ਪਾਕਿਸਤਾਨ ਦੇ ਕੋਸਟ ਗਾਰਡ ਕੈਪ ਵਿਚ ਹੋਇਆ ਵੱਡਾ ਆਤਮਘਾਤੀ ਧਮਾਕਾ : ਕਈ ਮਰੇ
ਇਸਲਾਮਾਬਾਦ, 4 ਜੁਲਾਈ : ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਦੇ ਗਵਾਦਰ ਜ਼ਿਲ੍ਹੇ ਦੇ ਜੀਵਾਨੀ ਇਲਾਕੇ ਇਕ ਕੋਸਟ ਗਾਰਡ ਕੈਪ ਵਿਚ ਇਕ ਵੱਡਾ ਆਤਮਘਾਤੀ ਹਮਲਾ ਤੇ ਧਮਾਕਾ ਹੋਣ ਦੇਕਾਰਨ ਵੱਡੀ ਗਿਣਤੀ ਵਿਚ ਪਾਕ ਸੈਨਿਕਾਂ ਦੇ ਮਾਰੇ ਜਾਣ ਦੀ ਖਬਰ ਹੈ।
ਜਾਣਕਾਰੀ ਦੇ ਅਨੁਸਾਰ ਇਸ ਆਤਮਘਾਤੀ ਹਮਲੇ ਦੀ ਜ਼ਿੰਮੇਵਾਰੀ ਬਲੋਚ ਲਿਬਰੇਸ਼ਨ ਆਰਮੀ (ਬੀਐਲਏ) ਨੇ ਆਪਣੇ ਸਿਰ ਲਈ ਹੋਣ ਦਾ ਦਾਅਵਾ ਕੀਤਾ ਹੈ। ਸੰਗਠਨ ਦਾ ਕਹਿਣਾ ਹੈ ਕਿ ਹਮਲੇ ਵਿੱਚ 25 ਤੋਂ ਵੱਧ ਸੁਰੱਖਿਆ ਕਰਮਚਾਰੀ ਮਾਰੇ ਗਏ, ਜਦਕਿ ਕਈ ਹੋਰ ਜ਼ਖਮੀ ਹੋਏ ਹਨ।
ਇਹ ਹਮਲਾ ਸ਼ੁੱਕਰਵਾਰ ਸ਼ਾਮ ਨੂੰ ਗਵਾਦਰ ਦੇ ਪਨਵਾਨ ਖੇਤਰ ਵਿੱਚ ਕੀਤਾ ਗਿਆ। ਬੀਐਲਏ ਦਾ ਦਾਅਵਾ ਹੈ ਕਿ ਇਸ ਕਾਰਵਾਈ ਨੂੰ ਉਸ ਦੀ ਮਜੀਦ ਬ੍ਰਿਗੇਡ ਦੇ ਇੱਕ ਆਤਮਘਾਤੀ ਹਮਲਾਵਰ ਨੇ ਅੰਜਾਮ ਦਿੱਤਾ।
ਸੰਗਠਨ ਵੱਲੋਂ ਜਾਰੀ ਦਾਅਵੇ ਅਨੁਸਾਰ ਹਮਲਾਵਰ, ਜਿਸ ਦੀ ਪਛਾਣ ਅਤਾਉੱਲਾ ਬਲੋਚ ਉਰਫ਼ ਅਜਮਲ ਵਜੋਂ ਕੀਤੀ ਗਈ ਹੈ, ਨੇ ਸ਼ਾਮ ਕਰੀਬ 6:32 ਵਜੇ ਵਿਸਫੋਟਕ ਸਮੱਗਰੀ ਨਾਲ ਭਰੇ ਇੱਕ ਮਾਜ਼ਦਾ ਟਰੱਕ ਨੂੰ ਕੋਸਟ ਗਾਰਡ ਕੈਂਪ ਦੇ ਸੁਰੱਖਿਆ ਘੇਰੇ ਨਾਲ ਟਕਰਾ ਦਿੱਤਾ, ਜਿਸ ਕਾਰਨ ਜ਼ੋਰਦਾਰ ਧਮਾਕਾ ਹੋਇਆ।
