ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਇਰਾਦਾ ਕਤਲ ਅਤੇ ਆਰਮਜ਼ ਐਕਟ ਤਹਿਤ ਕੇਸ ਦਰਜ

ਸ਼ੰਭੂ, 28 ਮਈ 2025 : A case has been registered against unidentified persons for attempted murder and under the Arms Act : ਥਾਣਾ ਸ਼ੰਭੂ ਪੁਲਸ (Shambhu Police Station) ਨੇ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਵੱਖ ਵੱਖ ਧਾਰਾਵਾਂ 312, 109 ਬੀ. ਐਨ. ਐਸ. ਅਤੇ ਆਰਮਜ਼ ਐਕਟ ਤਹਿਤ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ ।

ਕੀ ਰਿਹਾ ਸਮੁੱਚਾ ਮਾਮਲਾ ਆਓ ਪੜ੍ਹਦੇ ਹਾਂ ਸਿ਼ਕਾਇਤਕਰਤਾ ਕੋਲੋਂ

ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਪਾਰਸਦੀਪ ਸਿੰਘ (Complainant Parasdeep Singh) ਪੁੱਤਰ ਜਰਨੈਲ ਸਿੰਘ ਵਾਸੀ ਪਿੰਡ ਰਾਏਪੁਰ ਥਾਣਾ ਘਨੌਰ ਨੇ ਦੱਸਿਆ ਕਿ 27 ਮਈ 2025 ਨੰ ਸਮਾ 01.30 ਵਜੇ ਉਹ ਆਪਣੇ ਮਾਮੇ ਜਸਪਾਲ ਸਿੰਘ, ਮਾਮੀ ਜਸਵੀਰ ਕੌਰ ਅਤੇ ਲੜਕੇ ਸੁਖਚੈਨ ਸਿੰਘ ਵਾਸੀ ਪਿੰਡ ਸ਼ਾਹਬਾਦ ਅੰਬਾਲਾ ਹਰਿਆਣਾ ਨਾਲ ਸਮੇਤ ਕਾਰ ਤੇ ਸਵਾਰ ਹੋ ਕੇ ਬਾ-ਹੱਦ ਪਿੰਡ ਸੰਭੂ ਖੁਰਦ ਕੋਲ ਜਾ ਰਿਹਾ ਸੀ ਤਾਂ 7/8 ਅਣਪਛਾਤੇ ਵਿਅਕਤੀ ਜੋ ਕਿ 3 ਮੋਟਰਸਾਇਕਲਾਂ ਤੇ ਖੜ੍ਹੇ ਸਨ ਨੇ ਉਨ੍ਹਾਂ ਨੂੰ ਲੁੱਟਣ ਦੀ ਨੀਅਤ ਨਾਲ ਕਾਰ ਰੋਕਣ ਦੀ ਕੋਸਿ਼ਸ਼ ਕੀਤੀ ਪਰ ਉਸਦੇ ਮਾਮੇ ਨੇ ਕਾਰ ਨੂੰ ਨਹੀਂ ਰੋਕਿਆ ।

ਅਣਪਛਾਤੇ ਵਿਅਕਤੀਆਂ ਵਿੱਚੋ 1 ਵਿਅਕਤੀ ਨੇ ਕੀਤਾ ਕਾਰ ਤੇ ਫਾਇਰ

ਸਿ਼ਕਾਇਤਕਰਤਾ ਨੇ ਦੱਸਿਆ ਕਿ ਅਣਪਛਾਤੇ ਵਿਅਕਤੀਆਂ ਵਿੱਚੋ 1 ਵਿਅਕਤੀ ਨੇ ਅਸਲੇ ਦਾ ਫਾਇਰ ਕਾਰ ਤੇ ਕੀਤਾ, ਜੋ ਫਾਇਰ ਗੱਡੀ ਦੀ ਪਿਛਲੀ ਸੀਟ ਪਰ ਬੈਠੀ ਉਸ ਦੀ ਮਾਮੀ ਦੇ ਸਿਰ ਤੇ ਲੱਗਿਆ, ਜਿਸ ਕਾਰਨ ਮਾਮੀ ਮੌਕੇ ਤੇ ਹੀ ਬੇਹੋਸ਼ ਹੋ ਗਈ ਅਤੇ ਇਲਾਜ ਲਈ ਫੋਰਟਿਸ ਹਸਪਤਾਲ ਮੋਹਾਲੀ ਦਾਖਲ ਕਰਵਾਇਆ ਗਿਆ ਹੈ । ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।

Read More : ਥਾਣਾ ਸ਼ੰਭੂ ਪੁਲਸ ਨੇ ਕੀਤਾ ਤਿੰਨ ਵਿਅਕਤੀਆਂ ਵਿਰੁੱਧ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ