ਅੰਮ੍ਰਿਤਸਰ, 15 ਮਈ 2025 : Punjabi businessman shot dead in Mississauga : ਪੱਗੜੀ ਧਾਰੀ ਇਕ ਸਿੱਖ ਵਿਅਕਤੀ ਹਰਜੀਤ ਸਿੰਘ ਢੱਡਾ ਜੋ ਕਿ ਇਕ ਕਾਰੋਬਾਰੀ ਵੀ ਸਨ ਨੂੰ ਬੀਤੇ ਦਿਨੀਂ ਕੈਨੇਡਾ ਦੇ ਮਿਸੀਸਾਗਾ ਵਿਖੇ ਗੋਲੀਆਂ ਮਾਰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ ਹੈ ।
ਦੱਸਣਯੋਗ ਹੈ ਕਿ ਹਰਜੀਤ ਸਿੰਘ ਢੱਡਾ ਜਿਸਦਾ ਕਤਲ ਟ੍ਰੈਨਮੇਰ ਡਰਾਈਵ ਅਤੇ ਟੈਨਫੋਰਡ ਵੇਅ ਦੇ ਨੇੜੇ ਡਿਕਸਨ ਅਤੇ ਡੇਰੀ ਰੋਡਜ ਦੇ ਨੇੜੇ ਹੋਇਆ ਹੈ ਪਿਛਕੋੜ ਵਾਲੇ ਪਾਸੇ ਤੋਂ ਉਤਰਾਖੰਡ ਸੂਬੇ ਦੇ ਬਾਜਪੁਰ ਦਾ ਵਸਨੀਕ ਹੈ ਤੇ ਉਸਨੂੰ ਕੁਝ ਸਮੇਂ ਤੋਂ ਅਣਪਛਾਤੇ ਵਿਅਕਤੀਆਂ ਤੋਂ ਧਮਕੀ ਭਰੇ ਫੋਨ ਅਤੇ ਸੁਨੇਹੇ ਦੇ ਕੇ ਪੈਸਿਆਂ ਦੀ ਮੰਗ ਕੀਤੀ ਜਾ ਰਹੀ ਸੀ ਅਤੇ ਪੈਸੇ ਨਾ ਦੇਣ `ਤੇ ਗੰਭੀਰ ਨਤੀਜੇ ਭੁਗਤਣ ਦੀ ਚਿਤਾਵਨੀ ਵੀ ਦਿੱਤੀ ਗਈ ਸੀ ।
ਕਾਰੋਬਾਰੀਆਂ ਮੰਗੀ ਕੈਨੇਡਾ ਪੁਲਸ ਤੋਂ ਸੁਰੱਖਿਆ ਦੀ ਮੰਗ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੈਨੇਡਾ ਦੇ ਪੀਲ ਰੀਜਨਲ ਦੀ ਪੁਲਸ ਨੇ ਦੱਖਣੀ ਏਸ਼ੀਆਈ ਕਾਰੋਬਾਰਾਂ ਨੂੰ ਨਿਸ਼ਾਨਾ ਬਣਾ ਕੇ ਹਾਲ ਹੀ ਵਿੱਚ ਹੋਈਆਂ ਜਬਰੀ ਵਸੂਲੀ ਅਤੇ ਹਿੰਸਕ ਘਟਨਾਵਾਂ ਦੀ ਜਾਂਚ ਲਈ ਇੱਕ ਵਿਸ਼ੇਸ਼ ਟਾਸਕ ਫੋਰਸ ਬਣਾਈ ਹੈ । ਹਰਜੀਤ ਸਿੰਘ ਢੱਡਾ ਦੇ ਨਾਲ ਵਾਪਰੀ ਗੋਲੀ ਦੀ ਘਟਨਾ ਦੇ ਮੁੱਖ ਤੇ ਪ੍ਰਤੱਖ ਦਰਸ਼ਹੀਆਂ ਅਨੁਸਾਰ ਪੀੜਤ `ਤੇ ਉਦੋਂ ਗੋਲੀ ਚਲਾਈ ਗਈ ਜਦੋਂ ਉਹ ਆਪਣੇ ਟਰੱਕ ਦੇ ਬਾਹਰ ਖੜ੍ਹਾ ਸੀ । ਕੁਝ ਲੋਕਾਂ ਆਖਿਆ ਕਿ ਗੋਲੀਬਾਰੀ ਤੋਂ ਪਹਿਲਾਂ ਇੱਕ ਕਾਰ ਪੀੜਤ ਵੱਲ ਆਉਂਦੀ ਦੇਖੀ ਗਈ ਸੀ ।
ਕਾਰੋਬਾਰੀ ਨਾਲ ਵਾਪਰੀ ਇਸ ਘਟਨਾ ਦੇ ਚਲਦਿਆਂ ਬਾਕੀ ਕਾਰੋਬਾਰੀਆਂ ਵਿਚ ਵੀ ਹੁਣ ਆਪਣੀ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਇੰਨੀ ਵਧ ਗਈ ਹੈ ਕਿ ਉਨ੍ਹਾਂ ਵਲੋਂ ਪੁਲਸ ਤੋਂ ਤੁਰੰਤ ਅਤੇ ਪ੍ਰਭਾਵਸ਼ਾਲੀ ਕਾਰਵਾਈ ਦੀ ਕੀਤੀ ਜਾ ਰਹੀ ਹੈ ।
Read More : ਕੈਨੇਡਾ: ਕਲਾਸ ਰੂਮ ’ਚ ਚਾਕੂ ਨਾਲ ਹਮਲੇ ਕਾਰਨ 3 ਜ਼ਖ਼ਮੀ