ਭਾਰਤੀ ਮੁਦਰਾ ਬਜਾਰ ਵਿਚ ਹਲਚਲ : ਰੁਪਇਆ ਡਾਲਰ ਮੁਕਾਬਲੇ ਡਿਗਾ ਹੇਠਾ

ਨਵੀਂ ਦਿੱਲੀ, 23 ਮਾਰਚ 2026 : ਭਾਰਤੀ ਮੁਦਰਾ ਬਾਜ਼ਾਰ ਵਿੱਚ ਵੱਡੀ ਹਿਲਚਲ ਦੇਖਣ ਨੂੰ ਮਿਲੀ ਹੈ, ਜਿੱਥੇ ਭਾਰਤੀ ਰੁਪਿਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 41 ਪੈਸੇ ਡਿੱਗ ਕੇ 93.94 ਦੇ ਸਭ ਤੋਂ ਨੀਵੇਂ ਪੱਧਰ ‘ਤੇ ਪਹੁੰਚ ਗਿਆ। ਮਾਹਿਰਾਂ ਮੁਤਾਬਕ, ਵਧ ਰਹੀਆਂ ਕੱਚੇ ਤੇਲ ਦੀਆਂ ਕੀਮਤਾਂ ਅਤੇ ਪੱਛਮੀ ਏਸ਼ੀਆ ‘ਚ ਤਣਾਅਪੂਰਨ ਹਾਲਾਤਾਂ ਨੇ ਰੁਪਏ ‘ਤੇ ਭਾਰੀ ਦਬਾਅ ਬਣਾਇਆ ਹੈ।

ਜਾਣਕਾਰੀ ਦੇ ਅਨੁਸਾਰ ਮਾਹਿਰ ਅਨੀਲ ਕੁਮਾਰ ਭੰਸਾਲੀ ਦੇ ਅਨੁਸਾਰ, ਬਾਜ਼ਾਰ ਵਿੱਚ ਡਾਲਰ ਦੀ ਮਜ਼ਬੂਤ ਮੰਗ ਕਾਰਨ ਰੁਪਏ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਰਿਜਰਵ ਬੈਕ ਆਫ ਇੰਡੀਆ ਵੱਖ-ਵੱਖ ਪੱਧਰਾਂ ‘ਤੇ ਦਖ਼ਲ ਦੇ ਬਾਵਜੂਦ ਰੁਪਏ ਨੂੰ ਸੰਭਾਲ ਨਹੀਂ ਸਕੀ ਕਿਉਂਕਿ ਡਾਲਰ ਦੀ ਮੰਗ ਬਹੁਤ ਜ਼ਿਆਦਾ ਰਹੀ।

ਅੰਤਰਬੈਂਕ ਫਾਰੇਕਸ ਮਾਰਕੀਟ ਵਿੱਚ ਰੁਪਿਆ 93.84 ‘ਤੇ ਖੁੱਲ੍ਹਿਆ ਅਤੇ ਕੁਝ ਸਮੇਂ ਵਿੱਚ ਹੀ 93.94 ਤੱਕ ਲੁੱਡਕ ਗਿਆ। ਇਹ ਇਸਦੇ ਪਿਛਲੇ ਬੰਦ 93.53 ਦੇ ਮੁਕਾਬਲੇ ਵੱਡੀ ਗਿਰਾਵਟ ਦਰਸਾਉਂਦਾ ਹੈ। ਇਸ ਤੋਂ ਪਹਿਲਾਂ ਵੀ ਰੁਪਿਆ ਪਹਿਲੀ ਵਾਰ 93 ਦੇ ਪੱਧਰ ਤੋਂ ਪਾਰ ਹੋਇਆ ਸੀ।