ਅਦਾਕਾਰ ਤੇ ਉਪ ਮੁੱਖ ਮੰਤਰੀ ਪਵਨ ਕਲਿਆਣ ਦੀ ਤੀਸਰੀ ਰੂਸੀ ਪਤਨੀ ਨੇ ਵੀ ਲਿਆ ਤਲਾਕ ਦੇ ਰਹਿਣਗੇ ਦੋਵੇਂ
ਹੈਦਰਾਬਾਦ, 10 ਨਵੰਬਰ 2026 : ਆਂਧਰਾ ਪ੍ਰਦੇਸ਼ ਦੇ ਉਪ ਮੁੱਖ ਮੰਤਰੀ ਅਤੇ ਅਦਾਕਾਰ ਪਵਨ ਕਲਿਆਣ ਦਾ ਜੀਵਨ ਬਹੁਤ ਹੀ ਉਤਾਰ ਚੜਾਅ ਭਰਿਆ ਰਿਹਾ ਹੈ। ਉਨਾ ਦੀਆਂ ਦੋ ਪਤਨੀਆਂ ਵਲੋ ਕੁੱਝ ਸਾਲ ਪਹਿਲਾਂ ਲਏ ਗਏ ਤਲਾਕਾਂ ਤੋ ਬਾਅਦ ਹੁਣ ਰੂਸੀ ਤੀਸਰੀ ਪਤਨੀ ਨੇ ਵੀ ਪਵਨ ਕਲਿਆਣ ਨਾਲ ਆਪਸੀ ਸਹਿਮਤੀ ਤਹਿਤ ਤਲਾਕ ਲੈ ਲਿਆ ਹੈ।
ਜਾਣਕਾਰੀ ਦੇ ਅਨੁਸਾਰ ਉਨ੍ਹਾਂ ਦੀ ਪਹਿਲੀ ਪਤਨੀ ਨੰਦਿਨੀ ਸੀ ਤੇ ਦੂਸਰੀ ਰੇਨੂੰ ਅਤੇ ਤੀਸਰੀ ਪਤਨੀ ਅੰਨਾ ਕੋਨੀਡੇਲਾ ਨੇ ਵਿਆਹ ਦੇ 13 ਸਾਲ ਬਾਅਦ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ। ਉਪ ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ ਦੋਵਾਂ ਨੇ ਆਪਸੀ ਸਮਝ ਅਤੇ ਸਤਿਕਾਰ ਨਾਲ ਇਹ ਫੈਸਲਾ ਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਵੱਖ ਹੋਣ ਦੇ ਬਾਵਜੂਦ ਉਹ ਚੰਗੇ ਦੋਸਤ ਬਣੇ ਰਹਿਣਗੇ।
ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਪਵਨ ਕਲਿਆਣ ਅਤੇ ਅੰਨਾ ਆਪਣੇ ਬੱਚਿਆਂ ਪ੍ਰਤੀ ਸਮਰਪਿਤ ਮਾਪਿਆਂ ਦੀ ਭੂਮਿਕਾ ਨਿਭਾਉਂਦੇ ਰਹਿਣਗੇ। ਬੱਚਿਆਂ ਦੀ ਖੁਸ਼ੀ ਅਤੇ ਭਲਾਈ ਦੋਵਾਂ ਦੀ ਸਾਂਝੀ ਤਰਜੀਹ ਰਹੇਗੀ ਅਤੇ ਉਨ੍ਹਾਂ ਦੀ ਪਰਵਰਿਸ਼ ਵਿੱਚ ਦੋਵੇਂ ਆਪਣੀ ਜ਼ਿੰਮੇਵਾਰੀ ਨਿਭਾਉਣਗੇ।
