ਖ਼ਾਲਸਾ ਕਾਲਜ ਪਟਿਆਲਾ ਵੱਲੋਂ ਸਕਿਲ ਡਿਵੈਲਪਮੈਂਟ ਪ੍ਰੋਗਰਾਮ ਦਾ ਆਯੋਜਨ

ਖ਼ਾਲਸਾ ਕਾਲਜ ਪਟਿਆਲਾ ਵੱਲੋਂ ਸਕਿਲ ਡਿਵੈਲਪਮੈਂਟ ਪ੍ਰੋਗਰਾਮ ਦਾ ਆਯੋਜਨ
ਪਟਿਆਲਾ : ਖ਼ਾਲਸਾ ਕਾਲਜ ਪਟਿਆਲਾ ਦੇ ਫੂਡ ਪ੍ਰੋਸੈਸਿੰਗ ਐਂਡ ਇੰਜੀਨੀਅਰਿੰਗ ਇਨਕਿਊਬੇਸ਼ਨ ਸੈਂਟਰ ਅਤੇ ਇੰਸਟੀਚਿਊਸ਼ਨ ਇਨੋਵੇਸ਼ਨ ਕੌਂਸਲ (ਆਈ ਆਈ ਸੀ) ਸੈੱਲ ਦੇ ਸਾਂਝੇ ਯਤਨਾਂ ਨਾਲ ਇਫੈਕਟਿਵ ਫੂਡ ਪ੍ਰੋਡਕਟ ਸੇਲਜ਼ ਅਤੇ ਐਂਟਰਪ੍ਰੀਨਿਯਰਸ਼ਿਪ ਸਕਿਲ ਡਿਵੈਲਪਮੈਂਟ÷ ਪ੍ਰੋਗਰਾਮ ਦਾ ਸਫਲਤਾਪੂਰਵਕ ਆਯੋਜਨ ਕੀਤਾ ਗਿਆ । ਇਸ ਪ੍ਰੋਗਰਾਮ ਦਾ ਉਦਘਾਟਨ ਕਾਲਜ ਦੇ ਪਿ੍ਰੰਸੀਪਲ ਡਾ. ਧਰਮਿੰਦਰ ਸਿੰਘ ਉੱਭਾ ਵਲੋਂ ਆਈ. ਆਈ. ਸੀ. ਦੇ ਕਨਵੀਨਰ ਡਾ. ਗੁਰਮੀਤ ਸਿੰਘ, ਵਾਈਸ ਪ੍ਰੈਜ਼ੀਡੈਂਟ ਡਾ. ਅੰਜੂ ਖੁੱਲਰ ਅਤੇ ਆਈ. ਆਈ. ਸੀ. ਦੇ ਮੈਂਬਰਾਂ ਦੀ ਉਪਸਥਿਤੀ ਵਿੱਚ ਕੀਤਾ ਗਿਆ । ਡਾ. ਗੁਰਮੀਤ ਸਿੰਘ, ਆਈ. ਆਈ. ਸੀ. ਕਨਵੀਨਰ, ਨੇ ਇਸ ਮੌਕੇ ’ਤੇ ਉਭਰਦੇ ਹੋਏ ਉਦਯੋਗਪਤੀਆਂ ਅਤੇ ਫੂਡ ਪ੍ਰੋਸੈਸਿੰਗ ਦੇ ਉਦਮੀਆਂ ਨੂੰ ਇਕੱਠਾ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ । ਡਾ. ਰੋਜ਼ੀ ਬਾਂਸਲ, ਸਟਾਰਟਅੱਪ ਕੋਆਰਡੀਨੇਟਰ ਅਤੇ ਫੂਡ ਪ੍ਰੋਸੈਸਿੰਗ ਐਂਡ ਇੰਜੀਨੀਅਰਿੰਗ ਵਿਭਾਗ ਦੀ ਕੋਰਸ ਇੰਚਾਰਜ, ਦੇ ਮਾਰਗਦਰਸ਼ਨ ਹੇਠ ਪ੍ਰਤੀਭਾਗੀਆਂ ਨੇ ਫੂਡ ਇੰਡਸਟਰੀ ਵਿੱਚ ਨਵੀਨਤਾਕਾਰੀ ਮਾਰਕੀਟਿੰਗ ਸਟਰੈਟਜੀਜ਼, ਸੇਲਜ਼ ਟੈਕਨੀਕਸ ਅਤੇ ਉਦਯੋਗਿਕ ਵਿਕਾਸ ਬਾਰੇ ਮੁੱਲਵਾਨ ਜਾਣਕਾਰੀ ਹਾਸਲ ਕੀਤੀ । ਇਸ ਪ੍ਰੋਗਰਾਮ ਦਾ ਇੱਕ ਮੁੱਖ ਆਕਰਸ਼ਣ ਵਿਦਿਆਰਥੀਆਂ ਦੁਆਰਾ ਲਗਾਏ ਗਏ ਫੂਡ ਸਟਾਲ ਸਨ, ਇਸ ਮੌਕੇ ਲੈਬ ਵਿੱਚ ਤਿਆਰ ਕੀਤੇ ਗਏ ਕੇਕ, ਮਫਿਨਜ਼, ਬ੍ਰਾਉਨੀਜ਼, ਪੋਟੈਟੋ ਚਿਪਸ, ਹੈਲਥੀ ਬਰਗਰ, ਅਚਾਰ, ਚਟਨੀਆਂ, ਕੂਕੀਜ਼, ਬਿਸਕੁਟ ਅਤੇ ਸੈਂਡਵਿਚਜ਼ ਵਰਗੇ ਉਤਪਾਦ ਪੇਸ਼ ਕੀਤੇ ਗਏ । ਹਰ ਉਤਪਾਦ ਨਾ ਸਿਰਫ਼ ਸਿਹਤਮੰਦ ਅਤੇ ਸਵਾਦਿਸ਼ਟ ਸੀ, ਬਲਕਿ ਦਰਸ਼ਕਾਂ ਦੁਆਰਾ ਖੂਬ ਪਸੰਦ ਵੀ ਕੀਤਾ ਗਿਆ, ਜਿਸ ਨਾਲ ਨੌਜਵਾਨ ਉਦਯੋਗਪਤੀਆਂ ਦਾ ਆਤਮਵਿਸ਼ਵਾਸ ਵਧਿਆ। ਇਸ ਪ੍ਰੋਗਰਾਮ ਵਿੱਚ ਮਿਲੀ ਜ਼ਬਰਦਸਤ ਪ੍ਰਸ਼ੰਸਾ ਅਤੇ ਸਕਾਰਾਤਮਕ ਫੀਡਬੈਕ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ ਅਤੇ ਫੂਡ ਉਦਯੋਗ ਵਿੱਚ ਮਿਹਨਤ, ਨਵੀਨਤਾ ਅਤੇ ਸਮਰਪਣ ਦੀ ਮਹੱਤਤਾ ਨੂੰ ਰੇਖਾਂਕਿਤ ਕੀਤਾ । ਇਹ ਪ੍ਰੋਗਰਾਮ ਉਦਯੋਗਿਕ ਖੇਤਰ ਵਿੱਚ ਆਪਣੇ ਹੁਨਰ ਨੂੰ ਨਿਖਾਰਨ, ਮਾਰਕੀਟ ਦੇ ਮੌਕਿਆਂ ਦੀ ਖੋਜ ਕਰਨ ਅਤੇ ਜ਼ਰੂਰੀ ਵਪਾਰਕ ਸਮਝ ਵਿਕਸਿਤ ਕਰਨ ਲਈ ਇੱਕ ਸ਼ਾਨਦਾਰ ਪਲੇਟਫਾਰਮ ਸਾਬਿਤ ਹੋਇਆ ।