ਮਾਊਟ ਐਵਰੈਸਟ ਨੂੰ ਸਰ ਤੋ ਬਾਅਦ ਉਤਰਨ ਦੌਰਾਨ ਹੋਈ ਦੋ ਪਰਬਤਾਰੋਹੀਆਂ ਦੀ ਮੌਤ
ਦਿੱਲੀ, 22 ਮਈ : ਦੁਨੀਆ ਦੀ ਸਭ ਤੋਂ ਉੱਚੀ ਚੋਟੀ, ਮਾਊਂਟ ਐਵਰੈਸਟ ਨੂੰ ਪੂਰੀ ਸਫਲਤਾ ਨਾਲ ਸਰ ਕਰਨ ਤੋ ਬਾਅਦ ਉਤਰਦੇ ਸਮੇ ਦੋ ਪਰਬਤਾਰੋਹੀਆਂ ਦੀ ਮੌਤ ਹੋਣ ਦਾ ਦੁਖਦ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਦੋਵੇ ਪਰਬਤਾਰੋਹੀ ਭਾਰਤੀ ਹਨ, ਜਿਨਾ ਨੂੰ ਬਚਾਉਣ ਦੀ ਕੋਸਿ਼ਸ਼ਾਂ ਗਾਈਡਾਂ ਵਲੋ ਕੀਤੀਆਂ ਗਈਆਂ ਪਰ ਉਹ ਬਚਾਅ ਨਾ ਸਕੇ।
ਜਾਣਕਾਰੀ ਅਨੁਸਾਰ ਮ੍ਰਿਤਕ ਪਰਬਤਾਰੋਹੀਆਂ ਦੀ ਪਛਾਣ ਅਰੁਣ ਕੁਮਾਰ ਤਿਵਾੜੀ ਅਤੇ ਸੰਦੀਪ ਅਰੇ ਵਜੋਂ ਹੋਈ ਹੈ। ਨੇਪਾਲ ਐਕਸਪੀਡੀਸ਼ਨ ਆਪਰੇਟਰਜ਼ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਰਿਸ਼ੀ ਭੰਡਾਰੀ ਨੇ ਕਿਹਾ ਕਿ ਦੋਵੇਂ ਪਰਬਤਾਰੋਹੀ ਸਿਖਰ ਤੋਂ ਉਤਰਦੇ ਸਮੇਂ ਬਹੁਤ ਥੱਕ ਗਏ ਸਨ। ਉਨ੍ਹਾਂ ਦੇ ਗਾਈਡਾਂ ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ, ਪਰ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ।
