ਸਟਾਰ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਦੀ ਮੰਗਣੀ ਦਾ ਐਲਾਨ, ਮਿਲੀਆਂ ਵਧਾਈਆਂ
ਦਿਲੀ, 21 ਨਵੰਬਰ : ਭਾਰਤ ਦੀ ਪ੍ਰਸਿੱਧ ਮਹਿਲਾ ਕ੍ਰਿਕਟਰ ਅਤੇ ਵਿਸ਼ਵ ਕੱਪ ਜੇਤੂ ਖਿਡਾਰਨ ਸਮ੍ਰਿਤੀ ਮੰਧਾਨਾ ਨੇ ਸੰਗੀਤਕਾਰ ਪਲਾਸ਼ ਮੁਛੱਲ ਨਾਲ ਆਪਣੀ ਮੰਗਣੀ ਦਾ ਐਲਾਨ ਕਰਕੇ ਲੋਕਾਂ ਅਤੇ ਆਪਣੇ ਫੈਨਜ ਨੂੰ ਚੌਕਾ ਦਿੱਤਾ ਹੈ, ਜਿਸਤੋ ਬਾਅਦ ਉਨਾ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਮੇਲਾ ਲਗ ਪਿਆ ਹੈ।
ਜਿਕਰਯੋਗ ਹੈ ਕਿ ਸਮ੍ਰਿਤੀ ਦਾ ਇੱਕ ਮਨਮੋਹਕ ਵੀਡੀਓ ਵੀ ਸਾਮਣੇ ਆਇਆ ਹੈ, ਜਿਸ ਵਿੱਚ ਉਹ ਭਾਰਤੀ ਟੀਮ ਦੀਆਂ ਸਾਥੀ ਖਿਡਾਰਨਾਂ—ਰਾਧਾ ਯਾਦਵ, ਜੇਮੀਮਾ ਰੌਡਰਿਗਜ਼, ਸ਼੍ਰੇਯੰਕਾ ਪਾਟਿਲ ਅਤੇ ਅਰੁੰਧਤੀ ਰੈੱਡੀ—ਨਾਲ ਮਿਲ ਕੇ ਬਾਲੀਵੁੱਡ ਫਿਲਮ ਲਗੇ ਰਹੋ ਮੁੰਨਾ ਭਾਈ ਦੇ ਗੀਤ ‘ਸਮਝੋ ਹੋ ਹੀ ਗਿਆ’ ‘ਤੇ ਠੁਮਕੇ ਲਗਾ ਰਹੀ ਹੈ। ਡਾਂਸ ਦੌਰਾਨ ਮੰਧਾਨਾ ਹੱਸਦੇ ਹੋਏ ਆਪਣੀ ਮੰਗਣੀ ਦੀ ਅੰਗੂਠੀ ਵੀ ਦਿਖਾਉਂਦੀ ਨਜ਼ਰ ਆ ਰਹੀ ਹੈ।
ਉਨਾ ਇਸ ਖਬਰ ਨਾਲ ਫੈਨਾਂ ਨੂੰ ਖੁਸ਼ੀ ਦੀ ਖਬਰ ਦਿੱਤੀ ਹੈ। ਉਨਾ ਵਲੋ ਐਲਾਨ ਦੇ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਅਨੇਕ ਪ੍ਰਸਿੱਧ ਹਸਤੀਆਂ ਨੇ ਜੋੜੇ ਨੂੰ ਵਧਾਈ ਸੰਦੇਸ਼ ਭੇਜੇ ਹਨ। ਉਨਾ ਵਲੋ ਆਪਣੀ ਇਹ ਵੀਡਿਓ ਇੰਸਟਾਗ੍ਰਾਮ ‘ਤੇ ਅੱਪਲੋਡ ਕੀਤੀ ਗਈ, ਜਿਸ ਨੂੰ ਲੋਕ ਬਹੁਤ ਪਿਆ ਦੇ ਰਹੇ ਹਨ।
