ਪਟਿਆਲਾ ਦੇ ਸਨੌਰ ਵਿਖੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਹੋਈ ਬੇਅਦਬੀ : ਪੰਨਾ ਫਾੜਿਆ
ਪਟਿਆਲਾ, 30 ਦਸੰਬਰ : ਸਨੌਰ ਵਿਖੇ ਗੁਰਦੁਆਰਾ ਸਿੰਘ ਸਭਾ ਦੇ ਅਧੀਨ ਪੈਂਦੇ ਖੇਤਰ ਵਿਚ ਇਕ ਖੇੜੇ ਦੀ ਹਦੂਦ ਅੰਦਰ ਚਲ ਰਹੇ ਸ੍ਰੀ ਅਖੰਡ ਪਾਠ ਸਾਹਿਬ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਇਕ ਅੰਗ ਫਾੜਕੇ ਬੇਅਦਬੀ ਕੀਤੀ ਗਈ, ਬੇਅਦਬੀ ਕਰਨ ਵਾਲਾ ਸ਼ਾਤਰ ਇੰਨਾ ਕੁ ਖਤਰਨਾਕ ਸੀ, ਉਸਨੇ ਪੰਨੇ ਦਾ ਇੱਕ ਹਿੱਸਾ ਪਾੜਕੇ ਉਸਦੇ 40 ਤੋਂ ਵਧ ਟੁਕੜੇ ਕਰ ਦਿੱਤੇ।
ਜਦੋ ਆਖਿਰ ਵਿਚ ਇਸਦਾ ਪਤਾ ਚਲਿਆ ਤਾਂ ਇਸ ਘਟਨਾ ਕਾਰਨ ਹਾਹਾਕਾਰ ਮਚ ਗਈ ਅਤੇ ਇਸਨੇ ਵੱਡਾ ਰੂਪ ਧਾਰਨ ਕਰ ਲਿਆ।
ਇਹ ਘਟਨਾ ਐਂਤਵਾਰ ਦੀ ਹੈ, ਜਦੋ ਇਸ ਬੇਅਦਬੀ ਸਬੰਧੀ ਪਤਾ ਚਲਿਆ। ਲੰਘੇ ਸ਼ੁੱਕਰਵਾਰ ਨੂੰ ਗੁਰਦੁਆਰਾ ਸਿੰਘ ਸਭਾ ਸਨੌਰ ਤੋ ਗੁਰੂ ਸਾਹਿਬ ਦੇ ਸਰੂਪ ਲਿਆਕੇ ਅਖੰਡ ਪਾਠ ਸਾਹਿਬ ਆਰੰਭ ਕੀਤੇ ਗਏ ਸਨ।
ਐਂਤਵਾਰ ਨੂੰ ਇਨਾ ਦੇ ਭੋੋਗ ਪਾਏ ਗਏ। ਭੋਗ ਪਾਉਣ ਤੋਂ ਬਾਅਦ ਜਦੋ ਸੁਖਆਸਨ ਕੀਤੇ ਗਏ, ਉਦੋ ਪਤਾ ਚਲਿਆ ਕਿ 611 ਨੰਬਰ ਪੰਨੇ ਦਾ ਇੱਕ ਹਿੱਸਾ ਪਾੜਕੇ ਉਸਦੇ 40-50 ਹਿੱਸੇ ਕਰਕੇ ਚਾਦਰ ਹੇਠਾ ਲੁਕੋਏ ਹੋਏ ਹਨ। ਉਸਤੋ ਬਾਅਦ ਸਾਰੀਆਂ ਧਿਰਾਂ ਹੈਰਾਨ ਰਹਿ ਗਈਆਂ। ਦੂਸਰੇ ਪਾਸੇ ਗੁਰਦੁਆਰਾ ਸਿੰਘ ਸਭਾ ਦੀ ਕਮੇਟੀ ਨੇ ਇਸ ਮਾਮਲੇ ਨੂੰ ਬਹੁਤੀ ਗੰਭੀਰਤਾ ਨਾਲ ਨਾ ਲਿਆ। ਕੁੱਝ ਗੁਰਸਿੱਖਾਂ ਨੇ ਇਸ ਮਾਮਲੇ ਨੂੰ ਉਜਾਗਰ ਕੀਤਾ। ਉਸਤੋ ਬਾਅਦ ਸਨੌਰ ਪੁਲਸ ਹਰਕਤ ਵਿਚ ਆਈ।
ਜਾਣਕਾਰੀ ਅਨੁਸਾਰ ਇਸ ਅਖੰਡ ਪਾਠ ਵਿਚ 6 ਗ੍ਰੰਥੀ ਸੇਵਾ ਕਰ ਰਹੇ ਸਨ। ਸਿਧੇ ਤੌਰ ‘ਤੇ ਸ਼ੱਕ ਇਨਾ ਗ੍ਰੰਥੀਆਂ ਵਿਚੋ ਕਿਸੇ ਉਪਰ ਜਾ ਰਿਹਾ ਹੈ। ਜਾਂਚ ਜਾਰੀ ਹੈ। ਇਨਾ ਵਿਚੋ ਇਕ ਗ੍ਰੰਥੀ ਸਿੰਘ ਦਾ ਕਹਿਣਾ ਹੈ ਉਹ ਅਧੇ ਘੰਟੇ ਲਈ ਕਿਸੇ ਹੋਰ ਪਾਠੀ ਦੀ ਡਿਊਟੀ ਲਗਾਕੇ ਗਿਆ ਸੀ। ਸ਼ਾਇਦ ਇਹ ਉਸ ਵੇਲੇ ਹੋਇਆ ਹੋ ਸਕਦਾ ਹੈ, ਜਿਹੜੇ ਵਿਅਕਤੀ ਨੇ 20 ਮਿੰਟ ਪਾਠ ਕਰਿਆ, ਉਹ ਹੁਣ ਤੱਕ ਕਿਤੇ ਵੀ ਕਾਬੂ ਨਹੀ ਆ ਸਕਿਆ ਹੈ।
ਅੱਗ ਵਾਂਗ ਇਹ ਘਟਨਾ ਫੈਲਣ ਤੋੋੋਂ ਬਾਅਦ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅੱਜ ਸਵੇਰੇ ਪੁਰੀ ਹਰਕਤ ਵਿਚ ਆ ਗਈ। ਐਸਜੀਪੀਸੀ ਦੀ ਕਾਰਜਕਾਰਨੀ ਮੈਂਬਰ ਸੁਰਜੀਤ ਸਿੰਘ ਗੜੀ ਨੇ ਇਕਦਮ ਦਖਲ ਦਿੰਦਿਆਂ ਗੁਰਦੁਆਰਾ ਦੁਖ ਨਿਵਾਰਨ ਸਾਹਿਬ ਪਟਿਆਲਾ ਤੋ ਇਕ ਟੀਮ ਭੇਜਕੇ ਗੁਰਦੁਆਰਾ ਸਿੰਘ ਸਭਾ ਸਨੌਰ ਤੋਂ ਬੇਅਦਬੀ ਹੋਏ ਇਸ ਗੁਰੂ ਸਾਹਿਬ ਦੇ ਸਰੂਪ ਨੂੰ ਪੂਰੇੇ ਸਤਿਕਾਰ ਨਾਲ ਗੁਰਦੁਆਰਾ ਦੁਖ ਨਿਵਾਰਨ ਸਾਹਿਬ ਵਿਖੇ ਲਿਆਂਦਾ ਗਿਆ। ਦੂਸਰੇ ਪਾਸੇ ਸਨੌਰ ਪੁਲਸ ਦੋਸ਼ੀਆਂ ਦੀ ਭਾਲ ਵਿਚ ਜੁਟੀ ਹੋਈ ਹੈ ਪਰ ਇਸ ਮਾਮਲੇ ਵਿਚ ਸਿੰਘ ਸਭਾ ਗੁਰਦੁਆਰਾ ਦੀ ਕਮੇਟੀ ਵੀ ਕਟਿਹਰੇ ਵਿਚ ਆ ਗਈ ਹੈ।
