ਦਿੱਲੀ, 31 ਜੁਲਾਈ : ਲੰਡਨ ਵਿਚ ਅਚਾਨਕ ਆਏ ਭਾਰੀ ਏਅਰ ਟ੍ਰੈਫਿਕ ਦੇ ਕਾਰਨ ਕਈ ਉਡਾਨਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਜਾਣਕਾਰੀ ਅਨੁਸਾਰ ਤਕਨੀਕੀ ਸਮੱਸਿਆਵਾਂ ਕਾਰਨ ਦੇ ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੋਂ ਅੱਜ ਹੋਰ 24 ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ ਜਦਕਿ ਬੀਤੇ ਦਿਨ ਸੌ ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਸਨ ਤੇ ਕੁਝ ਦੇਰੀ ਨਾਲ ਚੱਲੀਆਂ ਸਨ।
ਨੈਸ਼ਨਲ ਏਅਰ ਟ੍ਰੈਫਿਕ ਸਰਵਿਸਿਜ਼ ਨੇ ਦੱਸਿਆ ਕਿ ਇਸ ਤਕਨੀਕੀ ਨੁਕਸ ਨੂੰ ਠੀਕ ਕਰ ਦਿੱਤਾ ਗਿਆ ਹੈ। ਇਸ ਤਕਨੀਕੀ ਨੁਕਸ ਕਾਰਨ ਲੰਡਨ ਨੇੜੇ ਗੈਟਵਿਕ ਹਵਾਈ ਅੱਡੇ, ਸਕਾਟਲੈਂਡ ਦੇ ਐਡਿਨਬਰਗ ਹਵਾਈ ਅੱਡੇ ਅਤੇ ਕਈ ਹੋਰ ਥਾਵਾਂ ’ਤੇ ਵੀ ਉਡਾਣਾਂ ਪ੍ਰਭਾਵਿਤ ਹੋਈਆਂ।
ਟਰਾਂਸਪੋਰਟ ਮੰਤਰੀ ਐਚ ਅਲੈਗਜ਼ੈਂਡਰ ਨੇ ਕਿਹਾ ਕਿ ਉਹ NATS ਦੇ ਮੁੱਖ ਕਾਰਜਕਾਰੀ ਮਾਰਟਿਨ ਰੋਲਫ ਨਾਲ ਮੁਲਾਕਾਤ ਕਰਨਗੇ ਤਾਂ ਕਿ ਇਹ ਸਮੱਸਿਆ ਮੁੜ ਨਾ ਆਵੇ। ਇਹ ਜਾਣਕਾਰੀ ਅਲੈਗਜ਼ੈਂਡਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ’ਤੇ ਸਾਂਝੀ ਕੀਤੀ ਹੈ। ਹੀਥਰੋ ਦੀ ਵੈੱਬਸਾਈਟ ਅਨੁਸਾਰ ਬਰੱਸਲਜ਼ ਅਤੇ ਟੋਰਾਂਟੋ ਲਈ ਜਾਣ ਵਾਲੀਆਂ ਅਤੇ ਨਿਊਯਾਰਕ ਅਤੇ ਬਰਲਿਨ ਤੋਂ ਆਉਣ ਵਾਲੀਆਂ ਘੱਟੋ-ਘੱਟ 24 ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ।