ਅਮਰੀਕਾ ਨੇ ਇਰਾਨ ਤੇ ਕੀਤੇ ਨਵੇ ਹਮਲੇ, ਫੌਜੀ ਟਿਕਾਣੇ ਬਣਾਏ ਨਿਸ਼ਾਨਾ
ਤੇਹਰਾਨ, 13 ਜੁਲਾਈ 2026 : ਅਮਰੀਕਾ ਨੇ ਇਰਾਨ ਉਪਰ ਇਕ ਵਾਰ ਫਿਰ ਤੋ ਆਪਣੇ ਹਮਲੇ ਤੇਜ ਕਰ ਦਿੱਤੇ ਹਨ। ਤਾਜਾ ਮਾਮਲੇ ਵਿਚ ਅਮਰੀਕਾ ਨੇ ਇਰਾਨ ਤੇ ਫੌਜੀ ਟਿਕਾਣਿਆਂ ਉਪਰ ਹਮਲੇ ਕੀਤੇ ਹਨ।
ਜਾਣਕਾਰੀ ਦੇ ਅਨੁਸਾਰ ਹੁਣ ਤੱਕ ਇਨ੍ਹਾਂ ਹਮਲਿਆਂ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਜਾਨੀ ਨੁਕਸਾਨ ਦੀ ਕੋਈ ਸੂਚਨਾ ਨਹੀਂ ਮਿਲੀ।
ਹਾਲਾਂਕਿ, ਲਗਾਤਾਰ ਹੋ ਰਹੇ ਹਮਲਿਆਂ ਕਾਰਨ ਟਾਪੂ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਇਰਾਨ ਦੇ ਸਰਕਾਰੀ ਮੀਡੀਆ ਅਨੁਸਾਰ ਹਰਮੁਜ਼ ਜਲ ਮਾਰਗ ਦੇ ਨੇੜੇ ਸਥਿਤ ਕੇਸ਼ਮ ਟਾਪੂ ‘ਤੇ ਐਤਵਾਰ ਨੂੰ ਫੌਜੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਨਵੇਂ ਹਮਲੇ ਕੀਤੇ ਗਏ।
ਇਰਾਨ ਦੀ ਸਰਕਾਰੀ ਨਿਊਜ਼ ਏਜੰਸੀ ਇਰਨਾ ਨੇ ਕੇਸ਼ਮ ਟਾਪੂ ਦੇ ਗਵਰਨਰ ਦੇ ਹਵਾਲੇ ਨਾਲ ਦੱਸਿਆ ਕਿ ਦੁਪਹਿਰ ਤੋਂ ਬਾਅਦ ਟਾਪੂ ਵੱਲ ਲਗਭਗ ਇੱਕ ਦਰਜਨ ਗੋਲੇ (ਪ੍ਰੋਜੈਕਟਾਈਲ) ਦਾਗੇ ਗਏ ਹਨ। ਕੇਸ਼ਮ ਟਾਪੂ ਫਾਰਸ ਦੀ ਖਾੜੀ ਦਾ ਸਭ ਤੋਂ ਵੱਡਾ ਟਾਪੂ ਹੈ, ਜਿੱਥੇ ਲਗਭਗ ਡੇਢ ਲੱਖ ਲੋਕ ਵਸਦੇ ਹਨ। ਇਸ ਦੀ ਰਣਨੀਤਕ ਸਥਿਤੀ, ਖ਼ਾਸ ਕਰਕੇ ਹਰਮੁਜ਼ ਜਲ ਮਾਰਗ ਦੇ ਨੇੜੇ ਹੋਣ ਕਾਰਨ, ਇਸ ਖੇਤਰ ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਬੇਹੱਦ ਅਹਿਮ ਮੰਨਿਆ ਜਾਂਦਾ ਹੈ।
