ਅਮਰੀਕਾ ਨੇ ਮੁੜ ਕੀਤਾ ਈਰਾਨ ਦੇ ਤੇਲ ਟੈਕਰ ਉਪਰ ਹਮਲਾ, ਦਾਗੀਆਂ ਮਿਜਾਈਲਾਂ

ਚੰਡੀਗੜ੍ਹ, 5 ਸਤੰਬਰ : ਅਮਰੀਕਾ ਨੇ ਇਕ ਵਾਰ ਫਿਰ ਈਰਾਨ ਦੇ ਤੇਲ ਟੈਕਰ ਉਪਰ ਵੱਡਾ ਹਮਲਾ ਕਰਦਿਆਂ ਉਸਦੇ ਟੈਕਰ ਉਪਰ ਮਿਜਾਈਲਾਂ ਦਾਗੀਆਂ ਹਨ, ਜਿਸ ਵਿਚ ਹਜੇ ਤੱਕ ਕਿਸੇ ਦੇ ਮਾਰੇ ਜਾਣ ਦੀ ਕੋਈ ਸੂਚਨਾ ਪ੍ਰਾਪਤ ਨਹੀ ਹੋਈ ਹੈ।
ਜਾਣਕਾਰੀ ਅਨੁਸਾਰ ਈਰਾਨ ਦੇ ਰਣਨੀਤਕ ਤੌਰ ’ਤੇ ਅਹਿਮ ਖਾਰਗ ਟਾਪੂ ਨੇੜੇ ਇੱਕ ਈਰਾਨੀ ਤੇਲ ਟੈਂਕਰ ਨੂੰ ਅਮਰੀਕੀ ਮਿਜ਼ਾਈਲ ਹਮਲੇ ਦਾ ਨਿਸ਼ਾਨਾ ਬਣਾਏ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਮਰੀਕਾ ਵੱਲੋਂ ਲਗਾਤਾਰ ਚਾਰ ਮਿਜ਼ਾਈਲਾਂ ਦਾਗੀਆਂ ਗਈਆਂ।

ਹਮਲੇ ਤੋਂ ਬਾਅਦ ਟੈਂਕਰ ਨੂੰ ਖਾਲੀ ਕਰਵਾਉਣ ਦੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਖਾਰਗ ਟਾਪੂ ਈਰਾਨ ਦੇ ਤੇਲ ਨਿਰਯਾਤ ਲਈ ਬੇਹੱਦ ਮਹੱਤਵਪੂਰਨ ਕੇਂਦਰ ਮੰਨਿਆ ਜਾਂਦਾ ਹੈ। ਰਿਪੋਰਟ ਮੁਤਾਬਕ ਇਹ ਟਾਪੂ ਦੇਸ਼ ਦੇ ਕੱਚੇ ਤੇਲ ਦੀ ਲਗਭਗ 90 ਫ਼ੀਸਦੀ ਸਪਲਾਈ ਨਾਲ ਜੁੜਿਆ ਹੋਇਆ ਹੈ। ਇਸ ਕਾਰਨ ਖਾਰਗ ਟਾਪੂ ’ਤੇ ਹੋਏ ਹਮਲੇ ਨੂੰ ਰਣਨੀਤਕ ਤੌਰ ’ਤੇ ਵੀ ਅਹਿਮ ਮੰਨਿਆ ਜਾ ਰਿਹਾ ਹੈ।