ਪਟਿਆਲਾ ਵਿਖੇ ਗੈਗਸਟਰਾਂ ਵਲੋ ਚਲਾਈਆਂ ਗਈਆਂ ਤਾਬੜਤੋੜ ਗੋਲੀਆਂ, ਦੂਜੇ ਧਿਰ ਨੇ ਕੀਤੀ ਜਵਾਬੀ ਕਾਰਵਾਈ
ਚੰਡੀਗੜ, 16 ਨਵੰਬਰ 2026 : ਪਟਿਆਲਾ ਸ਼ਹਿਰ ਅੰਦਰ ਫਿਰੌਤੀ ਦੀ ਮੰਗ ਨੂੰ ਲੈ ਕੇ ਅੱਜ ਕੁੱਝ ਨੌਜਵਾਨਾਂ ਨੇ ਅਚਾਨਕ ਆਪ ਪਾਰਟੀ ਦੇ ਨੇਤਾ ਉਪਰ ਤਾਬੜਤੋੜ ਗੋਲੀਆਂ ਬਰਸਾ ਦਿੱਤੀਆਂ, ਜਿਸ ਕਾਰਨ ਦੂਜੇ ਧਿਰ ਵਲੋ ਵੀ ਆਪਣਾ ਬਚਾਅ ਕਰਦੇ ਹੋਏ ਜਵਾਬੀ ਕਾਰਵਾਈ ਕੀਤੀ ਗਈ।
ਜਾਣਕਾਰੀ ਅਨੁਸਾਰ ਆਮ ਆਦਮੀ ਪਾਰਟੀ ਦੇ ਆਗੂ ਸੁਖਵਿੰਦਰ ਸਿੰਘ ਗਾਗੂ ‘ਤੇ ਗੋਲੀਆਂ ਚਲਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਗਾਗੂ ਜਦੋ ਆਪਣੇ ਸਾਥੀਆਂ ਨਾਲ ਗੱਡੀ ਵਿਚ ਬੈਠੇ ਤਾਂ ਅਚਾਨਕ ਉਥੇ ਖੜੇ ਨੌਜਵਾਨਾਂ ਨੇ ਉਨਾ ਉਪਰ ਗੋਲੀਆਂ ਚਲਾ ਦਿਤੀਆਂ, ਜਿਸ ਕਾਰਨ ਗਾਗੂ ਦੇ ਸਾਥੀਆਂ ਵਲੋ ਵੀ ਲਾਇਸੈਸੀ ਹਥਿਆਰ ਨਾਲ ਮੁਕਾਬਲਾ ਕੀਤਾ ਗਿਆ। ਇਸ ਮਾਮਲੇ ਨੂੰ ਲੈ ਕੇ ਪੁਲਸ ਨੇ ਕਾਰਵਾਈ ਆਰੰਭ ਕਰ ਦਿਤੀ ਹੈ। ਮੁੱਢਲੀ ਜਾਣਕਾਰੀ ਅਨੁਸਾਰ ਇਹ ਹਮਲਾ ਗੈਂਗਸਟਰਾਂ ਵੱਲੋਂ ਕੀਤਾ ਗਿਆ ਮੰਨਿਆ ਜਾ ਰਿਹਾ ਹੈ। ਦੂਸਰੇ ਪਾਸੇ ਗਾਗੂ ਨੇ ਵੀ ਆਖਿਆ ਕਿ ਉਸਨੂੰ ਪਿਛਲੇ ਕਈ ਦਿਨਾਂ ਤੋ ਥਰੈਟ ਕਾਲਾਂ ਆ ਰਹੀਆਂ ਸਨ।