ਸਿਰਫ ਦੋ ਦਿਨਾਂ ਦੀ ਰਿਲੀਜ ਤੋ ਬਾਅਦ ZEE-5 ਤੋ ਹਟਾਈ ਗਈ ਫਿਲਮ ਸਤਲੁਜ
ਚੰਡੀਗੜ੍ਹ, 6 ਜੁਲਾਈ : ZEE-5 ਦੇ ਓਟੀਟੀ ਪਲੇਟਫਾਰਮ ਉਪਰ ਬੀਤੇ ਦੋ ਦਿਨ ਪਹਿਲਾਂ ਅਪਲੋਡ ਕੀਤੀ ਗਈ ਫਿਲਮ ਸਤਲੁਜ ਸਿਰਫ ਦੋ ਦਿਨਾਂ ਅੰਦਰ ਹੀ ਹਟਾ ਦਿੱਤੀ ਗਈ, ਜਿਸ ਕਾਰਨ ਪ੍ਰਸੰਸਕਾਂ ਅੰਦਰ ਭਾਰੀ ਨਿਰਾਸ਼ਾ ਦੇਖਣ ਨੂੰ ਮਿਲ ਰਹੀ ਹੈ। ਜਿਕਰਯੋਗ ਹੈ ਕਿ ਮਨੁੱਖੀ ਅਧਿਕਾਰ ਕਾਰਕੁਨ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ਅਤੇ ਸੰਘਰਸ਼ ‘ਤੇ ਆਧਾਰਿਤ ਫ਼ਿਲਮ ‘ਸਤਲੁਜ’ ਨੂੰ ਭਾਰਤ ਵਿੱਚ ਰਿਲੀਜ਼ ਹੋਣ ਤੋਂ ਕੁਝ ਹੀ ਦਿਨਾਂ ਬਾਅਦ ਓਟੀਟੀ ਪਲੇਟਫਾਰਮ ZEE5 ਤੋਂ ਹਟਾ ਦਿੱਤਾ ਗਿਆ ਹੈ।
ਫ਼ਿਲਮ 3 ਜੁਲਾਈ ਨੂੰ ਸਟ੍ਰੀਮਿੰਗ ਲਈ ਉਪਲਬਧ ਕਰਵਾਈ ਗਈ ਸੀ, ਪਰ ਹੁਣ ਇਸ ਦੇ ਪਲੇਟਫਾਰਮ ਤੋਂ ਗਾਇਬ ਹੋਣ ਨਾਲ ਇੱਕ ਵਾਰ ਫਿਰ ਇਸ ਨੂੰ ਲੈ ਕੇ ਚਰਚਾ ਤੇਜ਼ ਹੋ ਗਈ ਹੈ। ਇਸ ਤਰ੍ਹਾ ਅਚਾਨਕ ਫਿਲਮ ਨੂੰ ਹਟਾਏ ਜਾਣ ਤੋ ਬਾਅਦ ਕਈ ਤਰ੍ਹਾਂ ਦੇ ਸਵਾਲ ਖੜੇ ਹੋ ਗਏ ਹਨ ਅਤੇ ਲੋਕਾਂ ਵਲੋ ਵਿਰੋਧ ਵੀ ਕੀਤਾ ਜਾ ਰਿਹਾ ਹੈ।
