ਨਸ਼ੀਲੇ ਪਦਾਰਥਾਂ ਨੂੰ ਨਸ਼ਟ ਕਰਨ ਵੇਲੇ ਬੁਆਇਲਰ ਦੇ ਫਟਣ ਨਾਲ ਐਸ. ਪੀ. 40 ਤੇ ਡੀ. ਐਸ. ਪੀ. 25 ਪ੍ਰਤੀਸ਼ਤ ਝੁਲਸੇ

ਨਸ਼ੀਲੇ ਪਦਾਰਥਾਂ ਨੂੰ ਨਸ਼ਟ ਕਰਨ ਵੇਲੇ ਬੁਆਇਲਰ ਦੇ ਫਟਣ ਨਾਲ ਐਸ. ਪੀ. 40 ਤੇ ਡੀ. ਐਸ. ਪੀ. 25 ਪ੍ਰਤੀਸ਼ਤ ਝੁਲਸੇ
ਅੰਮ੍ਰਿਤਸਰ : ਪੰਜਾਬ ਦੇ ਪ੍ਰਸਿੱਧ ਸ਼ਹਿਰ ਖੰਨਾ ਤੋਂ ਅੰਮ੍ਰਿਤਸਰ ਵਿਖੇ ਨਸ਼ੀਲੇ ਪਦਾਰਥਾਂ ਨੂੰ ਨਸ਼ਟ ਕਰਨ ਲਈ ਪਹੁੰਚੇ ਐਸ. ਪੀ. ਤਰੁਨ ਰਤਨ ਅਤੇ ਡੀ. ਐਸ. ਪੀ. ਸੁੱਖ ਅੰਮ੍ਰਿਤ ਸਿੰਘ ਰੰਧਾਵਾ ਉਸ ਵੇਲੇ ਬੁਰੀ ਤਰ੍ਹਾਂ ਝੁਲਸੇ ਗਏ ਜਦੋਂ ਨਸ਼ੀਲੇ ਪਦਾਰਥਾਂ ਨੂੰ ਨਸ਼ਟ ਕਰਨ ਲਈ ਇਸਤੇਮਾਲ ਵਿਚ ਲਿਆਂਦਾ ਜਾਂਦਾ ਬੁਆਇਲਰ ਅਚਾਨਕ ਹੀ ਫਟ ਗਿਆ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਅਧਿਕਾਰੀ ਆਪਣੀ ਪੁਲਸ ਨਾਲ ਮੌਕੇ ਤੇ ਮੌਜੂਦ ਸਨ ਪਰ ਇਹ ਦੋਵੇ਼ ਜਣੇ ਝੁਲਸੇ ਗਏ ਅਤੇ ਐਸ. ਪੀ. ਤਰੁਨ ਰਤਨ 40 ਤੇ ਡੀ. ਐਸ. ਪੀ. ਸੁੱਖ ਅੰਮ੍ਰਿਤ ਰੰਧਾਵਾ 25 ਪ੍ਰਤੀਸ਼ਤ ਝੁਲਸ ਗਏ । ਦੱਸਣਯੋਗ ਹੈ ਕਿ ਸਮੁੱਚੇ ਪੰਜਾਬ ਦੇ ਜਿ਼ਆਦਾਤਰ ਜਿ਼ਲਿਆਂ ਤੋਂ ਪੁਲਸ ਅਧਿਕਾਰੀ ਇਥੇ ਨਸ਼ਾ ਤਸਕਰੀ ਦੇ ਮਾਮਲਿਆਂ ਵਚ ਬਰਾਮਦ ਕੀਤੇ ਨਸ਼ੀਲੇ ਪਦਾਰਥਾਂ ਨੂੰ ਨਸ਼ਟ ਕਰਨ ਲਈ ਆਇਆ ਜਾਂਦਾ ਹੈ । ਉਕਤ ਦੋਵੇਂ ਅਧਿਕਾਰੀ ਜੋ ਇਲਾਜ ਅਧੀਨ ਹਨ ਦੀ ਹਾਲਤ ਕਾਫੀ ਨਾਜ਼ੁਕ ਬਣੀ ਹੋਈ ਹੈ । ਜਿਕਰਯੋਗ ਹੈ ਕਿ ਅੰਮ੍ਰਿਤਸਰ ਵਿਖੇ ਬਣੇ ਬੁਆਇਲਰਾਂ ਅਤੇ ਭੱਠੀਆਂ ਵਿੱਚ ਅਫੀਮ, ਭੁੱਕੀ, ਹੈਰੋਇਨ ਅਤੇ ਹੋਰ ਨਸ਼ੀਲੇ ਪਦਾਰਥ ਨਸ਼ਟ ਕੀਤੇ ਜਾਂਦੇ ਹਨ।ਸੂਚਨਾ ਮਿਲਦਿਆਂ ਹੀ ਅੰਮ੍ਰਿਤਸਰ ਦੇ ਸੀਨੀਅਰ ਅਧਿਕਾਰੀ ਅਮਨਦੀਪ ਵੀ ਹਸਪਤਾਲ ਪਹੁੰਚ ਗਏ ਅਤੇ ਇਸ ਦੌਰਾਨ ਖੰਨਾ ਤੋਂ ਅਧਿਕਾਰੀ ਵੀ ਅੰਮ੍ਰਿਤਸਰ ਲਈ ਰਵਾਨਾ ਹੋ ਗਏ ਹਨ ।