ਨੇਪਾਲ ਹੜ : 5 ਹਜਾਰ ਹਜੇ ਵੀ ਲਾਪਤਾ, ਮਨਾਇਆ ਜਾਵੇਗਾ ਸੋਗ ਦਿਵਸ
ਕਾਠਮੰਡੂ, 8 ਸਤੰਬਰ : ਨੇਪਾਲ ਵਿੱਚ ਰਾਸੁਵਾ ਖੇਤਰ ’ਚ ਅਚਾਨਕ ਆਏ ਭਿਆਨਕ ਹੜ੍ਹਾਂ ਤੋਂ ਬਾਅਦ ਸੋਮਵਾਰ ਨੂੰ 13ਵੇਂ ਦਿਨ ਕੌਮੀ ਸੋਗ ਦਿਵਸ ਮਨਾਇਆ ਗਿਆ। ਜਿਕਰਯੋਗ ਹੈ ਕਿ ਲਾਪਤਾ ਲੋਕਾਂ ਲਈ ਹਜੇ ਵੀ ਬਚਾਅ ਕਾਰਜ ਚਲ ਰਹੇ ਹਨ ਅਤੇ ਲਾਪਤਾ ਲੋਕਾਂ ਦੀ ਗਿਣਤੀ ਹਜੇ ਵੀ 5 ਹਜਾਰ ਦੇ ਕਰੀਬ ਦਸੀ ਜਾ ਰਹੀ ਹੈ।
ਜਾਣਕਾਰੀ ਅਲੁਸਾਰ ਨੇਪਾਲ ਸਰਕਾਰ ਨੇ ਰਾਸੁਵਾ, ਨੁਵਾਕੋਟ, ਧੜਿੰਗ, ਭੋਟੇਕੋਸ਼ੀ ਅਤੇ ਤ੍ਰਿਸ਼ੂਲੀ ਨਦੀ ਤੰਤਰ ਨਾਲ ਜੁੜੇ ਹੋਰ ਪ੍ਰਭਾਵਿਤ ਇਲਾਕਿਆਂ ਦੇ ਲੋਕਾਂ ਨੂੰ ਸ਼ਰਧਾਂਜਲੀ ਦੇਣ ਲਈ 7 ਸਤੰਬਰ ਨੂੰ ਕੌਮੀ ਸੋਗ ਦਿਵਸ ਐਲਾਨਿਆ ਸੀ। ਹਿੰਦੂ ਰਵਾਇਤ ਅਨੁਸਾਰ ਕਿਸੇ ਵਿਅਕਤੀ ਦੀ ਮੌਤ ਤੋਂ ਬਾਅਦ 13ਵਾਂ ਦਿਨ ਸੋਗ ਦੇ ਪੱਖੋਂ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ। ਇਸ ਦਿਨ ਮ੍ਰਿਤਕਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਪੂਜਾ-ਪਾਠ ਕੀਤਾ ਜਾਂਦਾ ਹੈ ਅਤੇ ਰਵਾਇਤੀ ਤੌਰ ’ਤੇ ਸੋਗ ਦੇ ਸਮੇਂ ਦੀ ਸਮਾਪਤੀ ਮੰਨੀ ਜਾਂਦੀ ਹੈ।
ਨੇਪਾਲ ਦੇ ਗ੍ਰਹਿ ਮੰਤਰਾਲੇ ਵੱਲੋਂ ਐਤਵਾਰ ਨੂੰ ਜਾਰੀ ਕੀਤੇ ਬਿਆਨ ਅਨੁਸਾਰ, ਕੌਮੀ ਸੋਗ ਦਿਵਸ ਮੌਕੇ ਦੇਸ਼ ਦੇ ਸਾਰੇ ਸਰਕਾਰੀ ਦਫ਼ਤਰਾਂ ਦੇ ਨਾਲ-ਨਾਲ ਵਿਦੇਸ਼ਾਂ ਵਿੱਚ ਸਥਿਤ ਨੇਪਾਲੀ ਕੂਟਨੀਤਕ ਮਿਸ਼ਨਾਂ ਵਿੱਚ ਵੀ ਕੌਮੀ ਝੰਡਾ ਅੱਧਾ ਝੁਕਿਆ ਰੱਖਿਆ ਗਿਆ। ਇਸੇ ਦੌਰਾਨ ਨੇਪਾਲ ਸਰਕਾਰ ਨੇ 8 ਸਤੰਬਰ, ਮੰਗਲਵਾਰ ਨੂੰ ਜੈੱਨ-ਜ਼ੀ ਸ਼ਹੀਦ ਦਿਵਸ ਦੇ ਮੌਕੇ ’ਤੇ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਹੈ।
