ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਈ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋ ਨੇ ਹਿੰਦੀ ਵਿਚ ਜਾਰੀ ਕੀਤਾ ਸੰਦੇਸ਼
ਪੈਰਿਸ, 19 ਜੂਨ 2026 : ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਸਮੇ ਫਰਾਂਸ ਦੋਰੇ ਉਪਰ ਹਨ ਤੇ ਉਥੋ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋ ਨੇ ਪ੍ਰਧਾਨ ਮੰਤਰੀ ਲਈ ਹਿੰਦੀ ਵਿਚ ਸੰਦੇਸ਼ ਵੀਡਿਓ ਜਾਰੀ ਕੀਤਾ ਹੈ, ਜਿਸ ਨਾਲ ਇਹ ਦੌਰਾ ਹੁਣ ਯਾਦਗਾਰ ਬਣ ਗਿਆ ਹੈ।
ਜਿਕਰਯੋਗ ਹੈ ਕਿ ਇਸ ਵੀਡੀਓ ਦੀ ਖਾਸ ਗੱਲ ਇਹ ਰਹੀ ਕਿ ਮੈਕਰੋਂ ਨੇ ਆਪਣੇ ਸੰਦੇਸ਼ ਦੀ ਸ਼ੁਰੂਆਤ ਹਿੰਦੀ ਵਿੱਚ ਕੀਤੀ ਅਤੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਆਪਣਾ “ਪਿਆਰਾ ਮਿੱਤਰ” ਕਹਿੰਦੇ ਹੋਏ ਭਾਰਤ ਅਤੇ ਫਰਾਂਸ ਦੀ ਦੋਸਤੀ ਨੂੰ ਅਟੁੱਟ ਦੱਸਿਆ।
ਵੀਡੀਓ ਵਿੱਚ ਮੈਕਰੋਂ ਨੇ ਕਿਹਾ, “ਪ੍ਰਿਯ ਮਿੱਤਰ ਨਰਿੰਦਰ, ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਮੈਂ ਤੁਹਾਡਾ ਨੀਸ, ਏਵੀਅਨ ਅਤੇ ਪੈਰਿਸ ਵਿੱਚ ਸਵਾਗਤ ਕੀਤਾ। ਭਾਰਤ ਅਤੇ ਫਰਾਂਸ ਦੀ ਦੋਸਤੀ ਹਮੇਸ਼ਾ ਕਾਇਮ ਰਹੇ।” ਹਿੰਦੀ ਵਿੱਚ ਆਪਣਾ ਸੰਦੇਸ਼ ਪੂਰਾ ਕਰਨ ਤੋਂ ਬਾਅਦ ਉਨ੍ਹਾਂ ਮੁਸਕਰਾਉਂਦੇ ਹੋਏ ਕਿਹਾ, “ਮੈਨੂੰ ਉਮੀਦ ਹੈ ਕਿ ਮੈਂ ਇਹ ਠੀਕ ਕਿਹਾ ਹੈ।”
ਉਨਾ ਦੇ ਇਸ ਵੀਡਿਓ ਸੰਦੇਸ਼ ਦੀ ਚਰਚਾ ਹੁਣ ਚਾਰੇ ਪਾਸੇ ਹੋ ਰਹੀ ਹੈ ਤੇ ਹਰ ਕੋਈ ਇਸਦੀ ਸ਼ਲਾਘਾ ਕਰਦਾ ਨਜਰ ਆ ਰਿਹਾ ਹੈ। ਦਸ ਦਈਏ ਕਿ ਫਰਾਂਸ ਦੌਰੇ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਨੇ 14 ਤੋਂ 16 ਜੂਨ ਤੱਕ ਸਲੋਵਾਕੀਆ ਦਾ ਦੌਰਾ ਵੀ ਕੀਤਾ, ਜੋ ਕਿਸੇ ਭਾਰਤੀ ਪ੍ਰਧਾਨ ਮੰਤਰੀ ਦਾ ਇਸ ਦੇਸ਼ ਲਈ ਪਹਿਲਾ ਸਰਕਾਰੀ ਦੌਰਾ ਮੰਨਿਆ ਜਾ ਰਿਹਾ ਹੈ।
