ਮੰਗਵਾਲ ਵਿਖੇ ਸਵੈ ਰੁਜ਼ਗਾਰ ਕੈਂਪ ਦਾ ਆਯੋਜਨ

ਮੰਗਵਾਲ ਵਿਖੇ ਸਵੈ ਰੁਜ਼ਗਾਰ ਕੈਂਪ ਦਾ ਆਯੋਜਨ
ਸੰਗਰੂਰ, 3 ਫਰਵਰੀ : ਪੰਜਾਬ ਪੱਛੜੀਆਂ ਸ਼੍ਰੇਣੀਆਂ ਭੋਂ ਵਿਕਾਸ ਅਤੇ ਵਿੱਤ ਕਾਰਪੋਰੇਸ਼ਨ ਵਲੋਂ ਕਾਰਜਕਾਰੀ ਡਾਇਰੈਕਟਰ ਬੈਂਕ ਫਿੰਕੋਂ ਸੰਦੀਪ ਹੰਸ ਅਤੇ ਚੇਅਰਮੈਨ ਸੰਦੀਪ ਸੈਣੀ ਦੇ ਦਿਸ਼ਾ ਨਿਰਦੇਸ਼ ਹੇਠ ਪੰਜਾਬ ਸਰਕਾਰ ਦੁਆਰਾ ਚਲਾਈਆਂ ਜਾ ਰਹੀਆਂ ਵੱਖ-ਵੱਖ ਸਕੀਮਾਂ ਰਾਹੀ ਪੱਛੜੀਆਂ ਸ੍ਰੇਣੀਆਂ ਦੇ ਜੀਵਨ ਪੱਧਰ ਨੂੰ ਉੱਚਾ ਚੁੱਕਣ ਲਈ ਸਵੈ-ਰੁਜਗਾਰ ਕੈਂਪ ਪਿੰਡ ਮੰਗਵਾਲ ਵਿਖੇ ਲਗਾਇਆ ਗਿਆ । ਜ਼ਿਲ੍ਹਾ ਫੀਲਡ ਅਫਸਰ ਕੁਲਬੀਰ ਸਿੰਘ, ਜ਼ਿਲ੍ਹਾ ਫੀਲਡ ਅਫਸਰ ਲੁਧਿਆਣਾ ਸ੍ਰੀ ਜਗਦੀਪ ਸਿੰਘ ਅਤੇ ਇੰਨਫੋਰਸਮੈਂਟ ਅਫਸਰ ਕਰਮਜੀਤ ਸਿੰਘ ਸੇਖੋਂ ਦੀ ਪ੍ਰਧਾਨਗੀ ਹੇਠ ਆਯੋਜਿਤ ਕੈਂਪ ਵਿੱਚ ਲੋਕਾਂ ਵਲੋਂ ਵੱਧ ਚੜ ਕੇ ਹਿੱਸਾ ਲਿਆ ਗਿਆ। ਕੈਂਪ ਵਿੱਚ ਵੱਖ-ਵੱਖ ਵਿਭਾਗਾਂ ਵਲੋਂ ਅਧਿਕਾਰੀ ਹਾਜਰ ਹੋਏ ਪੰਜਾਬ ਅਨੁਸੂਚਿਤ ਜਾਤੀਆਂ ਭੋ ਵਿਕਾਸ ਅਤੇ ਵਿੱਤ ਕਾਰਪੋਰੇਸ਼ਨ ਵਲੋਂ ਸ੍ਰੀ ਦਰਸ਼ਨ ਸਿੰਘ (ਡੀ. ਐਮ.), ਰਾਕੇਸ਼ ਕੰਡਾਰੀ ਏ. ਡੀ. ਐਮ. ਜੀ. ਵਲੋਂ ਮਹਿਕਮੇ ਦੀਆਂ ਸਕੀਮਾਂ ਜਿਸ ਵਿੱਚ ਬੈਂਕ ਟਾਈ ਅੱਪ ਸਕੀਮ, ਸਿੱਧਾ ਕਰਜਾ ਸਕੀਮ, ਐਨ. ਐਚ. ਐਫ. ਡੀ. ਸੀ. ਸਕੀਮ ਤੇ ਐਨ. ਐਸ. ਕੇ. ਐਫ. ਡੀ. ਸੀ. ਬਾਰੇ ਸੰਖੇਪ ਵਿੱਚ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਗਈ। ਸਮਾਜਿਕ ਨਿਆਂ ਅਧਿਕਾਰਤਾ ਅਤੇ ਘੱਟ ਗਿਣਤੀ ਵਿਭਾਗ ਵਲੋਂ ਅਮਲੇਸ਼ ਸਿੰਗਲਾ ਤਹਿਸੀਲ ਭਲਾਈ ਅਫਸਰ ਹਾਜਰ ਹੋਏ । ਉਨ੍ਹਾਂ ਵਲੋਂ ਲੋਕਾਂ ਨੂੰ ਸ਼ਗਨ ਸਕੀਮ ਤੇ ਵਜੀਫਾ ਸਕੀਮ ਬਾਰੇ ਜਾਣਕਾਰੀ ਦਿੱਤੀ ਗਈ। ਜਿਲਾ ਫੀਲਡ ਅਫਸਰ ਬੈਂਕਫਿੰਕੋਂ ਸ੍ਰੀ ਕੁਲਬੀਰ ਸਿੰਘ ਵਲੋਂ ਮਹਿਕਮੇ ਦੀਆਂ ਸਿੱਧਾ ਕਰਜਾ, ਐਨ.ਐਮ.ਡੀ. ਸਕੀਮਾਂ ਸਬੰਧੀ ਸੰਖੇਪ ਵਿੱਚ ਜਾਣਕਾਰੀ ਦਿੱਤੀ ਗਈ। ਇਸ ਦੌਰਾਨ ਲੋਕਾਂ ਨੂੰ ਭਲਾਈ ਸਕੀਮਾਂ ਦੇ ਲਾਭ ਦੇਣ ਲਈ ਵੱਖ-ਵੱਖ ਵਿਭਾਗਾਂ ਵੱਲੋਂ ਫਾਰਮ ਭਰਵਾਏ ਗਏ ਅਤੇ ਸਰਕਾਰ ਦੀਆਂ ਸਕੀਮਾਂ ਬਾਰੇ ਜਾਗਰੂਕ ਕੀਤਾ ਗਿਆ ।