ਭਾਰਤ-ਯੂਏਈ ਸੰਬੰਧ ਹੋਏ ਮਜਬੂਤ : ਭਾਰਤ ਵਿਚ ਯੂਏਈ ਵਲੋ 5 ਅਰਬ ਡਾਲਰ ਨਿਵੇਸ਼ ਦਾ ਐਲਾਨ
ਅਬੂ ਧਾਬੀ, 15 ਮਈ 2026 : ਭਾਰਤ-ਯੂਏਈ ਦੇ ਸੰਬੰਧ ਹੋਰ ਮਜਬੂਤ ਹੋ ਗਏ ਹਨ। ਹੁਣ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਯੂਏਈ ਯਾਤਰਾ ਦੌਰਾਨ ਯੂਏਈ ਨੇ ਇਕ ਸਮਝੌਤੇ ਤਹਿਤ ਭਾਰਤ ਵਿਚ 5 ਅਰਬ ਡਾਲਰ ਨਿਵੇਸ਼ ਕਰਨ ਦਾ ਐਲਾਨ ਕਰ ਦਿੱਤਾ ਹੈ।
ਇਹ ਸਮਝੌਤਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਯੂਏਈ ਦੇ ਰਾਸ਼ਟਰਪਤੀ ਸ਼ੇਖ ਮੁਹੰਮਦ ਬਿਨ ਜ਼ਾਇਦ ਅਲ ਨਾਹਯਾਨ ਦੀ ਹਾਜ਼ਰੀ ਵਿੱਚ ਦੋਵਾਂ ਦੇਸ਼ਾਂ ਨੇ ਰੱਖਿਆ, ਊਰਜਾ ਅਤੇ ਬੁਨਿਆਦੀ ਢਾਂਚੇ ਨਾਲ ਜੁੜੇ ਕਈ ਸਮਝੌਤਿਆਂ ‘ਤੇ ਦਸਤਖ਼ਤ ਕੀਤੇ।
ਦੋਵੇਂ ਦੇਸ਼ਾਂ ਵਿਚਕਾਰ ਰਣਨੀਤਕ ਰੱਖਿਆ ਭਾਈਵਾਲੀ ਨੂੰ ਮਜ਼ਬੂਤ ਕਰਨ ਲਈ ਇੱਕ ਅਹਿਮ ਸਮਝੌਤਾ ਕੀਤਾ ਗਿਆ, ਜਿਸ ਨਾਲ ਰੱਖਿਆ ਖੇਤਰ ਵਿੱਚ ਸਾਂਝੇ ਸਹਿਯੋਗ ਨੂੰ ਹੋਰ ਵਧਾਵਾ ਮਿਲੇਗਾ। ਇਸ ਦੇ ਨਾਲ ਹੀ ਪੈਟਰੋਲੀਅਮ ਭੰਡਾਰ ਅਤੇ ਐਲਪੀਜੀ ਸਪਲਾਈ ਸਬੰਧੀ ਵੀ ਸਮਝੌਤੇ ਸਹੀਬੰਦ ਹੋਏ, ਜੋ ਭਾਰਤ ਦੀ ਊਰਜਾ ਲੋੜਾਂ ਲਈ ਮਹੱਤਵਪੂਰਨ ਮੰਨੇ ਜਾ ਰਹੇ ਹਨ।
ਨਿਵੇਸ਼ ਮੋਰਚੇ ‘ਤੇ ਯੂਏਈ ਨੇ ਭਾਰਤ ਦੇ ਇੰਫਰਾਸਟਰਕਚਰ ਸੈਕਟਰ, ਆਰਬੀਐਲ ਬੈਂਕ ਅਤੇ ਸਮਾਨ ਕੈਪੀਟਲ ਵਿੱਚ ਮਿਲਾਕੇ 5 ਅਰਬ ਡਾਲਰ ਨਿਵੇਸ਼ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਇਸ ਨਾਲ ਭਾਰਤ ਵਿੱਚ ਵਿਕਾਸ ਪ੍ਰੋਜੈਕਟਾਂ ਅਤੇ ਵਿੱਤੀ ਖੇਤਰ ਨੂੰ ਵੱਡਾ ਉਤਸ਼ਾਹ ਮਿਲਣ ਦੀ ਸੰਭਾਵਨਾ ਹੈ।
