ਰੂਸ ਨੇ ਬੈਲਿਸਟਿਕ ਮਿਜਾਇਲਾਂ ਨੇ ਯੂਕਰੇਨ ਤੇ ਤੜਕਸਾਰ ਕੀਤੇ ਹਮਲੇ, ਦੋ ਦੀ ਮੌਤ
ਦਿੱਲੀ, 27 ਜੁਲਾਈ : ਰੂਸ ਅਤੇ ਯੂਕਰੇਨ ਵਿਚਾਲੇ ਜਾਰੀ ਟਕਰਾਅ ਇੱਕ ਵਾਰ ਫਿਰ ਤੇਜ਼ ਹੋ ਗਿਆ ਹੈ। ਬੀਤੇ ਦਿਨੀ ਰੂਸ ਵਲੋ ਤੜਕਸਾਰ ਇਕ ਵਾਰ ਫਿਰ ਤੋ ਯੂਕਰੇਨ ਉਪਰ ਬੈਲਿਸਟਿਕ ਮਿਜਾਇਲਾਂ ਨਾਲ ਭਿਆਨਕ ਹਮਲਾ ਕੀਤਾ ਗਿਆ, ਜਿਸ ਕਾਰਨ ਯੂਕਰੇਨ ਵਿਚ ਦੋ ਲੋਕਾਂ ਦੀ ਮੌਤ ਹੋ ਗਈ, ਜਦੋ ਕਿ ਕਈ ਹੋਰ ਜਖਮੀ ਹੋ ਗਏ।
ਜਾਣਕਾਰੀ ਅਨੁਸਾਰ ਇਨਾ ਹਮਲਿਆਂ ਕਾਰਨ ਕਈ ਲੋਕ ਜ਼ਖ਼ਮੀ ਹੋਏ, ਜਦਕਿ ਵੱਖ-ਵੱਖ ਖੇਤਰਾਂ ਵਿੱਚ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਦੂਜੇ ਪਾਸੇ ਯੂਕਰੇਨ ਦੇ ਡਰੋਨ ਹਮਲਿਆਂ ਨੇ ਰੂਸ ਦੀਆਂ ਫ਼ੌਜੀ ਯੋਜਨਾਵਾਂ ਨੂੰ ਪ੍ਰਭਾਵਿਤ ਕੀਤਾ ਹੈ, ਜਿਸ ਨਾਲ ਉਸ ਦੇ ਅੰਦਰ ਈਂਧਣ ਦੀ ਸਪਲਾਈ ‘ਤੇ ਵੀ ਅਸਰ ਪਿਆ ਹੈ ਅਤੇ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਲਈ ਦਬਾਅ ਵਧਿਆ ਹੈ।
ਰੂਸੀ ਰੱਖਿਆ ਮੰਤਰਾਲੇ ਮੁਤਾਬਕ ਰਾਤ ਦੌਰਾਨ ਰੂਸ, ਕਾਲੇ ਸਾਗਰ ਅਤੇ ਕ੍ਰੀਮੀਆ ਵੱਲੋਂ ਆਏ 130 ਯੂਕਰੇਨੀ ਡਰੋਨ ਤਬਾਹ ਕਰ ਦਿੱਤੇ ਗਏ। ਇਸੇ ਦੌਰਾਨ ਰੂਸ ਦੇ ਕਬਜ਼ੇ ਹੇਠਲੇ ਪੂਰਬੀ ਯੂਕਰੇਨ ਦੇ ਸ਼ਹਿਰ ਹੌਰਲਿਵਕਾ ਵਿੱਚ ਡਰੋਨ ਹਮਲੇ ਕਾਰਨ ਚਾਰ ਨਾਗਰਿਕਾਂ ਦੀ ਜਾਨ ਚਲੀ ਗਈ। ਰੂਸੀ ਰੱਖਿਆ ਮੰਤਰਾਲੇ ਨੇ ਦਾਅਵਾ ਕੀਤਾ ਕਿ ਇਸ ਕਾਰਵਾਈ ਦਾ ਨਿਸ਼ਾਨਾ ਡਰੋਨ ਉਤਪਾਦਨ ਨਾਲ ਸਬੰਧਤ ਠਿਕਾਣੇ ਸਨ।
