ਤੇਹਰਾਨ, 5 ਮਾਰਚ : ਬੀਤੇ ਦਿਨੀ ਅਮਰੀਕਾ ਵਲੋ ਇਰਾਨ ਦੇ ਜੰਗੀ ਜਹਾਜ ਨੂੰ ਨਿਸਾ਼ਨਾ ਬਣਾਉਣ ਤੋ ਬਾਅਦ ਹੁਣ ਇਰਾਨ ਨੇ ਅਮਰੀਕਾ ਲਈ ਸਖਤ ਚਿਤਾਵਨੀ ਜਾਰੀ ਕਰ ਦਿਤੀ ਹੈ। ਉਨਾ ਕਿਹਾ ਕਿ ਇਸਦੇ ਭਾਰੀ ਨਤੀਜੇ ਅਮਰੀਕਾ ਨੂੰ ਦੇਖਣੇ ਪੈਣਗੇ।
ਜਿਕਰਯੋਗ ਹੈ ਕਿ ਇਰਾਨ ਦੇ ਵਿਦੇਸ਼ ਮੰਤਰੀ ਸਈਅਦ ਅਬਾਸ ਅਰਗਾਚੀ ਨੇ ਕਿਹਾ ਹੈ ਕਿ ਅੰਤਰਰਾਸ਼ਟਰੀ ਪਾਣੀਆਂ ਵਿੱਚ ਕੀਤੀ ਗਈ ਇਸ ਕਾਰਵਾਈ ਲਈ ਅਮਰੀਕਾ ਨੂੰ “ਭਾਰੀ ਨਤੀਜੇ” ਭੁਗਤਣੇ ਪੈ ਸਕਦੇ ਹਨ।
ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਆਪਣੇ ਸੰਦੇਸ਼ ਵਿੱਚ ਉਨ੍ਹਾਂ ਦੱਸਿਆ ਕਿ ਹਮਲਾ ਇਰਾਨੀ ਤੱਟ ਤੋਂ ਲਗਭਗ 2,000 ਮੀਲ ਦੂਰ ਕੀਤਾ ਗਿਆ। ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਫ੍ਰੀਗੇਟ IRIW Dena ਉਸ ਵੇਲੇ Indian Navy ਦਾ ਮਹਿਮਾਨ ਸੀ ਅਤੇ ਉਸ ਵਿੱਚ ਕਰੀਬ 130 ਮਲਾਹ ਸਵਾਰ ਸਨ।
ਅਰਾਗਚੀ ਨੇ ਕਿਹਾ ਕਿ ਜਹਾਜ਼ ‘ਤੇ ਬਿਨਾਂ ਕਿਸੇ ਪੂਰਬਲੀ ਚੇਤਾਵਨੀ ਦੇ ਕਾਰਵਾਈ ਕੀਤੀ ਗਈ, ਜੋ ਅੰਤਰਰਾਸ਼ਟਰੀ ਕਾਨੂੰਨਾਂ ਦੀ ਉਲੰਘਣਾ ਹੈ। ਉਨਾ ਕਿਹਾ ਕਿ ਇਸਦੇ ਗੰਭੀਰ ਨਤੀਜੇ ਸਾਹਮਣੇ ਆਉਣਗੇ।