ਪਟਿਆਲਾ, 22 ਜਨਵਰੀ : 2018 ਬੈਚ ਦੇ ਆਈ.ਏ.ਐਸ ਅਧਿਕਾਰੀ ਵਰਜੀਤ ਵਾਲੀਆ ਪਟਿਆਲਾ ਦੇ ਨਵੇ ਡੀਸੀ ਹੋਣਗੇ। ਉਹ ਅੱਜ 22 ਜਨਵਰੀ ਨੂੱ ਆਪਣਾ ਅਹੁਦਾ ਸੰਭਾਲ ਰਹੇ ਹਨ। ਲੰਬੇ ਸਮੇ ਬਾਅਦ ਪਟਿਆਲਾ ਨੂੰ ਪੰਜਾਬੀ ਡੀਸੀ ਮਿਲਿਆ ਹੈ। ਇਸ ਲਈ ਚਾਰੇ ਪਾਸੇ ਖੁਸ਼ੀ ਦੀ ਲਹਿਰ ਹੈ।
ਮਿੰਨੀ ਸਕੱਤਰੇਤ ਪਟਿਆਲਾ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੇ ਨਵੇ ਡੀਸੀ ਦਾ ਭਰਵਾਂ ਸਵਾਗਤ ਕੀਤਾ ਹੈ। ਇਸਤੋ ਪਹਿਲਾਂ ਵਰਜੀਤ ਵਾਲੀਆ ਰੋਪੜ ਦੇ ਡੀਸੀ ਸਨ, ਉਹ ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ ਵਧੀਕ ਸਕੱਤਰ, ਏਡੀਸੀ ਸੰਗਰੂਰ ਸਮੇਤ ਵੱਖ ਵੱਖ ਅਹੁਦਿਆਂ ਉਪਰ ਸੇਵਾ ਕਰ ਚੁਕੇ ਹਨ।
ਪਟਿਆਲਾ ਨੂੰ ਇਕ ਐਕਟਿਵ ਡੀਸੀ ਦੀ ਲੋੜ ਸੀ, ਜਿਹੜੀ ਕਿ ਹੁਣ ਵਰਜੀਤ ਵਾਲੀਆ ਦੇ ਲਗਣ ਨਾਲ ਪੂਰੀ ਹੋ ਗਈ ਹੈ। ਵਰਜੀਤ ਵਾਲੀਆ ਇਕ ਬੇਹਦ ਹੋਣਹਾਰ ਤੇ ਕਾਬਲ ਅਧਿਕਾਰੀ ਹਨ, ਜਿਹੜੇ ਕਿ ਬਾਖੂਬੀ ਅਤੇ ਆਪਣੇ ਸੁਚਜੇ ਤਰੀਕੇ ਨਾਲ ਹਰ ਮਸਲੇੇ ਦਾ ਹੱਲ ਕਰਦੇ ਹਨ।
ਵਰਜੀਤ ਵਾਲੀਆ ਨੇ ਰੋਪੜ ਦਾ ਡੀਸੀ ਹੁੰਦੇ ਹੋਏ, ਉਥੇ ਦੇ ਲੋਕਾਂ ਲਈ ਬਹੁਤ ਹੀ ਕਬੀਲੇ ਤਾਰੀਫ ਕੰਮ ਕੀਤੇ ਹਨ, ਉਹ ਹਮੇਸ਼ਾ ਹੀ ਆਪਣੇ ਅਧਿਕਾਰੀਆਂ ਦੀ ਟੀਮ ਨੂੰ ਨਾਲ ਲੈ ਕੇ ਚਲਦੇ ਹਨ ਤੇ ਇਕ ਬਹੁਤ ਵਧੀਆ ਪ੍ਰਸਾਸ਼ਨਿਕ ਅਧਿਕਾਰੀ ਹਨ।