ਗੈਂਗਵਾਰ ਦੀ ਗੂੰਜ : ਸੁੱਖਾ ਕਾਹਲਵਾ ਦੇ ਨਜਦੀਕੀ ਗੋਪੀ ਨਿੱਜਰ ਦਾ ਗੋਲੀਆਂ ਮਾਰ ਕੀਤਾ ਕਤਲ

ਕਪੂਰਥਲਾ, 01 ਮਈ 2026 : ਪੰਜਾਬ ਅੰਦਰ ਗੈਗਵਾਰ ਰੁਕਨ ਦਾ ਨਾਮ ਨਹੀ ਲੈ ਰਹੀ ਹੈ। ਹੁਣ ਤਾਜਾ ਮਾਮਲੇ ਵਿਚ ਗੈਗਸਟਰ ਸੁਖਾ ਕਾਹਲਵਾ ਦੇ ਨਜਦੀਕੀ ਗੋਪੀ ਨਿੱਜਰ ਦਾ ਗੋਲੀਆ ਮਾਰਕੇ ਕਤਲ ਕਰਨ ਦਾ ਸਮਾਚਾਰ ਸਾਹਮਣੇ ਆਇਆ ਹੈ।
ਜਾਣਕਾਰੀ ਦੇ ਅਨੁਸਾਰ ਕਪੂਰਥਲਾ ਜ਼ਿਲ੍ਹੇ ਦੇ ਢਿੱਲਵਾਂ ਇਲਾਕੇ ‘ਚ ਇਕ ਨੌਜਵਾਨ ਨੂੰ ਗੋਲੀ ਮਾਰ ਕੇ ਕਤਲ ਕਰਨ ਦੀ ਸਨਸਨੀਖੇਜ਼ ਵਾਰਦਾਤ ਸਾਹਮਣੇ ਆਈ ਹੈ। ਮ੍ਰਿਤਕ ਦੀ ਪਛਾਣ ਜੈਰਾਮਪੁਰ ਪਿੰਡ ਦੇ ਰਹਿਣ ਵਾਲੇ ਗੁਰਪ੍ਰੀਤ ਸਿੰਘ ਉਰਫ਼ ਗੋਪੀ ਵਜੋਂ ਹੋਈ ਹੈ।

ਮਿਲੀ ਜਾਣਕਾਰੀ ਮੁਤਾਬਕ, ਘਟਨਾ ਸਵੇਰੇ ਤੜਕੇ ਉਸ ਵੇਲੇ ਵਾਪਰੀ ਜਦੋਂ ਗੁਰਪ੍ਰੀਤ ਆਪਣੀ ਕਾਰ ਵਿੱਚ ਡਰਾਈਵਰ ਸੀਟ ‘ਤੇ ਬੈਠਾ ਹੋਇਆ ਸੀ। ਇਸ ਦੌਰਾਨ ਅਣਪਛਾਤੇ ਹਮਲਾਵਰ ਅਚਾਨਕ ਉਥੇ ਪਹੁੰਚੇ ਅਤੇ ਨਜ਼ਦੀਕ ਤੋਂ ਗੱਡੀ ਦੇ ਅੱਗੇ ਵੱਲੋਂ ਅੰਨ੍ਹੇਵਾਹ ਫਾਇਰਿੰਗ ਕਰ ਦਿੱਤੀ। ਵਿੰਡਸ਼ੀਲਡ ਰਾਹੀਂ ਕੀਤੇ ਗਏ ਗੋਲੀਬਾਰੀ ਦੇ ਕਈ ਰਾਊਂਡਾਂ ਨੇ ਉਸਨੂੰ ਸੰਭਲਣ ਦਾ ਮੌਕਾ ਵੀ ਨਾ ਦਿੱਤਾ ਅਤੇ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਸ ਘਟਨਾਦੀ ਜਿੰਮੇਵਾਰੀ ਡੋਨੀ ਬੱਲ ਗਰੁਪ ਨੇ ਲਈ ਹੈ। ਇਸ ਮਾਮਲੇ ਨੂੰ ਲੈ ਕੇ ਪੁਲਸ ਵੱਲੋ ਜਾਂਚ ਤੇਜ ਕਰ ਦਿਤੀ ਗਈ ਹੈ।