ਹਰਿਆਣਾ ਰਾਜ ਸਭਾ ਚੋਣਾ ਲਈ ਭਾਜਪਾ ਨੇ ਰੇਖਾ ਸ਼ਰਮਾ ਨੂੰ ਕੀਤਾ ਉਮੀਦਵਾਰ ਵਜੋਂ ਨਾਮਜ਼ਦ
ਦੁਆਰਾ: Punjab Bani ਪ੍ਰਕਾਸ਼ਿਤ :Monday, 09 December, 2024, 02:51 PM
ਹਰਿਆਣਾ ਰਾਜ ਸਭਾ ਚੋਣਾ ਲਈ ਭਾਜਪਾ ਨੇ ਰੇਖਾ ਸ਼ਰਮਾ ਨੂੰ ਕੀਤਾ ਉਮੀਦਵਾਰ ਵਜੋਂ ਨਾਮਜ਼ਦ
ਹਰਿਆਣਾ : ਹਰਿਆਣਾ ਰਾਜ ਸਭਾ ਚੋਣਾ ਲਈ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੇ ਰੇਖਾ ਸ਼ਰਮਾ ਨੂੰ ਉਮੀਦਵਾਰ ਵਜੋਂ ਨਾਮਜ਼ਦ ਕੀਤਾ ਹੈ । ਰੇਖਾ ਸ਼ਰਮਾ ਰਾਸ਼ਟਰੀ ਮਹਿਲਾ ਆਯੋਗ ਦੀ ਚੇਅਰਪ੍ਰਸਨ ਰਹੀ ਹਨ । ਉਹ 2018 ਵਿੱਚ ਰਾਸ਼ਟਰੀ ਮਹਿਲਾ ਆਯੋਗ ਦੀ ਚੇਅਰਪ੍ਰਸਨ ਨਿਯੁਕਤ ਹੋਈ ਸਨ ਅਤੇ ਇਸ ਸਾਲ ਅਗਸਤ ਵਿੱਚ ਉਨ੍ਹਾਂ ਨੇ ਇਸ ਪਦ ਤੋਂ ਅਸਤੀਫਾ ਦੇ ਦਿੱਤਾ ਸੀ । ਰੇਖਾ ਸ਼ਰਮਾ ਪੰਚਕੁਲਾ ਦੀ ਵਾਸੀ ਹਨ । ਉਹ ਮੋਦੀ ਦੇ ਨਾਲ ਉਸ ਸਮੇਂ ਜੁੜੀ ਸਨ ਜਦੋਂ ਮੋਦੀ ਚੰਡੀਗੜ੍ਹ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਭਾਜਪਾ ਦੇ ਇੰਚਾਰਜ ਸਨ ਅਤੇ ਪੰਚਕੁਲਾ ਵਿੱਚ ਰਹਿੰਦੇ ਸਨ । ਪ੍ਰਧਾਨ ਮੰਤਰੀ ਮੋਦੀ ਦੇ ਪਾਣੀਪਤ ਦੌਰੇ ਤੋਂ ਪਹਿਲਾਂ, ਪਾਰਟੀ ਨੇ ਰੇਖਾ ਸ਼ਰਮਾ ਦੇ ਨਾਮ ਦਾ ਐਲਾਨ ਕੀਤਾ ।
