ਵਾਸ਼ਿੰਗਟਨ, 2 ਮਾਰਚ : ਪਿਛਲੇ ਦਿਨੀ ਜਿਥੇ ਅਮਰੀਕਾ ਤੇ ਇਜਰਾਇਲੀ ਹਮਲਿਆਂ ਦੌਰਾਨ ਇਰਾਨ ਦੇ ਸੁਪਰੀਮ ਲੀਡਰ ਖਾਨੇਮੇਈ ਦੀ ਮੌਤ ਹੋਣ ਦੀ ਖਬਰ ਫੈਲ ਚੁਕੀ ਹੈ। ਉਥੇ ਹੁਣ ਇਰਾਨੀ ਨੇ ਆਪਣੇ ਹਮਲੇ ਦੂਸਰੇ ਦੇਸ਼ਾਂ ਉਪਰ ਤੇਜ ਕਰ ਦਿਤੇ ਹਨ। ਤਾਜਾ ਮਾਮਲੇ ਵਿਚ ਇਰਾਨੀ ਵਲੋ ਕੀਤੇ ਗਏ ਹਮਲੇ ਦੌਰਾਨ ਤਿੰਨ ਅਮਰੀਕੀ ਸੈਨਿਕ ਮਾਰੇ ਗਏ ਹਨ, ਜਦਕਿ ਪੰਜ ਹੋਰ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋਏ ਹਨ।
ਸੂਤਰਾਂ ਅਨੁਸਾਰ ਹਲਾਕ ਹੋਏ ਸੈਨਿਕ ਕੁਵੈਤ ਵਿੱਚ ਤਾਇਨਾਤ ਇੱਕ ਲੌਜਿਸਟਿਕ ਯੂਨਿਟ ਨਾਲ ਸੰਬੰਧਿਤ ਸਨ। ਇਸ ਘਟਨਾ ਦੀ ਪੁਸ਼ਟੀ ਅਮਰੀਕਾ ਵੱਲੋਂ ਕੀਤੀ ਗਈ ਹੈ। ਹਾਲਾਂਕਿ ਪਰਿਵਾਰਾਂ ਨੂੰ ਸੂਚਿਤ ਕਰਨ ਦੀ ਕਾਰਵਾਈ ਜਾਰੀ ਹੋਣ ਕਾਰਨ ਮਾਰੇ ਗਏ ਸੈਨਿਕਾਂ ਦੀ ਪਹਿਚਾਣ ਅਜੇ ਜਾਰੀ ਨਹੀਂ ਕੀਤੀ ਗਈ।
ਰਿਪੋਰਟਾਂ ਮੁਤਾਬਕ ਇਹ ਜਵਾਬੀ ਹਮਲਾ ਉਸ ਤੋਂ ਬਾਅਦ ਕੀਤਾ ਗਿਆ ਜਦੋਂ ਇਰਾਨ ਦੇ ਸੁਪਰੀਮ ਲੀਡਰ ਅਲੀ ਖਾਨੇਮੇਈ ਦੇ ਮਾਰੇ ਜਾਣ ਦੀ ਖ਼ਬਰ ਸਾਹਮਣੇ ਆਈ, ਜਿਸ ਕਾਰਨ ਹੁਣ ਤਣਾਅ ਵਧਦਾ ਜਾ ਰਿਹਾ ਹੈ।