ਭਾਰਤ ਦੇ ਦਖਲ ਤੋਂ ਬਾਅਦ ਇਟਲੀ ਪ੍ਰਸ਼ਾਸਨ ਨੇ ਕੀਤੀ ਭਾਰਤੀ ਮਜ਼ਦੂਰ ਸਤਨਾਮ ਦੀ ਮੌਤ ਦੇ ਮਾਮਲੇ ਵਿਚ ਕਾਰਵਾਈ
ਮਾਲਕ ਨੂੰ ਠਹਿਰਾਇਆ ਜਿੰਮੇਵਾਰ ਤੇ ਕੀਤਾ ਗ੍ਰਿਫ਼ਤਾਰ
ਰੋਮ : ਭਾਰਤੀ ਨਾਗਰਿਕ ਦੇ ਇਟਲੀ ਵਿਚ ਪ੍ਰਾਈਵੇਟ ਤੌਰ ਤੇ ਕਿਸੇ ਵਿਅਕਤੀ ਕੋਲ ਕੰਮ ਕਰਨ ਦੇ ਚਲਦਿਆਂ ਵਾਪਰੇ ਹਾਦਸੇ ਦੌਰਾਨ ਮਾਲਕ ਵਲੋਂ ਇਲਾਜ ਨਾ ਕਰਵਾਉਣ ਦੇ ਚਲਦਿਆਂ ਚਲੀ ਗਈ ਜਿੰਦੜੀ ਲਈ ਜਿੰਮੇਵਾਰ ਠਹਿਰਾਉਣ ਅਤੇ ਕਾਰਵਾਈ ਲਈ ਜਦੋਂ ਭਾਰਤ ਵਲੋਂ ਦਖਲ ਦਿੱਤਾ ਗਿਆ ਤਾਂ ਖੇਤ ਦੇ ਮਾਲਕ ਨੂੰ ਇਟਾਲੀਅਨ ਪੁਲਸ ਵਲੋਂ ਗ੍ਰਿਫ਼ਤਾਰ ਕਰ ਲਿਆ ਹੈ। ਪ੍ਰਾਪਤ ਜਾਣਕਾਰੀ ਮੁਤਾਬਿਕ ਖੇਤ ਮਾਲਕ ਨੇ ਖੂਨ ਨਾਲ ਲੱਥਪੱਥ ਮਜ਼ਦੂਰ ਨੂੰ ਇਸੇ ਤਰ੍ਹਾਂ ਹੀ ਛੱਡ ਦਿੱਤਾ ਸੀ ਤੇ ਐਂਬੂਲੈਂਸ ਤਕ ਨੂੰ ਫੋਨ ਨਹੀਂ ਕੀਤਾ। ਜਿ਼ਆਦਾ ਖੂਨ ਵਗਣ ਕਾਰਨ ਮਜ਼ਦੂਰ ਦੀ ਮੌਤ ਹੋ ਗਈ ਸੀ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਮਜ਼ਦੂਰ ਪਿਛਲੇ ਮਹੀਨੇ ਰੋਮ ਦੇ ਨੇੜੇ ਲਾਜ਼ੀਓ ਵਿਚ ਮਸ਼ੀਨ ਨਾਲ ਸਟ੍ਰੋਬੇਰੀ ਤੋੜ ਰਿਹਾ ਸੀ। ਮਜ਼ਦੂਰ ਦੀ ਦੋ ਦਿਨ ਬਾਅਦ ਰੋਮ ਦੇ ਹਸਪਤਾਲ ਵਿਚ ਮੌਤ ਹੋ ਗਈ, ਜਿੱਥੇ ਉਸ ਨੂੰ ਏਅਰਲਿਫਟ ਕੀਤਾ ਗਿਆ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪੁਲਿਸ ਨੇ ਮੰਗਲਵਾਰ ਨੂੰ ਕਥਿਤ ਗੈਂਗਮਾਸਟਰ ਐਂਟੋਨੇਲੋ ਲੋਵਾਟੋ ਨੂੰ ਸਿੰਘ ਦੇ ਕਤਲ ਦੇ ਸ਼ੱਕ ਵਿਚ ਗ੍ਰਿਫਤਾਰ ਕੀਤਾ ਹੈ।