀ ਬਣਾਇਆ ਜਾਣਾ ਬੇਹਦ ਮੁਸ਼ਕਲ ਹੈ ।
ਅੰਦਰ ਪਏ ਹਨ ਦਰੱਖਤਾਂ ਤੋਂ ਟੁੱਟ ਟੁੱਟ ਕੇ ਸੁੱਕੇ ਪੱਤਿਆਂ ਦੇ ਢੇਰ
ਮਿੰਨੀ ਸਕੱਤਰੇਤ ਪਟਿਆਲਾ ਦੇ ਵੱਖ ਵੱਖ ਬਲਾਕਾਂ ਦੇ ਚੁਫੇਰੇਓਂ ਨਜ਼ਰ ਦੌੜਾਈ ਜਾਵੇ ਤਾਂ ਆਪ ਜੀ ਨੂੰ ਲੱਗੇ ਦਰੱਖਤਾਂ ਤੋਂ ਟੁੱਟ ਚੁੱਕੇ ਪੱਤੇ ਜੋ ਕਿ ਸੁੱਕ ਚੁੱਕੇ ਹਨ ਬਲਾਕਾਂ ਦੇ ਕੋਨਿਆਂ ਵਿਚ ਅਤੇ ਵਾਹਨ ਖੜ੍ਹੇ ਕਰਨ ਲਈ ਬਣੇ ਪਾਰਕਿੰਗ ਸਟੈਂਡ ਵਾਲੇ ਸ਼ੈਡਾਂ ਉਤੇ ਡਿੱਗੇ ਦਿਖਾਈ ਦੇਣਗੇ, ਜਿਨ੍ਹਾਂ ਨੂੰ ਸਾਫ ਕਰਨ ਵਾਲਾ ਵੀ ਕੋਈ ਨਹੀਂ, ਜਿਸ ਨਾਲ ਜਿਥੇ ਇਕ ਤਾਂ ਗੰਦਗੀ ਚੁਫੇਰੇਓਂ ਫੈਲੀ ਨਜ਼ਰ ਆਉਂਦੀ ਹੈ ਉਥੇ ਕਦੇ ਵੀ ਕਿਸੇ ਸਮੇਂ ਸੁੱਕੇ ਪੱਤਿਆਂ ਨੂੰ ਗਰਮੀ ਦੇ ਮੌਸਮ ਵਿਚ ਅੱਗ ਲੱਗਣ ਦਾ ਡਰ ਵੀ ਬਣਿਆਂ ਰਹਿੰਦਾ ਹੈ ।
ਬਲਾਕਾਂ ਦੇ ਬਾਹਰੀ ਪਾਸੇ ਸਿਰਫ਼ ਪੱਤੇ ਹੀ ਨਹੀਂ ਡਿੱਗੇ ਪਏ ਹਨ
ਮਿੰਨੀ ਸਕੱਤਰੇਤ ਦੇ ਬਲਾਕਾਂ ਦੇ ਬਾਹਰੀ ਪਾਸੇ ਸਿਰਫ਼ ਪੱਤੇ ਹੀ ਨਹੀਂ ਡਿੱਗੇ ਪਏ ਹਨ ਬਲਕਿ ਪਾਰਕਿੰਗ ਵਾਲੇ ਸ਼ੈਡਾਂ ਹੇਠਾਂ ਕਈ ਕੰਡਮ ਵਾਹਨ ਵੀ ਮਿੱਟੀ ਦੀ ਫੱਕ ਛਾਣ ਰਹੇ ਹਨ, ਜਿਨ੍ਹਾਂ ਵਿਚ ਅਕਸਰ ਹੀ ਜਾਨਵਰਾਂ ਵਲੋਂ ਆਪਣਾ ਬਸੇਰਾ ਬਣਾ ਲਿਆ ਜਾਂਦਾ ਹੈ, ਜਿਸ ਨਾਲ ਵੀ ਕਦੇ ਵੀ ਕੋਈ ਅਣਸੁਖਾਵੀਂ ਘਟਨਾ ਵਾਪਰ ਸਕਦੀ ਹੈ । ਮਿੰਨੀ ਸਕੱਤਰੇਤ ਪਟਿਆਲਾ ਦੇ ਪੁਲਸ ਲਾਈਨ ਖੇਤਰ ਵਾਲੇ ਗੇਟ ਤੋਂ ਜੇਕਰ ਅੰਦਰ ਵੜ ਕੇ ਪੁਲਸ ਵਿਭਾਗ ਦੇ ਪਿਛਲੇ ਹਿੱਸੇ ਤੋਂ ਅਗਲੇ ਹਿੱਸੇ ਵਲ ਜਾਇਆ ਜਾਵੇ ਤਾਂ ਉਥੇ ਬਹੁਤ ਹੀ ਜਿਆਦਾ ਮਾਤਰਾ ਵਿਚ ਗੰਦਾ ਬਦਬੂਦਾਰ ਪਾਣੀ ਮਿਲਦਾ ਹੈ, ਜਿਸ ਨਾਲ ਕਦੇ ਵੀ ਕਿਸੇ ਤਰ੍ਹਾਂ ਦੀ ਬਿਮਾਰੀ ਹੋਣ ਦਾ ਖਦਸਾ ਬਣਿਆਂ ਰਹਿੰਦਾ ਹੈ ।
ਮਿੰਨੀ ਸਕੱਤਰੇਤ ਦੇ ਸਾਹਮਣੇ ਲੱਗਦੇ ਹਨ ਕਈ ਨਜਾਇਜ਼ ਪਾਰਕਿੰਗ ਸਟੈਂਡ
ਸਕੱਤਰੇਤ ਪਟਿਆਲਾ ਵਿਚ ਜਿਥੇ ਫੁਲਕੀਆ ਇਨਕਲੇਵ ਨੂੰ ਜਾਂਦੇ ਦੋਹਾਂ ਗੇਟਾਂ ਦੇ ਅੰਦਰ ਵਾਲੀਆਂ ਥਾਵਾਂ ਤੋਂ ਇਲਾਵਾ ਦੋਹਾਂ ਗੇਟਾਂ ਦੇ ਸਾਹਮਣੇ ਬਣੇ ਜਨ ਸਹਾਇਤਾ ਕੇਂਦਰਾਂ ਦੇ ਅੱਗੇ ਅਤੇ ਵਿਚਕਾਰ ਤੱਕ ਵਾਹਨ ਪਾਰਕਿੰਗ ਸਟੈਂਡ ਬਣੇ ਹੋਏ ਹਨ, ਉਥੇ ਇਨ੍ਹਾਂ ਥਾਵਾਂ ਦੇ ਨਾਲ ਲੱਗਦੀਆਂ ਥਾਵਾਂ ਤੇ ਵਾਹਨ ਪਾਰਕਿੰਗ ਸਟੈਂਡ ਦਾ ਕੰਮ ਕਰਨ ਵਾਲਿਆਂ ਵਲੋਂ ਭਰੋਸੇਯੋਗ ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਨਜਾਇਜ ਵਾਹਨ ਪਾਰਕਿੰਗ ਸਟੈਂਡ ਵੀ ਬਣਾਏ ਹੋਏ ਹਨ ਤੇ ਇਹ ਲੋਕਾਂ ਤੋਂ ਤਿੰਨ ਤਿੰਨ ਗੁਣਾ ਪਰਚੀ ਵਸੂਲ ਕਰਦੇ ਹਨ ਪਰ ਅਧਿਕਾਰੀ ਕੁੰਭਕਰਲੀ ਨੀਂਦ ਸੁਤੇ ਪਏ ਹਨ ।
Read More : ਮਿੰਨੀ ਸਕੱਤਰੇਤ ਵਿਖੇ ਆਜ਼ਾਦੀ ਘੁਲਾਟੀਆਂ ਦੇ ਪਰਿਵਾਰਾਂ ਦੀ ਹੋਈ ਇਕੱਤਰਤਾ
