ਕੋਠੀ ਵਿਚ 32 ਵਿਅਕਤੀਆਂ ਸਮੇਤ ਬੰਦ ਪੰਜ ਔਰਤਾਂ ਨੂੰ ਛੱਡਿਆ ਤੇ 32 ਦੇ 32 ਵਿਅਕਤੀਆਂ ਵਿਰੁੱਧ ਕੀਤਾ ਸ਼ਾਂਤੀ ਭੰਗ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ

ਕੋਠੀ ਵਿਚ 32 ਵਿਅਕਤੀਆਂ ਸਮੇਤ ਬੰਦ ਪੰਜ ਔਰਤਾਂ ਨੂੰ ਛੱਡਿਆ ਤੇ 32 ਦੇ 32 ਵਿਅਕਤੀਆਂ ਵਿਰੁੱਧ ਕੀਤਾ ਸ਼ਾਂਤੀ ਭੰਗ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ
ਅਜਮੇਰ : ਭਾਰਤ ਦੇਸ਼ ਦੇ ਸ਼ਹਿਰ ਅਜਮੇਰ ਦੇ ਕਿਸ਼ਨਗੜ੍ਹ ਥਾਣਾ ਖੇਤਰ ‘ਚ ਅਨੈਤਿਕ ਗਤੀਵਿਧੀਆਂ ਦਾ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਜਦੋਂ ਕਿਸ਼ਨਗੜ੍ਹ ਪੁਲਿਸ ਨੇ ਮਾਰਬਲ ਖੇਤਰ ਵਿੱਚ ਸਥਿਤ ਇੱਕ ਕੋਠੀ ਵਿੱਚ ਛਾਪੇਮਾਰੀ ਕੀਤੀ ਤਾਂ ਉੱਥੇ ਦੇ ਹਾਲਾਤ ਦੇਖ ਕੇ ਹੈਰਾਨ ਰਹਿ ਗਈ । ਚਾਰਦੀਵਾਰੀ ਵਿੱਚ ਬਣੇ 6 ਕਮਰਿਆਂ ਵਿੱਚ 32 ਮਰਦਾਂ ਨਾਲ 5 ਔਰਤਾਂ ਬੰਦ ਸਨ । ਮੌਕੇ ਦੀ ਸਥਿਤੀ ਨੂੰ ਦੇਖ ਕੇ ਪੁਲਿਸ ਨੇ ਆਪਣੀਆਂ ਅੱਖਾਂ ਬੰਦ ਕਰ ਲਈਆਂ । ਬਾਅਦ ‘ਚ ਪੁਲਿਸ ਨੇ ਜਾਂਚ ਕਰਨ ਤੋਂ ਬਾਅਦ ਔਰਤਾਂ ਨੂੰ ਛੱਡ ਦਿੱਤਾ ਅਤੇ 32 ਪੁਰਸ਼ਾਂ ਨੂੰ ਗ੍ਰਿਫਤਾਰ ਕਰ ਲਿਆ । ਪੁਲਿਸ ਮੁਤਾਬਕ ਇਹ ਕਾਰਵਾਈ ਐਤਵਾਰ ਨੂੰ ਕਿਸ਼ਨਗੜ੍ਹ ਕਸਬੇ ਦੇ ਗਾਂਧੀ ਨਗਰ ਥਾਣਾ ਖੇਤਰ ‘ਚ ਕੀਤੀ ਗਈ । ਪੁਲਿਸ ਨੂੰ ਸਥਾਨਕ ਲੋਕਾਂ ਤੋਂ ਸੂਚਨਾ ਮਿਲੀ ਸੀ ਕਿ ਮਾਰਬਲ ਖੇਤਰ ‘ਚ ਕੁਝ ਠੀਕ ਨਹੀਂ ਚੱਲ ਰਿਹਾ ਹੈ। ਇੱਥੋਂ ਦੇ ਮੋਹਨਪੁਰਾ ਵਿੱਚ ਸਥਿਤ ਇੱਕ ਕੋਠੀ ਵਿੱਚ ਅਨੈਤਿਕ ਗਤੀਵਿਧੀਆਂ ਚੱਲਦੀਆਂ ਰਹਿੰਦੀਆਂ ਹਨ, ਉਥੇ ਪੁਰਸ਼ਾਂ ਦੀ ਭੀੜ ਹੈ । ਇਸ ‘ਤੇ ਪੁਲਸ ਨੇ ਪੂਰੀ ਤਿਆਰੀ ਕਰ ਕੇ ਐਤਵਾਰ ਨੂੰ ਉਥੇ ਛਾਪੇਮਾਰੀ ਕੀਤੀ, ਉੱਥੇ ਪੁਲਸ ਨੂੰ ਚਾਰਦੀਵਾਰੀ ਵਿੱਚ ਬਣੇ ਛੇ ਕਮਰੇ ਮਿਲੇ ਹਨ, ਜਦੋਂ ਪੁਲਸ ਨੇ ਉਸ ਦੇ ਕਮਰਿਆਂ ਦੀ ਜਾਂਚ ਕੀਤੀ ਤਾਂ ਉਹ ਦੰਗ ਰਹਿ ਗਈ । ਇਨ੍ਹਾਂ ਕਮਰਿਆਂ ਵਿੱਚ 32 ਪੁਰਸ਼ਾਂ ਸਮੇਤ ਪੰਜ ਔਰਤਾਂ ਬੰਦ ਸਨ, ਉੱਥੇ ਅਨੈਤਿਕ ਗਤੀਵਿਧੀਆਂ ਚੱਲ ਰਹੀਆਂ ਸਨ। ਬਾਅਦ ‘ਚ ਪੁਲਿਸ ਨੇ ਸਾਰਿਆਂ ਨੂੰ ਕਮਰੇ ‘ਚੋਂ ਬਾਹਰ ਕੱਢ ਕੇ ਉਨ੍ਹਾਂ ਦੇ ਨਾਂ-ਪਤੇ ਪੁੱਛੇ । ਫਿਰ ਪਤਾ ਲੱਗਾ ਕਿ ਜ਼ਿਆਦਾਤਰ ਮਰਦ ਬਿਹਾਰ ਦੇ ਸਨ ਅਤੇ ਉਹ ਸੰਗਮਰਮਰ ਦੇ ਖੇਤਰ ਵਿਚ ਕੰਮ ਕਰਦੇ ਸਨ । ਪੁਲਿਸ ਨੇ ਔਰਤਾਂ ਤੋਂ ਉਨ੍ਹਾਂ ਦੇ ਨਾਮ ਅਤੇ ਪਤੇ ਪੁੱਛੇ ਅਤੇ ਉਨ੍ਹਾਂ ਨੂੰ ਨਿਰਦੇਸ਼ ਦੇ ਕੇ ਛੱਡ ਦਿੱਤਾ, ਜਦੋਂਕਿ ਵਾੜੇ ਵਿੱਚ ਮਿਲੇ ਸਾਰੇ 32 ਵਿਅਕਤੀਆਂ ਨੂੰ ਸ਼ਾਂਤੀ ਭੰਗ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕਰ ਲਿਆ ਗਿਆ ।