ਦਿੱਲੀ, 18 ਅਕਤੂਬਰ 2025 : ਲਖਨਊ ਸਥਿਤ ਬ੍ਰਹਮੋਸ ਏਰੋਸਪੇਸ ਯੂਨਿਟ ਵਿੱਚ ਤਿਆਰ ਕੀਤੀਆਂ ਪਹਿਲੀਆਂ ਮਿਸਾਈਲਾਂ ਦੇ ਫਲੈਗ-ਆਫ ਸਮਾਗਮ ਦੌਰਾਨ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਸੰਬੋਧਨ ਕਰਦਿਆਂ ਕਿਹਾ ਕਿ ‘ਆਪਰੇਸ਼ਨ ਸਿੰਦੂਰ’ ਸਿਰਫ਼ ਇਕ ਟ੍ਰੇਲਰ ਸੀ, ਜੋ ਦਹਿਸ਼ਤਗਰਦੀ ਵਿਰੁੱਧ ਭਾਰਤ ਦੀ ਕਾਰਵਾਈ ਦੀ ਝਲਕ ਦਿੰਦਾ ਹੈ। ਉਨ੍ਹਾਂ ਨੇ ਪਾਕਿਸਤਾਨ ਨੂੰ ਚੇਤਾਵਨੀ ਦਿੱਤੀ ਕਿ ਉਸਦੀ ਹਰ ਇੰਚ ਜ਼ਮੀਨ ਬ੍ਰਹਮੋਸ ਮਿਸਾਈਲ ਦੀ ਪਹੁੰਚ ਵਿੱਚ ਹੈ।
ਲਖਨਊ ਸਥਿਤ ਬ੍ਰਹਮੋਸ ਏਰੋਸਪੇਸ ਯੂਨਿਟ ਵਿੱਚ ਤਿਆਰ ਕੀਤੀਆਂ ਪਹਿਲੀਆਂ ਮਿਸਾਈਲਾਂ ਦੇ ਫਲੈਗ-ਆਫ ਸਮਾਗਮ ਦੌਰਾਨ ਰਾਜਨਾਥ ਸਿੰਘ ਨੇ ਕਿਹਾ ਕਿ ਇਹ ਆਪਰੇਸ਼ਨ ਭਾਰਤ ਦੀ ਵਧਦੀ ਰੱਖਿਆ ਤਾਕਤ ਦਾ ਇਕ ਟਰਨਿੰਗ ਪੌਇੰਟ ਸਾਬਤ ਹੋਇਆ ਹੈ।
ਉਨ੍ਹਾਂ ਕਿਹਾ, “ਆਪਰੇਸ਼ਨ ਸਿੰਦੂਰ ਨੇ ਸਾਬਤ ਕਰ ਦਿੱਤਾ ਹੈ ਕਿ ਹੁਣ ਸਾਡੀ ਜਿੱਤ ਕਿਸੇ ਇਕ ਘਟਨਾ ਤੱਕ ਸੀਮਤ ਨਹੀਂ ਰਹੀ, ਇਹ ਸਾਡੀ ਆਦਤ ਬਣ ਚੁੱਕੀ ਹੈ।”
ਪਾਕ ਦੀ ਹਰ ਇੰਚ ਜਮੀਨ ਬ੍ਰਹਮੋਸ ਦੀ ਪਹੁੰਚ ਵਿਚ
ਰੱਖਿਆ ਮੰਤਰੀ ਨੇ ਕਿਹਾ, “ਪਾਕਿਸਤਾਨ ਦੀ ਹਰ ਇੰਚ ਜ਼ਮੀਨ ਬ੍ਰਹਮੋਸ ਦੀ ਪਹੁੰਚ ਵਿੱਚ ਹੈ। ਜੋ ਕੁਝ ‘ਆਪਰੇਸ਼ਨ ਸਿੰਦੂਰ’ ਵਿੱਚ ਹੋਇਆ, ਉਹ ਸਿਰਫ਼ ਟ੍ਰੇਲਰ ਸੀ ਪਰ ਇਸ ਟ੍ਰੇਲਰ ਨੇ ਹੀ ਪਾਕਿਸਤਾਨ ਨੂੰ ਇਹ ਸਮਝਾ ਦਿੱਤਾ ਕਿ ਜੇ ਭਾਰਤ ਨੇ ਪਾਕਿਸਤਾਨ ਨੂੰ ਜਨਮ ਦੇ ਸਕਦਾ ਹੈ, ਤਾਂ ਸਮਾਂ ਆਉਣ ’ਤੇ ਉਹ… (ਰੁਕਦੇ ਹੋਏ) ਮੈਨੂੰ ਅੱਗੇ ਕਹਿਣ ਦੀ ਲੋੜ ਨਹੀਂ, ਤੁਸੀਂ ਸਾਰੇ ਸਮਝਦਾਰ ਹੋ।”