ਅੰਮ੍ਰਿਤਸਰ, 10 ਅਕਤੂਬਰ : ਬੀਐਸਐਫ ਨੇ ਸਰਹਦੀ ਇਲਾਕੇ ਵਿਚ ਛਾਣਬੀਣ ਦੌਰਾਨ ਹੈਰੋਇਨ, ਆਈਸ ਡਰੱਗ ਤੇ ਗੋਲਾ ਬਾਰੂਦ ਬਰਾਮਦ ਕੀਤਾ ਹੈ।ਜਾਣਕਾਰੀ ਅਨੁਸਾਰ ਬੀਐੱਸਐੱਫ (ਸਰਹੱਦ ਸੁਰੱਖਿਆ ਬਲ) ਨੇ ਪੰਜਾਬ ਸਰਹੱਦ ’ਤੇ ਨਸ਼ੇ ਅਤੇ ਹਥਿਆਰਾਂ ਦੀ ਵੱਡੀ ਖੇਪ ਬਰਾਮਦ ਕੀਤੀ ਹੈ। ਅਧਿਕਾਰੀਆਂ ਅਨੁਸਾਰ ਪਿਛਲੇ 24 ਘੰਟਿਆਂ ਦੌਰਾਨ ਕੀਤੇ ਗਏ ਦੋ ਵੱਡੇ ਆਪ੍ਰੇਸ਼ਨਾਂ ਵਿਚ ਚੌਕਸ ਜਵਾਨਾਂ ਨੇ ਹੈਰੋਇਨ, ਆਈਸ ਡਰੱਗ ਅਤੇ ਗੋਲਾ-ਬਾਰੂਦ ਕਬਜ਼ੇ ਵਿੱਚ ਲਏ।
ਅਧਿਕਾਰੀਆਂ ਨੇ ਦੱਸਿਆ ਕਿ ਕੱਲ੍ਹ ਸ਼ਾਮ ਇੱਕ ਸ਼ੱਕੀ ਡਰੋਨ ਗਤੀਵਿਧੀ ਨੂੰ ਦੇਖਿਆ ਗਿਆ, ਜਿਸਤੋਂ ਬਾਅਦ ਬੀਐੱਸਐੱਫ ਅਤੇ ਪੰਜਾਬ ਪੁਲੀਸ ਵੱਲੋਂ ਇੱਕ ਵਿਆਪਕ ਤਲਾਸ਼ੀ ਮੁਹਿੰਮ ਚਲਾਈ ਗਈ।
ਇਸ ਕਾਰਵਾਈ ਦੌਰਾਨ ਪਿੰਡ ਭੈਣੀ ਰਾਜਪੂਤਾ ਨੇੜੇ ਖੇਤੀ ਵਾਲੀ ਜ਼ਮੀਨ ਵਿਚੋਂ ਇੱਕ ਵੱਡਾ ਪੈਕੇਟ ਮਿਲਿਆ, ਜਿਸ ਵਿਚ ਤਿੰਨ ਪਲਾਸਟਿਕ ਡੱਬੇ ਆਈਸ ਡਰੱਗ (ਮੈਥੈਮਫੇਟਾਮਾਈਨ) ਦੇ ਸਨ। ਇਹਨਾਂ ਵਿੱਚੋਂ ਕੁੱਲ 3.049 ਕਿਲੋਗ੍ਰਾਮ ਆਈਸ ਡਰੱਗ ਬਰਾਮਦ ਹੋਈ, ਜਿਸਨੂੰ ਲੈ ਕੇ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ।