ਖਿਡਾਰੀ ਚਿਰਾਗ ਤੇ ਸਾਤਵਿਕ ਪੁੱਜੇ ਫਾਇਨਲ ਵਿਚ

ਦਿੱਲੀ, 13 ਸਤੰਬਰ : ਭਾਰਤ ਦੀ ਦੋ ਸਟਾਰ ਖਿਡਾਰੀਆਂ ਦੀ ਜੋੜੀ ਹੁਣ ਫਾਈਨਲ ਵਿਚ ਪੁੱਜ ਚੁਕੀ ਹੈ। ਦਸ ਦਈਏੇ ਕਿ ਪੁਰਸ਼ ਡਬਲਜ਼ ਜੋੜੀ ਸਾਤਵਿਕਸਾਈਰਾਜ ਰੰਕੀਰੈੱਡੀ ਅਤੇ ਚਿਰਾਗ ਸ਼ੈੱਟੀ ਨੇ ਇਸ ਸਾਲ ਦੇ ਖਿਤਾਬ ਲਈ ਆਪਣੀ ਉਡੀਕ ਖਤਮ ਕਰਦਿਆਂ ਅੱਜ ਹਾਂਗਕਾਂਗ ਓਪਨ ਸੁਪਰ 500 ਦੇ ਫਾਈਨਲ ਵਿੱਚ ਦਾਖਲਾ ਹਾਸਲ ਕੀਤਾ ਹੈ।

ਭਾਰਤੀ ਜੋੜੀ ਨੇ ਚੀਨੀ ਤਾਇਪੇ ਦੇ ਬਿੰਗ-ਵੇਈ ਲਿਨ ਅਤੇ ਚੇਨ ਚੇਂਗ ਕੁਆਨ ਨੂੰ 21-17, 21-15 ਨਾਲ ਹਰਾ ਕੇ ਫਾਈਨਲ ਵਿੱਚ ਥਾਂ ਬਣਾਈ। ਇਸ ਤੋਂ ਪਹਿਲਾਂ ਇਸ ਜੋੜੀ ਨੂੰ ਛੇ ਸੈਮੀਫਾਈਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਭਾਰਤੀ ਟੀਮ ਫਾਈਨਲ ਵਿੱਚ ਚੀਨ ਦੇ ਲਿਆਂਗ ਵੇਈ ਕੈਂਗ ਅਤੇ ਵਾਂਗ ਚਾਂਗ ਅਤੇ ਚੀਨੀ ਤਾਇਪੇ ਦੇ ਫਾਂਗ-ਚਿਹ ਲੀ ਅਤੇ ਫਾਂਗ-ਜੇਨ ਲੀ ਵਿਚਕਾਰ ਹੋਣ ਵਾਲੇ ਦੂਜੇ ਸੈਮੀਫਾਈਨਲ ਦੇ ਜੇਤੂਆਂ ਨਾਲ ਖੇਡੇਗੀ, ਜਿਸਨੂੰ ਲੈ ਕੇ ਦੋਵਾਂ ਅੰਦਰ ਭਾਰੀ ਉਤਸਾਹ ਹੈ।