ਪਟਿਆਲਾ , 6 ਨਵੰਬਰ : ਜਿਲੇ ਵਿੱਚ ਸਿਹਤ ਸੇਵਾਵਾਂ ਦੇ ਮਿਆਰ ਨੂੰ ਹੋਰ ਬੇਹਤਰ ਬਣਾਉਣ ਲਈ ਸਿਵਲ ਸਰਜਨ ਪਟਿਆਲਾ ਡਾ.ਸੰਜੇ ਕਾਮਰਾਂ ਵੱਲੋਂ ਅੱੱਜ ਸਿਵਲ ਸਰਜਨ ਦਫਤਰ ਵਿਖੇ ਜਿਲੇ੍ਹ ਦੇ ਸਮੂਹ ਪ੍ਰੋਗਰਾਮ ਅਫਸਰਾਂ ਅਤੇ ਸੀਨੀਅਰ ਮੈਡੀਕਲ ਅਫਸਰਾਂ ਨਾਲ ਮੀਟਿੰਗ ਕੀਤੀ ਡਈ ।ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਸਿਵਲ ਸਰਜਨ ਨੇ ਸਮੂਹ ਸੀਨੀਅਰ ਮੈਡੀਕਲ ਅਫਸਰਾਂ ਨੂੰ ਮਰੀਜਾਂ ਅਤੇ ਉਨਾਂ੍ਹ ਦੇ ਸਬੰਧੀਆਂ ਨਾਲ ਦਇਆ,ਹਮਦਰਦੀ ਪੂਰਨ ਰਵਈਆ ਧਾਰਣ ਕਰਨ ਲਈ ਕਿਹਾ ਗਿਆ ।ਇਸ ਦੌਰਾਨ ਉਨ੍ਹਾਂ ਵੱਲੋਂ ਸਮੂਹ ਐਸ.ਐਮ.ਉ ਤੋਂ ਜਿਲੇ੍ਹ ਵਿੱਚ ਚਲ ਰਹੀਆਂ ਵੱਖ-ਵੱਖ ਸਿਹਤ ਸਕੀਮਾਂ ਅਤੇ ਪ੍ਰੋਗਰਾਮਾਂ ਅਤੇ ਆਮ ਆਦਮੀ ਕਲੀਕਿਾਂ ਵਿੱਚ ਲੋਕਾਂ ਨੂੰ ਦਿੱਤੀਆਂ ਜਾ ਰਹੀਆਂ ਸਿਹਤ ਸਹੂਲਤਾਂ ਸਬੰਧੀ ਜਾਣਕਾਰੀ ਹਾਸਲ ਕੀਤੀ ਗਈ ।
ਉਨਂਾਂ ਕਿਹਾ ਕਿ ਲੋਕਾਂ ਦੀਆਂ ਸਿਹਤ ਸਹੂਲਤਾਂ ਦਾ ਧਿਆਨ ਰੱਖਣਾ ਸਾਡੀ ਸਭ ਦੀ ਪਹਿਲੀ ਤਰਜੀਹ ਹੋਣੀ ਚਾਹੀਦੀ ਹੈ ।ਉਨ੍ਹਾਂ ਸਰਕਾਰ ਵੱਲੌਂ 9 ਅਕਤੂਬਰ ਤੌਂ ਸਰਕਾਰ ਵੱਲੋਂ ਸ਼ੁਰੂ ਕੀਤੀ ਤੰਬਾਕੂ ਮੁਕਤ ਯੁਵਾ ਮੁਹਿੰਮ ਸਬੰਧੀ ਰੋਜਾਨਾ ਰਿਪੋਰਟ ਨੂੰ ਸਬੰਧਿਤ ਪੋਰਟਲ ਤੇ ਅਪਡੇਟ ਕਰਨਾ ਵੀ ਯਕੀਨੀ ਬਨਾਉਣ ਦੀ ਹਦਾਇਤ ਵੀ ਕੀਤੀ ।ਸਿਵਲ ਸਰਜਨ ਵੱਲੋਂ ਕਿਹਾ ਗਿਆ ਕਿ ਜਿਲ੍ਹੇ ਦੀਆਂ ਸਿਹਤ ਸੰਸਥਾਵਾਂ ਵਿੱਚ ਬਿਜਲੀ,ਆਕਸੀਜਨ ਅਤੇ ਦਵਾਈਆਂ ਦੇ ਇੰਤਜਾਮ ਪੂਰੀ ਤਰਾਂ ਦੁਰਸਤ ਰੱਖੇ ਜਾਣ ।
ਸਿਹਤ ਸੰਸਥਾਵਾਂ ਵਿੱਚ ਅਤਿ ਜਰੂਰੀ ਦਵਾਈਆ ਦੇ ਸਟਾਕ ਦੀ ਉਪਲਭਤਾ ਨੂੰ ਯਕੀਨੀ ਬਣਾਇਆ ਜਾਵੇ ।ਵੱਖ-ਵੱਖ ਕੌਮੀ ਸਿਹਤ ਪ੍ਰੋਗਰਾਮਾਂ ਤਹਿਤ ਲੋਕਾਂ ਤੱਕ ਸਿਹਤ ਸੰਸਥਾਵਾਂ ਵਿੱਚ ਇਲਾਜ ਲਈ ਆਉਣ ਵਾਲੇ ਬਜੁਰਗਾਂ,ਗਰਭਵਤੀ ਅੋਰਤਾਂ ਅਤੇ ਗੰਭੀਰ ਬਿਮਾਰੀਆਂ ਨਾਲ ਪੀੜਤ ਮਰੀਜਾਂ ਨਾਲ ਸਟਾਫ ਵੱਲੋਂ ਹਮਦਰਦੀ ਭਰਿਆ ਵਤੀਰਾ ਅਪਣਾਉਂਦੇ ਹੋਏ ਪਹਿਲ ਦੇ ਆਧਾਰ ਤੇ ਸਿਹਤ ਸੇਵਾਵਾਂ ਉਪਲਭਦ ਕਰਵਾਉਣ ਨੂ ਤਰਜੀਹ ਦਿੱਤੀ ਜਾਵੇ ।
ਇਨ੍ਹਾਂ ਸਾਰੇ ਪ੍ਰਬੰਧਾਂ ਲਈ ਸਮੇਂ ਸਮੇਂ ਤੇ ਸੁਪਰਵੀਜਨ ਯਕੀਨੀ ਬਣਾਈ ਜਾਵੇ ।ਹਰ ਮਰੀਜ ਨੂੰ ਲੋੜ ਅਨੁਸਾਰ ਹਰ ਦਵਾਈ ਹਸਪਤਾਲ ਵਿੱਚ ਹੀ ਉਪਲੱਭਦ ਕਰਵਾਈ ਜਾਵੇ ਅਤੇ ਇਸਨੂੰ ਰੋਜਾਨਾ ਮੋਨੀਟਰ ਕੀਤਾ ਜਾਵੇ ।ਡੇਂਗੂ ਅਤੇ ਚਿਕਨਗੁਨੀਆ ਦੇ ਵੱਧ ਰਹੇ ਕੇਸਾਂ ਨੂੰ ਮੁੱਖ ਰੱਖਦਿਆਂ ਸਾਰਿਆਂ ਨੂੰ ਹਦਾਇਤ ਕੀਤੀ ਗਈ ਕਿ ਜਿਸ ਕਿਸੇ ਏਰੀਏ ਵਿੱਚ ਡੇਂਗੂ ਦਾ ਕੇਸ ਨਿਕਲਦਾ ਹੈ ,ਉਸ ਇਲਾਕੇ ਵਿੱਚ ਜਾਗਰੂਕਤਾਂ ਗਤੀਵਿਧੀਆਂ ਕੀਤੀਆ ਜਾਣ ,ਫੋਗਿੰਗ ਕਰਵਾਈ ਜਾਵੇ ਅਤੇ ਨੇੜੇ ਦੇ ਘਰਾਂ ਵਿੱਣ ਲਾਰਵੇ ਦੀ ਚੈਕਿੰਗ ਕੀੳੀ ਜਾਵਟ ਅਤੇ ਇਨ ਡੋਰ ਸਪ੍ਰੇਅ ਕਰਵਾਈ ਜਾਵੇ ।ਮੰਦਰਾਂ ,ਗਰਦੁਆਰਿਆ ਵਿੱਚ ਡੇਂਗੂ ਤੋਂ ਬਚਾਅ ਸਬੰਧੀ ਪਬਲੀਸਿਟੀ ਕਰਵਾਈ ਜਾਵੇ ।