'ਧਮਾਲ 4' ਦੀ ਬਾਕਸ ਆਫਿਸ 'ਤੇ ਧਮਾਕੇਦਾਰ ਸ਼ੁਰੂਆਤ, ਪਹਿਲੇ ਦਿਨ ਕਮਾਏ 16.50 ਕਰੋੜ

ਮੁੰਬਈ, 11 ਜੁਲਾਈ 2026 : ਸਿਨੇਮਾਘਰਾਂ ਵਿਚ ਰਿਲੀਜ ਹੋਈ ਧਮਾਲ ਫਿਲਮ ਨੇ ਪੂਰੀ ਤਰ੍ਹਾ ਧਮਾਲ ਮਚਾਕੇ ਰੱਖ ਦਿਤੀ ਹੈ। ਤਾਜਾ ਰਿਪੋਰਟ ਅਨੁਸਾਰ ਅੱਜ ਪਹਿਲੇ ਦਿਨ ਦੇ ਸ਼ੋਅ ਦੌਰਾਨ ਇਸ ਫਿਲਮ ਦੀ ਕਮਾਈ 16.50 ਕਰੋੜ ਤੱਕ ਪਹੰੁਚ ਗਈ ਹੈ।

ਜਾਣਕਾਰੀ ਅਨੁਸਾਰ ਨਿਰਦੇਸ਼ਕ ਇੰਦਰ ਕੁਮਾਰ ਦੀ ਕਾਮੇਡੀ ਫਿਲਮ ‘ਧਮਾਲ 4’* ਨੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੁੰਦਿਆਂ ਹੀ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਅਜੇ ਦੇਵਗਨ, ਰਿਤੇਸ਼ ਦੇਸ਼ਮੁਖ ਅਤੇ ਅਰਸ਼ਦ ਵਾਰਸੀ ਦੀ ਮੁੱਖ ਭੂਮਿਕਾ ਵਾਲੀ ਇਸ ਫਿਲਮ ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।

ਬਾਕਸ ਆਫਿਸ ਟ੍ਰੈਕਰ ਸੈਕਨੀਲਕ ਦੀ ਰਿਪੋਰਟ ਅਨੁਸਾਰ, ਫਿਲਮ ਨੇ ਰਿਲੀਜ਼ ਦੇ ਪਹਿਲੇ ਦਿਨ ਦੇਸ਼ ਭਰ ਵਿੱਚ 10,669 ਸ਼ੋਅਜ਼ ਰਾਹੀਂ 13.75 ਕਰੋੜ ਰੁਪਏ ਦੀ ਨੈੱਟ ਕਮਾਈ ਕੀਤੀ। ਕੁੱਲ ਮਿਲਾ ਕੇ ਭਾਰਤ ਵਿੱਚ ਫਿਲਮ ਦੀ ਗ੍ਰਾਸ ਕਮਾਈ 16.50 ਕਰੋੜ ਰੁਪਏ ਦਰਜ ਕੀਤੀ ਗਈ, ਜਦਕਿ ਪਹਿਲੇ ਦਿਨ ਔਸਤ 24 ਫੀਸਦੀ ਆਕੂਪੈਂਸੀ ਰਹੀ।