ਨਵੀਂ ਦਿੱਲੀ, 3 ਮਾਰਚ : ਇਕ ਪਾਸੇ ਜਿਥੇ ਅਮਰੀਕਾ, ਇਜਰਾਇਲ, ਇਰਾਨ ਵਿਚਾਲੇ ਜੰਗੀ ਯੁੱਧ ਜਾਰੀ ਹੈ, ਉਥੇ ਦੂਸਰੇ ਪਾਸੇ ਭਾਰਤ ਵਲੋ ਆਪਣੇ ਰਖਿਆ ਸਿਸਟਮ ਨੂੰ ਮਜਬੂਤ ਕੀਤਾ ਜਾ ਰਿਹਾ ਹੈ। ਅਮਰੀਕਾ ਵੱਲੋਂ Russia ’ਤੇ ਲਗਾਈਆਂ ਸਖ਼ਤ ਪਾਬੰਦੀਆਂ ਦੇ ਬਾਵਜੂਦ ਰੂਸੀ ਮੂਲ ਦੀਆਂ ਸਰਫੇਸ-ਟੂ-ਏਅਰ ਮਿਜ਼ਾਈਲਾਂ ਦੀ ਖਰੀਦ ਲਈ ਅਹਿਮ ਸਮਝੌਤੇ ’ਤੇ ਦਸਤਖਤ ਕੀਤੇ ਹਨ। ਇਹ ਮਿਜ਼ਾਈਲ ਪ੍ਰਣਾਲੀ ਇੰਡੀਅਨ ਨੇਵੀ ਦੇ ਜੰਗੀ ਜਹਾਜ਼ਾਂ ਦੀ ਹਵਾਈ ਸੁਰੱਖਿਆ ਮਜ਼ਬੂਤ ਕਰਨ ਲਈ ਵਰਤੀ ਜਾਵੇਗੀ।
ਇਸਦੇ ਨਾਲ ਹੀ ਸਰਕਾਰ ਨੇ ਸਵਦੇਸ਼ੀ ਰੱਖਿਆ ਉਤਪਾਦਨ ਨੂੰ ਹੋਰ ਮਜ਼ਬੂਤੀ ਦਿੰਦਿਆਂ ਇੰਡੀਆ ਕੋਸਟ ਗਾਰਡ ਲਈ ਛੇ ਹੋਰ ਐਡਵਾਂਸਡ ਲਾਈਟ ਹੈਲੀਕਾਪਟਰ (ALH) ਖਰੀਦਣ ਦਾ ਫੈਸਲਾ ਵੀ ਮਨਜ਼ੂਰ ਕੀਤਾ ਹੈ। ਦੋਵੇਂ ਸੌਦਿਆਂ ਦੀ ਕੁੱਲ ਕੀਮਤ 5,083 ਕਰੋੜ ਰੁਪਏ ਹੈ। ਇਸ ਵਿੱਚੋਂ 2,182 ਕਰੋੜ ਰੁਪਏ ਮਿਜ਼ਾਈਲ ਪ੍ਰਣਾਲੀ ਲਈ ਅਤੇ 2,901 ਕਰੋੜ ਰੁਪਏ ਹੈਲੀਕਾਪਟਰਾਂ ਲਈ ਨਿਰਧਾਰਤ ਕੀਤੇ ਗਏ ਹਨ।