ਥਾਈਲੈਡ ਦੇ ਪੱਬ ਵਿਚ ਅੱਗ ਦਾ ਤਾਂਡਵ, ਕਈ ਲੋਕਾਂ ਦੀ ਹੋਈ ਮੌਤ, ਕਈ ਜਖਮੀ
ਬੈਂਕਾਕ, 13 ਜੁਲਾਈ 2026 : ਬੀਤੀ ਰਾਤ ਥਾਈਲੈਡ ਦੇ ਇੱਕ ਪੱਬ ਵਿਚ ਅਚਾਨਕ ਇਕ ਪੱਬ ਵਿਚ ਅੱਗ ਲੱਗਣ ਕਾਰਨ ਜਿਥੇ ਪੂਰੀ ਤਰ੍ਹਾ ਹੜਕੰਪ ਮਚ ਗਿਆ, ਉੱਥੇ ਇਸ ਅਗਨੀਕਾਂਡ ਵਿੱਚ ਕਈ ਲੋਕਾਂ ਦੀ ਜਾਨ ਜਾਣ ਦਾ ਸਮਾਚਾਰ ਵੀ ਪ੍ਰਾਪਤ ਹੋਇਆ ਹੈ। ਇਸ ਅਗਨੀਕਾਂਡ ਨੂੰ ਲੈ ਕੇ ਰਾਹਤ ਕਾਰਜ ਜਾਰੀ ਹਨ।
ਜਾਣਕਾਰੀ ਅਨੁਸਾਰ ਰਾਜਧਾਨੀ ਬੈਂਕਾਕ ਦੇ ਬਾਹਰਵਾਰ ਸਥਿਤ ਰੋਂਗ ਬੀਅਰ ਨਾ ਲਾਟ ਫਰਾਓ ਨਾਮਕ ਇੱਕ ਪੱਬ ਵਿੱਚ ਐਤਵਾਰ ਦੇਰ ਰਾਤ ਭਿਆਨਕ ਅੱਗ ਲੱਗਣ ਕਾਰਨ ਘੱਟੋ-ਘੱਟ 28 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਕਈ ਹੋਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਹਾਦਸੇ ਤੋਂ ਬਾਅਦ ਰਾਹਤ ਅਤੇ ਬਚਾਅ ਟੀਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ ਅਤੇ ਅੱਗ ‘ਤੇ ਕਾਬੂ ਪਾਇਆ।
ਚਸ਼ਮਦੀਦਾਂ ਦੇ ਅਨੁਸਾਰ, ਹਾਦਸੇ ਤੋਂ ਪਹਿਲਾਂ ਸਟੇਜ ਦੇ ਨੇੜੇ ਲੱਗੇ ਇੱਕ ਸਰਕਟ ਬ੍ਰੇਕਰ ਵਿੱਚੋਂ ਧੂੰਆਂ ਨਿਕਲਣਾ ਸ਼ੁਰੂ ਹੋਇਆ, ਜਿਸ ਕਾਰਨ ਅਚਾਨਕ ਬਿਜਲੀ ਚਲੀ ਗਈ। ਇਸ ਤੋਂ ਕੁਝ ਹੀ ਪਲਾਂ ਬਾਅਦ ਇੱਕ ਜ਼ੋਰਦਾਰ ਧਮਾਕਾ ਹੋਇਆ ਅਤੇ ਅੱਗ ਨੇ ਤੇਜ਼ੀ ਨਾਲ ਪੂਰੇ ਪੱਬ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ।
