ਬੰਗਾਲ : ਮਮਤਾ ਦਾ ਡੱਟਾ ਸੰਦੇਸ਼, ‘ਆਖਰੀ ਨਤੀਜੇ ਤੱਕ ਡਟੇ ਰਹੋ’
ਕੋਲਕਾਤਾ, 4 ਮਈ 2026 : ਦੇਸ਼ ਅੰਦਰ ਪੱਛਮੀ ਬੰਗਾਲ ਵਿਚ ਜਿਥੇ ਬੀਜੇਪੀ ਦਾ ਜਾਦੂ ਚਲਦਾ ਨਜਰ ਆ ਰਿਹਾ ਹੈ, ਉਥੇ ਇਸ ਚੜਤ ਨੂੰ ਦੇਖਦੇ ਹੋਏ ਮਮਤਾ ਬੈਨਰਜੀ ਨੇ ਆਪਣੇ ਵਰਕਰਾਂ ਨੂੰ ਡਟਵਾ ਸੰਦੇਸ਼ ਦਿਤਾ ਹੈ। ਭਾਜਪਾਦੀ ਮਜ਼ਬੂਤ ਬੜ੍ਹਤ ਦੇ ਦਰਮਿਆਨ ਮਮਤਾ ਨੇ ਹਾਰ ਸਵੀਕਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਸੋਮਵਾਰ ਨੂੰ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸ਼ੁਰੂਆਤੀ ਰੁਝਾਨਾਂ ਨੂੰ ਆਧਾਰ ਬਣਾਕੇ ਨਤੀਜਾ ਕੱਢਣਾ ਠੀਕ ਨਹੀਂ ਹੈ।
ਆਲ ਇੰਡੀਆ ਤ੍ਰਿਣਮੂਲ ਕਾਂਗਰਸ ਦੀ ਮੁਖੀ ਨੇ ਭਾਜਪਾ ਦੀ ਪਹਿਲੀ ਬੜ੍ਹਤ ਨੂੰ ‘ਗੰਦੀ ਸਿਆਸੀ ਚਾਲ’ ਕਰਾਰ ਦਿੰਦਿਆਂ ਦੋਸ਼ ਲਗਾਇਆ ਕਿ ਰੁਝਾਨਾਂ ਨੂੰ ਜਾਣਬੁੱਝ ਕੇ ਇੱਕ ਪੱਖ ਵਿੱਚ ਦਰਸਾਇਆ ਜਾ ਰਿਹਾ ਹੈ ਤਾਂ ਜੋ ਲੋਕਾਂ ਵਿੱਚ ਗਲਤ ਧਾਰਣਾ ਬਣਾਈ ਜਾ ਸਕੇ।
ਮਮਤਾ ਬੈਨਰਜੀ ਨੇ ਆਪਣੇ ਵਰਕਰਾਂ ਨੂੰ ਸਪੱਸ਼ਟ ਹਦਾਇਤ ਦਿੱਤੀ ਕਿ ਉਹ ਗਿਣਤੀ ਪ੍ਰਕਿਰਿਆ ਦੌਰਾਨ ਪੂਰੀ ਤਰ੍ਹਾਂ ਚੌਕਸ ਰਹਿਣ ਅਤੇ ਕਿਸੇ ਵੀ ਹਾਲਤ ਵਿੱਚ ਗਿਣਤੀ ਕੇਂਦਰ ਨਾ ਛੱਡਣ। ਉਨ੍ਹਾਂ ਕਿਹਾ ਕਿ ਆਖਰੀ ਨਤੀਜੇ ਆਉਣ ਤੱਕ ਲੜਾਈ ਜਾਰੀ ਰੱਖਣੀ ਲਾਜ਼ਮੀ ਹੈ।
