ਛੱਠ ਪੂਜਾ ਦੇ ਮੌਕੇ ਦਿੱਲੀ ਵਿਚ 16 ਨਵੰਬਰ ਨੂੰ ਕੀਤਾ ਛੁੱਟੀ ਦਾ ਐਲਾਨ : ਛੱਠ ਘਾਟ ਦਾ ਉਦਘਾਟਨ

ਨਵੀਂ ਦਿੱਲੀ, 13 ਨਵੰਬਰ : ਦਿੱਲੀ ਵਿਚ ਛੱਠ ਪੂਜਾ ਨੂੰ ਲੈ ਕੇ ਤਿਆਰੀਆਂ ਜੋਰਾਂ ਸੋਰਾਂ ਨਾਲ ਚਲ ਰਹੀਆਂ ਹਨ। ਹੁਣ ਸਰਕਾਰ ਵਲੋ ਛੱਠ ਪੂਜਾ ਦੇਦਿਨ 16 ਨਵੰਬਰ ਨੂੰ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ। ਇਸਤੋ ਇਲਾਵਾ ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਨਿਤਿਨ ਨਵੀਨ ਅਤੇ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਉੱਤਰੀ ਦਿੱਲੀ ਵਿੱਚ ਮੂਨਕ ਨਹਿਰ ਦੇ ਦੋਵੇਂ ਕੰਢਿਆਂ ‘ਤੇ ਵਿਕਸਤ ਕੀਤੇ ਗਏ ਲਗਭਗ 11 ਕਿਲੋਮੀਟਰ ਲੰਬੇ ਛੱਠ ਘਾਟ ਦਾ ਉਦਘਾਟਨ ਵੀ ਕੀਤਾ ਹੈ।

ਜਾਣਕਾਰੀ ਅਨੁਸਾਰ ਇਸ ਐਲਾਨ ਨਾਲ ਸਰਕਾਰੀ ਦਫ਼ਤਰਾਂ ਦੇ ਨਾਲ-ਨਾਲ ਸਕੂਲਾਂ ਅਤੇ ਹੋਰ ਵਿੱਦਿਅਕ ਸੰਸਥਾਵਾਂ ਵਿੱਚ ਵੀ ਕੰਮਕਾਜ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ ਦਿੱਲੀ ਹਾਈ ਕੋਰਟ ਵੱਲੋਂ ਵੀ ਛੱਠ ਪੂਜਾ ਦੇ ਮੌਕੇ ‘ਤੇ 16 ਨਵੰਬਰ ਨੂੰ ਅਦਾਲਤੀ ਛੁੱਟੀ ਐਲਾਨੀ ਗਈ ਹੈ। ਇਸ ਕਾਰਨ ਉਸ ਦਿਨ ਹਾਈ ਕੋਰਟ ਸਮੇਤ ਅਧੀਨ ਅਦਾਲਤਾਂ ਵਿੱਚ ਕੋਈ ਵੀ ਨਿਯਮਤ ਅਦਾਲਤੀ ਕਾਰਵਾਈ ਨਹੀਂ ਕੀਤੀ ਜਾਵੇਗੀ। ਇਸ ਤਰ੍ਹਾਂ ਛੱਠ ਪੂਜਾ ਦੇ ਤਿਉਹਾਰ ਨੂੰ ਲੈ ਕੇ ਰਾਜਧਾਨੀ ਵਿੱਚ ਸਰਕਾਰੀ ਅਤੇ ਨਿਆਂਇਕ ਕੰਮਕਾਜ ਬੰਦ ਰਹੇਗਾ।