ਸਾਬਕਾ ਕ੍ਰਿਕਟ ਕਪਤਾਨ ਸੌਰਵ ਗਾਂਗੁਲੀ ਤੇ ਜਲਦੀ ਹੀ ਆ ਰਹੀ ਹੈ ਬਾਇਓਪਿਕ

ਸਾਬਕਾ ਕ੍ਰਿਕਟ ਕਪਤਾਨ ਸੌਰਵ ਗਾਂਗੁਲੀ ਤੇ ਜਲਦੀ ਹੀ ਆ ਰਹੀ ਹੈ ਬਾਇਓਪਿਕ
ਨਵੀਂ ਦਿੱਲੀ : ਕ੍ਰਿਕਟ ਦੀ ਦੁਨੀਆਂ ਵਿਚ ਆਪਣਾ ਲੋਹਾ ਮਨਵਾਉਣ ਵਾਲੇ ਸੌਰਖ ਗਾਂਗੁਲੀ ਤੇ ਆਧਾਰਤ ਕਹਾਣੀ ਜਲਦ ਹੀ ਵੱਡੇ ਪੱਧਰ ਤੇ ਨਜ਼ਰ ਆਵੇਗੀ, ਜਿਸਦਾ ਕਿਰਦਾਰ ਵੀ ਬਾਲੀਵੁੱਡ ਸਟਾਰ ਰਾਜਕੁਮਾਰ ਰਾਓ ਵਲੋਂ ਅਦਾ ਕੀਤਾ ਜਾ ਰਿਹਾ ਹੈ, ਇਹ ਜਾਣਕਾਰੀ ਸਾਬਕਾ ਕ੍ਰਿਕਟ ਕਪਤਾਨ ਸੌਰਖ ਗਾਂਗੁਲੀ ਨੇ ਦਿੱਤੀ । ਦਾਦਾ ਸੌਰਵ ਗਾਂਗੁਲੀ ਦੀ ਬਾਇਓਪਿਕ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਚਰਚਾ ਸੀ ਹੁਣ ਆਖਰਕਾਰ ਇਸ ਦਿੱਗਜ ਕ੍ਰਿਕਟਰ ਨੇ ਖੁਦ ਆਪਣੀ ਬਾਇਓਪਿਕ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ਅਤੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਫਿਲਮ `ਚ ਉਨ੍ਹਾਂ ਦੀ ਜਗ੍ਹਾ ਕਿਹੜਾ ਹੀਰੋ ਲਵੇਗਾ । ਇਹ ਅਦਾਕਾਰ ਰਾਜਕੁਮਾਰ ਰਾਓ ਹੈ। ਜੀ ਹਾਂ, ਇਹ ਰਾਜਕੁਮਾਰ ਰਾਓ ਹੀ ਹਨ ਜੋ ਵੱਡੇ ਪਰਦੇ `ਤੇ ਸੌਰਵ ਗਾਂਗੁਲੀ ਦੀ ਬਾਇਓਪਿਕ `ਚ ਮੁੱਖ ਭੂਮਿਕਾ ਨਿਭਾਉਣਗੇ । ਵੀਰਵਾਰ ਨੂੰ ਪੱਛਮੀ ਬੰਗਾਲ ਦੇ ਬਰਧਮਾਨ `ਚ ਮੀਡੀਆ ਨਾਲ ਗੱਲ ਕਰਦੇ ਹੋਏ ਉਸ ਨੇ ਕਿਹਾ, “ਜੋ ਮੈਂ ਸੁਣਿਆ ਹੈ, ਉਸ ਮੁਤਾਬਕ ਰਾਜਕੁਮਾਰ ਰਾਓ (ਮੁੱਖ ਭੂਮਿਕਾ) ਨਿਭਾਉਣਗੇ ਪਰ ਡੇਟ ਦਾ ਮੁੱਦਾ ਹੈ, ਇਸ ਲਈ ਪਰਦੇ `ਤੇ ਆਉਣ ਲਈ ਇੱਕ ਸਾਲ ਤੋਂ ਵੱਧ ਸਮਾਂ ਲੱਗੇਗਾ, ਜੇਕਰ ਸਚਿਨ ਤੇਂਦੁਲਕਰ ਨੂੰ ਕ੍ਰਿਕਟ ਦਾ ਭਗਵਾਨ ਕਿਹਾ ਜਾਂਦਾ ਹੈ ਤਾਂ ਸੌਰਵ ਗਾਂਗੁਲੀ ਨੂੰ ਕ੍ਰਿਕਟ ਦਾ ਮਹਾਰਾਜਾ ਕਿਹਾ ਜਾਂਦਾ ਹੈ । ਦਾਦਾ ਦੇ ਨਾਂ ਨਾਲ ਮਸ਼ਹੂਰ ਸੌਰਵ ਨੇ ਕ੍ਰਿਕਟ ਜਗਤ `ਚ ਅਨੋਖੀ ਛਾਪ ਛੱਡੀ ਹੈ। ਉਸਨੇ ਆਪਣੇ ਕਰੀਅਰ ਵਿੱਚ 113 ਟੈਸਟ ਮੈਚ ਅਤੇ 311 ਓਡੀ ਮੈਚ ਖੇਡੇ ਹਨ । ਉਹ ਬੀ. ਸੀ. ਸੀ. ਆਈ. ਦੇ ਪ੍ਰਧਾਨ ਅਤੇ ਹੁਣ ਤੱਕ ਦੇ ਸਭ ਤੋਂ ਸਫਲ ਕਪਤਾਨ ਰਹੇ ਹਨ। ਇਸਤਰੀ 2 ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਰਾਜਕੁਮਾਰ ਰਾਓ ਕੋਲ ਕਈ ਫਿਲਮਾਂ ਹਨ, ਜਿਨ੍ਹਾਂ ਦਾ ਦਰਸ਼ਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਸੌਰਵ ਗਾਂਗੁਲੀ ਦੀ ਬਾਇਓਪਿਕ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਤੋਂ ਇਲਾਵਾ, ਉਹ ਕੁਝ ਫਿਲਮਾਂ ਵਿੱਚ ਕਾਮੇਡੀ ਦਾ ਛੋਹ ਵੀ ਜੋੜਦਾ ਨਜ਼ਰ ਆਵੇਗਾ। ਹਾਲ ਹੀ `ਚ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ `ਭੂਲ ਚੂਕ ਮਾਫ` ਦਾ ਐਲਾਨ ਕੀਤਾ ਗਿਆ ਸੀ ।