ਠੇਕੇ ਦੇ ਬਾਹਰ ਮੁਫਤ ਸ਼ਰਾਬ ਵੰਡਣ ਵਾਲਾ ਮਾਲਕ ਆਇਆ ਪੁਲਸ ਅੜਿਕੇ
ਚੰਡੀਗੜ, 25 ਮਈ : ਚੰਡੀਗੜ੍ਹ ਦੇ ਪਾਸ਼ ਸੈਕਟਰ-9 ਮਾਰਕੀਟ ਵਿੱਚ ਲੋਕਾਂ ਨੂੰ ਮੁਫਤ ਸ਼ਰਾਬ ਵੰਡਣ ਵਾਲਾ ਇਕ ਮਾਲਕ ਪੁਲਸ ਦੇ ਅੜਿਕੇ ਆ ਗਿਆ ਹੈ, ਜਿਸਨੂੰ ਚੰਡੀਗੜ੍ਹ ਦੇ ਡਿਪਟੀ ਕਮਿਸ਼ਨਰ ਨੇ ਸੈਕਟਰ-9 ਵਿੱਚ ਜਿੱਥੇ ਇਹ ਗਤੀਵਿਧੀ ਹੋਈ, ਉਸ ਸ਼ਰਾਬ ਦੇ ਲਾਇਸੈਂਸ ਧਾਰਕ ਨੂੰ ਨੋਟਿਸ ਜਾਰੀ ਕਰਕੇ ਸਪੱਸ਼ਟੀਕਰਨ ਮੰਗਿਆ ਗਿਆ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਅਗਲੀ ਜਾਂਚ ਜਾਰੀ ਹੈ।
ਇਸ ਮਾਮਲੇ ਵਿਚ ਸ਼ਰਾਬ ਨਾਲ ਜੁੜੀ ਪ੍ਰਮੋਸ਼ਨਲ ਗਤੀਵਿਧੀ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਨੇ ਕਾਰਵਾਈ ਕਰਦਿਆਂ ਡੀਜੇ ਮਾਲਕ ਰਾਜੇਸ਼ ਸਚਦੇਵਾ ਖ਼ਿਲਾਫ਼ ਕੇਸ ਦਰਜ ਕਰਕੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਮਾਮਲਾ ਸੋਸ਼ਲ ਮੀਡੀਆ ’ਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਚਰਚਾ ਵਿੱਚ ਆਇਆ।
ਪੁਲਿਸ ਮੁਤਾਬਕ ਸੈਕਟਰ-9 ਮਾਰਕੀਟ ਵਿੱਚ ਇੱਕ ਸ਼ਰਾਬ ਦੀ ਦੁਕਾਨ ਦੇ ਬਾਹਰ ਨਵੇਂ ਸ਼ਰਾਬ ਬ੍ਰਾਂਡ ਦੇ ਪ੍ਰਚਾਰ ਲਈ ਸਟਾਲ ਲਗਾਇਆ ਗਿਆ ਸੀ, ਜਿੱਥੇ ਲੋਕਾਂ ਨੂੰ ਖੁੱਲ੍ਹੇਆਮ ਸ਼ਰਾਬ ਨਾਲ ਤਿਆਰ ਕੀਤੀ ਆਈਸਕ੍ਰੀਮ ਵੰਡੀ ਜਾ ਰਹੀ ਸੀ। ਵਾਇਰਲ ਵੀਡੀਓ ਵਿੱਚ ਵੀ ਲੋਕਾਂ ਨੂੰ ਵੋਡਕਾ ਮਿਕਸ ਆਈਸਕ੍ਰੀਮ ਲੈਂਦੇ ਦੇਖਿਆ ਗਿਆ, ਜਿਸ ਤੋਂ ਬਾਅਦ ਮਾਮਲੇ ਨੇ ਤੂਲ ਫੜ ਲਿਆ।
