ਚੇਨਈ/ਤਿਰੁਵਨੰਤਪੁਰਮ, 4 ਮਈ 2026 : ਦੇਸ਼ ਵਿਚ ਜਿਥੇ ਬੰਗਾਲ ਅੰਦਰ ਭਾਜਪਾ ਦਾ ਜਾਦੂ ਚਲਿਆ ਹੈ, ਉਥੇਦੂਸਰੇ ਪਾਸੇ ਅਸਾਮ, ਤਾਮਿਲਨਾਡੂ, ਕੇਰਲ ਅਤੇ ਪੁਡੂਚੇਰੀ ਵਿੱਚ ਵਿਧਾਨ ਸਭਾ ਚੋਣਾਂ ਦੀ ਵੋਟ ਗਿਣਤੀ ਜਾਰੀ ਹੈ। ਦਸ ਦਈਏ ਕਿ ਤਾਜ਼ਾ ਰੁਝਾਨਾਂ ਨੇ ਕਈ ਹੈਰਾਨ ਕਰਨ ਵਾਲੇ ਮੋੜ ਪੇਸ਼ ਕੀਤੇ ਹਨ। ਕੇਰਲ, ਤਾਮਿਲਨਾਡੂ ਅਤੇ ਪੁਡੂਚੇਰੀ ਵਿੱਚ ਮੌਜੂਦਾ ਮੁੱਖ ਮੰਤਰੀ ਆਪਣੀਆਂ ਸੀਟਾਂ ‘ਤੇ ਪਿੱਛੇ ਦਿਖਾਈ ਦੇ ਰਹੇ ਹਨ, ਜਿਸ ਨਾਲ ਸਿਆਸੀ ਪਟੜੀ ਬਦਲਦੀ ਨਜ਼ਰ ਆ ਰਹੀ ਹੈ।
ਤਾਮਿਲਨਾਡੂ ਵਿੱਚ ਸਭ ਤੋਂ ਵੱਡਾ ਉਲਟਫੇਰ ਸਾਹਮਣੇ ਆਇਆ ਹੈ, ਜਿੱਥੇ ਅਦਾਕਾਰ ਤੋਂ ਸਿਆਸਤਦਾਨ ਬਣੇ ਵਿਜੇ ਦੀ ਪਾਰਟੀ Tamilaga Vetri Kazhagam ਨੇ ਚੋਣ ਮੈਦਾਨ ਵਿੱਚ ਧਮਾਕੇਦਾਰ ਪ੍ਰਦਰਸ਼ਨ ਕਰਦਿਆਂ ਆਪਣਾ ਜਾਦੂ ਚਲਾ ਦਿਤਾ ਹੈ। 234 ਸੀਟਾਂ ਵਾਲੀ ਵਿਧਾਨ ਸਭਾ ਵਿੱਚ ਟੀਵੀਕੇ 100 ਤੋਂ ਵੱਧ ਸੀਟਾਂ ‘ਤੇ ਬੜ੍ਹਤ ਬਣਾਈ ਬੈਠੀ ਹੈ ਅਤੇ ਬਹੁਮਤ ਦੇ ਅੰਕੜੇ ਦੇ ਬਹੁਤ ਨੇੜੇ ਪਹੁੰਚ ਗਈ ਹੈ।
ਵਰਕਰਾਂ ਨੇ ਮਨਾਇਆ ਜਸ਼ਨ
ਦੂਸਰੇ ਪਾਸੇ ਟੀਵੀਕੇ ਦੀ ਇਸ ਉਭਰਦੀ ਕਾਮਯਾਬੀ ਨਾਲ ਪੂਰੇ ਸੂਬੇ ਵਿੱਚ ਜਸ਼ਨ ਦਾ ਮਾਹੌਲ ਬਣ ਗਿਆ ਹੈ। ਚੇਨਈ ਨੇੜੇ ਪਾਰਟੀ ਦਫ਼ਤਰ ਬਾਹਰ ਵਰਕਰ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋ ਕੇ ਨਾਅਰੇਬਾਜ਼ੀ ਕਰਦੇ ਅਤੇ ਖੁਸ਼ੀ ਮਨਾਉਂਦੇ ਨਜ਼ਰ ਆਏ। ਵਿਜੇ ਦੇ ਸਮਰਥਕ ਉਨ੍ਹਾਂ ਨੂੰ ਹੁਣ ਭਵਿੱਖ ਦੇ ਮੁੱਖ ਮੰਤਰੀ ਵਜੋਂ ਵੀ ਦੇਖ ਰਹੇ ਹਨ।
ਸੱਤਾਧਾਰੀ ਪਾਰਟੀ ਹੋਈ ਪਿਛੇ
ਸੱਤਾਧਾਰੀ Dravida Munnetra Kazhagam ਇਸ ਵਾਰ ਕਾਫ਼ੀ ਪਿੱਛੇ ਰਹਿੰਦੀ ਦਿਖ ਰਹੀ ਹੈ ਅਤੇ ਤੀਜੇ ਸਥਾਨ ‘ਤੇ ਖਿਸਕ ਗਈ ਹੈ, ਜਦਕਿ All India Anna Dravida Munnetra Kazhagam ਦੂਜੇ ਨੰਬਰ ‘ਤੇ ਬਰਕਰਾਰ ਹੈ। ਜਾਣਕਾਰੀ ਮੁਤਾਬਕ ਮੁੱਖ ਮੰਤਰੀ ਐਮਕੇ Stalin ਵੀ ਆਪਣੇ ਹਲਕੇ ਵਿੱਚ ਪਿੱਛੇ ਰਹੇ ਹਨ, ਜੋ ਚੋਣ ਨਤੀਜਿਆਂ ਦੀ ਗੰਭੀਰਤਾ ਨੂੰ ਦਰਸਾਉਂਦਾ ਹੈ।