ਰਾਸ਼ਟਰਪਤੀ ਮੁਰਮੂ ਨੇ ਮਥੁਰਾ ਵਿੱਚ ਸੰਤ ਪ੍ਰੇਮਾਨੰਦ ਨਾਲ ਕੀਤੀ ਅਧਿਆਤਮਿਕ ਗੱਲਬਾਤ
ਮਥੁਰਾ, 20 ਮਾਰਚ 2026 : ਭਾਰਤ ਦੀ ਰਾਸ਼ਟਰਪਤੀ ਦਰੋਪਤੀ ਮੁਰਮੂ ਨੇ ਆਪਣੇ ਉੱਤਰ ਪ੍ਰਦੇਸ਼ ਦੌਰੇ ਦੌਰਾਨ ਵ੍ਰਿੰਦਾਵਨ ਪਹੁੰਚ ਕੇ ਪ੍ਰਸਿੱਧ ਸੰਤ ਪ੍ਰੇਮਾਨੰਦ ਮਹਾਰਾਜ ਨਾਲ ਮੁਲਾਕਾਤ ਕੀਤੀ। ਸਵੇਰੇ ਸਵੇਰੇ ਮੀਂਹ ਦੇ ਮਾਹੌਲ ਵਿੱਚ ਉਹ ਆਪਣੇ ਪਰਿਵਾਰ ਸਮੇਤ ਆਸ਼ਰਮ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ ਸੰਤ ਨੂੰ ਨਮਨ ਕਰਦਿਆਂ ਆਸ਼ੀਰਵਾਦ ਲਿਆ।
ਲਗਭਗ 25 ਮਿੰਟ ਚੱਲੀ ਇਸ ਮੁਲਾਕਾਤ ਦੌਰਾਨ ਦੋਵਾਂ ਵਿਚਾਲੇ ਅਧਿਆਤਮਿਕ ਵਿਸ਼ਿਆਂ ’ਤੇ ਗੱਲਬਾਤ ਹੋਈ। ਸੰਤ ਪ੍ਰੇਮਾਨੰਦ ਨੇ “ਰਾਧੇ-ਰਾਧੇ” ਕਹਿ ਕੇ ਰਾਸ਼ਟਰਪਤੀ ਦਾ ਸਵਾਗਤ ਕੀਤਾ, ਜਦਕਿ ਆਸ਼ਰਮ ਦੇ ਸੰਤਾਂ ਵੱਲੋਂ ਫੁੱਲਾਂ ਦੇ ਹਾਰ ਅਤੇ ਦੁਪੱਟੇ ਨਾਲ ਉਨ੍ਹਾਂ ਦਾ ਸਤਿਕਾਰ ਕੀਤਾ ਗਿਆ। ਇਸ ਮੌਕੇ ’ਤੇ ਰਾਸ਼ਟਰਪਤੀ ਨੇ ਸੰਤ ਨੂੰ ਜਨਮਦਿਨ ਦੀਆਂ ਵਧਾਈਆਂ ਵੀ ਦਿੱਤੀਆਂ।
ਆਪਣੇ ਦੌਰੇ ਦੌਰਾਨ ਰਾਸ਼ਟਰਪਤੀ ਦਰੋਪਤੀ ਮੁਰਮੂ ਪਹਿਲਾਂ ਅਯੋਧਿਆ ਵਿੱਚ ਭਗਵਾਨ ਰਾਮ ਦੇ ਦਰਸ਼ਨ ਕਰ ਚੁੱਕੀਆਂ ਹਨ ਅਤੇ ਇਸ ਤੋਂ ਬਾਅਦ ਮਥੁਰਾ ਪਹੁੰਚੀਆਂ। ਅਗਲੇ ਕਾਰਜਕ੍ਰਮ ਅਨੁਸਾਰ ਉਹ ਨੀਮ ਕਰੋਲੀ ਬਾਬਾ ਦੇ ਆਸ਼ਰਮ ਦਾ ਵੀ ਦੌਰਾ ਕਰਨਗੀਆਂ।
