ਸਕਾਲਰ ਫੀਲਡਜ਼ ਪਬਲਿਕ ਸਕੂਲ ਦੇ ਵਿਹੜੇ ਵਿੱਚ ਦੇਖਣ ਨੂੰ ਮਿਲੀ ਲੋਹੜੀ ਦੇ ਤਿਉਹਾਰ ਤੇ ਖੂਬਸੂਰਤ ਰੌਣਕ

ਸਕਾਲਰ ਫੀਲਡਜ਼ ਪਬਲਿਕ ਸਕੂਲ ਦੇ ਵਿਹੜੇ ਵਿੱਚ ਦੇਖਣ ਨੂੰ ਮਿਲੀ ਲੋਹੜੀ ਦੇ ਤਿਉਹਾਰ ਤੇ ਖੂਬਸੂਰਤ ਰੌਣਕ
ਪਟਿਆਲਾ : ਸਕਾਲਰ ਫੀਲਡਜ਼ ਪਬਲਿਕ ਸਕੂਲ ਨੇ ਪੰਜਾਬੀ ਸੱਭਿਆਚਾਰ ਅਤੇ ਰਿਵਾਇਤਾਂ ਨੂੰ ਸਤਿਕਾਰ ਦਿੰਦਿਆਂ ਲੋਹੜੀ ਦੇ ਤਿਉਹਾਰ ਨੂੰ ਵਿਸ਼ਾਲ ਢੰਗ ਨਾਲ ਮਨਾਇਆ । ਵਿਦਿਆਰਥੀਆਂ ਅਤੇ ਸਟਾਫ
ਨੇ ਪੰਜਾਬੀ ਸਭਿਆਚਾਰ ਦੇ ਰੰਗਾਂ ਨੂੰ ਬੜੇ ਹੀ ਖੂਬਸੂਰਤ ਢੰਗ ਨਾਲ ਦਰਸਾਇਆ । ਇਸ ਮੌਕੇ ਤੇ ਵਿਦਿਆਰਥੀਆਂ ਵੱਲੋਂ ਗਿੱਧਾ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ । ਪੰਜਾਬੀ ਗੀਤਾਂ ਤੇ ਗਿੱਧੇ ਨੇ ਹਰ ਇੱਕ ਦੇ ਮਨ ਨੂੰ ਟੁੰਬਿਆ ਹਰ ਇੱਕ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ । ਇਸ ਮੌਕੇ ‘ਤੇ ਵਿਦਿਆਰਥੀਆਂ ਨੇ ਲੋਹੜੀ ਦੀ ਮਹੱਤਤਾ ਤੇ ਸੁੰਦਰ ਭਾਸ਼ਣ ਵੀ ਪੇਸ਼ ਕੀਤਾ । ਸਕੂਲ ਦੇ ਡਾਇਰੈਕਟਰ ਐੱਸ. ਐੱਸ. ਸੌਢੀ ਨੇ ਵਿਸ਼ੇਸ਼ ਭਾਸ਼ਣ ਪੇਸ਼ ਕੀਤਾ । ਉਨ੍ਹਾਂ ਨੇ ਲੋਹੜੀ ਦੇ ਅਹਿਮ ਦਿਸ਼ਾ-ਨਿਰਦੇਸ਼ ਤੇ ਚਾਨਣ ਪਾਇਆ । ਉਨ੍ਹਾਂ ਨੇ ਕਿਹਾ, “ਲੋਹੜੀ ਸਿਰਫ ਤਿਉਹਾਰ ਨਹੀਂ, ਸਗੋਂ ਇਹ ਸਾਡੀ ਧਰਤੀ ਅਤੇ ਖੇਤੀਬਾੜੀ ਨਾਲ ਜੁੜੇ ਰਹਿਣ ਦਾ ਇੱਕ ਪ੍ਰਤੀਕ ਹੈ । ਇਹ ਸਾਡੀ ਸਾਂਝ, ਪਿਆਰ ਅਤੇ ਭਾਈਚਾਰੇ ਨੂੰ ਮਜਬੂਤ ਬਣਾਉਂਦਾ ਹੈ । ਇਹ ਦਿਨ ਸਕੂਲ ਵਿਚ ਖੁਸ਼ੀਆਂ, ਰੌਣਕ ਅਤੇ ਪੰਜਾਬੀ ਰਸਮ ਰਿਵਾਜਾਂ ਨੂੰ ਜੀਵਤ ਕਰਨ ਵਾਲਾ
ਸਾਬਤ ਹੋਇਆ । ਇਸ ਤਿਉਹਾਰ ਤੇ ਵਿਦਿਆਰਥੀਆਂ ਨੂੰ ਮੁੂੰਗਫਲੀਆਂ, ਰਿਉੜੀਆਂ ਵੀ ਵੰਡੀਆਂ ਗਈਆਂ।