ਟੈਂਕਰ ਧਮਾਕਾ ਹਾਦਸਾ : ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 7

ਹੁਸ਼ਿਆਰਪੁਰ | 24 ਅਗਸਤ 2025– ਹੁਸ਼ਿਆਰਪੁਰ-ਜਲੰਧਰ ਰੋਡ ‘ਤੇ ਸ਼ੁੱਕਰਵਾਰ ਰਾਤ ਨੂੰ ਵਾਪਰੇ ਭਿਆਨਕ ਐਲਪੀਜੀ ਟੈਂਕਰ ਧਮਾਕੇ ‘ਚ ਜ਼ਖ਼ਮੀ ਹੋਏ ਹੋਰ ਚਾਰ ਵਿਅਕਤੀਆਂ ਨੇ ਰਾਤ ਦੌਰਾਨ ਦਮ ਤੋੜ ਦਿੱਤਾ, ਜਿਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਹੁਣ ਸੱਤ ਹੋ ਚੁੱਕੀ ਹੈ।

ਮੰਡਿਆਲਾ ਅੱਡੇ ਨੇੜੇ ਵਾਪਰੀ ਸੀ ਘਟਨਾ

ਇਹ ਹਾਦਸਾ ਸ਼ੁੱਕਰਵਾਰ ਰਾਤ ਲਗਭਗ 10 ਵਜੇ ਵਾਪਰਿਆ, ਜਦੋਂ ਮੰਡਿਆਲਾ ਅੱਡੇ ਨੇੜੇ ਇੱਕ ਐਲਪੀਜੀ ਟੈਂਕਰ ਦੀ ਟੱਕਰ ਇੱਕ ਪਿਕਅੱਪ ਵਾਹਨ ਨਾਲ ਹੋ ਗਈ। ਟੱਕਰ ਤੋਂ ਤੁਰੰਤ ਬਾਅਦ ਟੈਂਕਰ ਨੂੰ ਅੱਗ ਲੱਗ ਗਈ, ਜੋ ਕਿ ਥੋੜ੍ਹੀਆਂ ਹੀ ਮਿੰਟਾਂ ਵਿੱਚ ਨੇੜਲੇ ਇਲਾਕੇ ‘ਚ ਫੈਲ ਗਈ। ਅੱਗ ਨੇ ਨਜ਼ਦੀਕ ਦੀਆਂ 15 ਦੁਕਾਨਾਂ ਅਤੇ ਘੱਟੋ-ਘੱਟ 4 ਘਰਾਂ ਨੂੰ ਲਪੇਟ ਵਿੱਚ ਲੈ ਲਿਆ, ਜਿਸ ਕਾਰਨ ਇਹ ਵੱਡਾ ਹਾਦਸਾ ਵਾਪਰਿਆ।