ਟਾਟਾ ਆਈਪੀਐਲ ਫੈਨ ਪਾਰਕ ਅੱਜ ਤੋਂ - ਅਮਰਿੰਦਰ ਵੀਰ ਸਿੰਘ ਬਰਸਟ
ਪਟਿਆਲਾ, 15 ਮਈ – ਲੋਕਾਂ ਵਿੱਚ ਟਾਟਾ ਆਈਪੀਐਲ ਕ੍ਰਿਕਟ ਮੈਚਾਂ ਪ੍ਰਤੀ ਉਤਸ਼ਾਹ ਨੂੰ ਦੇਖਦੇ ਹੋਏ ਬੀਸੀਸੀਆਈ ਵੱਲੋਂ ਬਹੁਤ ਹੀ ਵਧੀਆ ਉਪਰਾਲਾ ਕਰਦਿਆਂ ਹੋਇਆ ਪਟਿਆਲਾ ਸ਼ਹਿਰ ਵਿੱਚ ਟਾਟਾ ਆਈਪੀਐਲ ਫੈਨ ਪਾਰਕ ਬਣਾਇਆ ਜਾ ਰਿਹਾ ਹੈ, ਜੋ ਕਿ 16 ਮਈ ਅਤੇ 17 ਮਈ ਨੂੰ ਦੋ ਦਿਨਾਂ ਲਈ ਪੋਲੋ ਗਰਾਊਂਡ ਵਿਖੇ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਇਸ ਫੈਨ ਪਾਰਕ ਵਿੱਚ ਟਾਟਾ ਆਈਪੀਐਲ ਦੇ ਲਾਈਵ ਮੈਚ ਵਿਖਾਏ ਜਾਣਗੇ। ਇਹ ਜਾਣਕਾਰੀ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੀ ਪਟਿਆਲਾ ਸਬ ਕਮੇਟੀ ਦੇ ਚੇਅਰਮੈਨ ਸ. ਅਮਰਿੰਦਰ ਵੀਰ ਸਿੰਘ ਬਰਸਟ ਵੱਲੋਂ ਦਿੱਤੀ ਗਈ। ਇਸ ਮੌਕੇ ਉਹਨਾਂ ਨਾਲ ਬੀਸੀਸੀਆਈ ਤੋਂ ਮਿਸਟਰ ਮੀਤ ਵੀ ਮੌਜੂਦ ਰਹੇ।
ਇਸ ਬਾਰੇ ਅੱਗੇ ਜਾਣਕਾਰੀ ਦਿੰਦਿਆਂ ਹੋਇਆ ਸ. ਅਮਰਿੰਦਰ ਵੀਰ ਸਿੰਘ ਬਰਸਟ ਨੇ ਦੱਸਿਆ ਕਿ ਇਸ ਫੈਨ ਪਾਰਕ ਵਿੱਚ ਐਂਟਰੀ ਬਿਲਕੁਲ ਫਰੀ ਹੈ ਅਤੇ ਬੱਚਿਆਂ ਲਈ ਗੇਮਸ ਵੀ ਉਪਲਬਧ ਹੋਣਗੀਆਂ। ਲੋਕਾਂ ਲਈ ਖਾਣ ਪੀਣ ਵਾਸਤੇ ਫੂਡ ਸਟਾਲਾਂ ਵੀ ਲਗਾਈ ਜਾ ਰਹੀਆਂ ਹਨ, ਜਿਸ ਤੇ ਬਹੁਤ ਹੀ ਵਾਜਬ ਰੇਟ ਵਿੱਚ ਫੂਡ ਉਪਲਬਧ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ 16 ਮਈ ਨੂੰ ਸ਼ਾਮ 6.30 ਵਜੇ ਅਤੇ 17 ਮਈ ਨੂੰ ਦੁਪਹਿਰ 2.30 ਵਜੇ ਤੋਂ ਫੈਨ ਪਾਰਕ ਵਿੱਚ ਐਂਟਰੀ ਸ਼ੁਰੂ ਹੋ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ ਇਸ ਦੌਰਾਨ ਲੱਕੀ ਡਰਾ ਵੀ ਕੱਢਿਆ ਜਾਵੇਗਾ, ਜਿਸ ਦੇ ਜੇਤੂਆਂ ਨੂੰ ਟੀ-ਸ਼ਰਟਾਂ ਦਿੱਤੀਆਂ ਜਾਣਗੀਆਂ, ਜਿਸ ਤੇ ਖਿਡਾਰੀਆਂ ਵੱਲੋਂ ਆਟੋਗਰਾਫ ਵੀ ਦਿੱਤੇ ਹੋਏ ਹਨ।
