200 ਰੁਪਏ ਦੀ ਲਾਟਰੀ ਨਾਲ ਖੁਲੀ ਸਿਕਉਰਿਟੀ ਗਾਰਡ ਦੀ ਕਿਸਮਤ, ਬਣਿਆ ਕਰੋੜਪਤੀ
ਮੋਹਾਲੀ, 10 ਮਾਰਚ : ਸਿਰਫ 200 ਰੁਪਏ ਦੀ ਖਰੀਦੀ ਲਾਟਰੀ ਨਾਲ ਇਕ ਸਿਕਉਰਿਟੀ ਗਾਰਡ ਦੇ ਕਰੋੜਪਤੀ ਬਣਨ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਕਾਰਨ ਪਰਿਵਾਰ ਅਤੇ ਇਲਾਕੇ ਅੰਦਰ ਭਾਰੀ ਖੁਸ਼ੀ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ।
ਜਾਣਕਾਰੀ ਦੇ ਅਨੁਸਾਰ ਹਰਿਆਣਾ ਦੇ ਪੰਚਕੂਲਾ ਜ਼ਿਲ੍ਹੇ ਦੇ ਰਾਏਪੁਰ ਰਾਣੀ ਖੇਤਰ ਅਧੀਨ ਮੌਲੀ ਪਿੰਡ ਦੇ ਰਹਿਣ ਵਾਲੇ ਕਪਿਖ ਦੇਵ ਨਾਲ ਵੀ ਕੁਝ ਐਸਾ ਹੀ ਹੋਇਆ, ਜਿੱਥੇ ਇੱਕ ਛੋਟੀ ਜਿਹੀ ਲਾਟਰੀ ਟਿਕਟ ਨੇ ਉਸਦੀ ਜ਼ਿੰਦਗੀ ਹੀ ਬਦਲ ਦਿੱਤੀ।
ਪੇਸ਼ੇ ਤੋਂ ਸੁਰੱਖਿਆ ਗਾਰਡ ਕਪਿਲ ਦੇਵ ਨੇ ਕੇਵਲ 200 ਰੁਪਏ ਮਹੀਨਾ ਵਾਲੀ ਪੰਜਾਬ ਸਟੇਟ ਡੀਅਰ ਲਾਟਰੀ ਦੀ ਟਿਕਟ ਖਰੀਦੀ ਸੀ। ਕਿਸਮਤ ਨੇ ਸਾਥ ਦਿੱਤਾ ਅਤੇ ਉਸਦੀ ਇਹ ਟਿਕਟ ਪਹਿਲੇ ਇਨਾਮ ਲਈ ਨਿਕਲੀ, ਜਿਸ ਨਾਲ ਉਹ 1.5 ਕਰੋੜ ਰੁਪਏ ਦਾ ਮਾਲਕ ਬਣ ਗਿਆ। ਤਿੰਨ ਬੱਚਿਆਂ ਦੇ ਪਿਤਾ ਕਪਿਲ ਦੇਵ ਸਧਾਰਣ ਆਰਥਿਕ ਹਾਲਾਤਾਂ ਵਿੱਚ ਜੀਵਨ ਬਤੀਤ ਕਰ ਰਹੇ ਸਨ , ਜਿਸ ਕਾਰਨ ਹੁਣ ਪਰਿਵਾਰ ਅੰਦਰ ਭਾਰੀ ਖੁਸ਼ੀ ਦਾ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ।
