ਦੱਖਣੀ ਚੀਨ ਸਾਗਰ ਵਿਚ ਫਿਲੀਪੀਨਜ਼ ਤੇ ਚੀਨ ਦਰਮਿਆਨ ਵਧਿਆ ਤਣਾਅ
ਨਵੀਂ ਦਿੱਲੀ : ਚੀਨ ਨੇ 19, 25 ਅਤੇ 31 ਅਗਸਤ ਨੂੰ ਦੱਖਣੀ ਚੀਨ ਸਾਗਰ ‘ਚ ਫਿਲੀਪੀਨਜ਼ ‘ਤੇ ਗੋਲੀਬਾਰੀ ਕੀਤੀ। ਆਸਟ੍ਰੇਲੀਅਨ ਸਰਕਾਰ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੰਦੇ ਹੋਏ ਚਿੰਤਾ ਪ੍ਰਗਟਾਈ ਹੈ। ਆਸਟ੍ਰੇਲੀਆ ਦੇ ਵਿਦੇਸ਼ ਮੰਤਰਾਲੇ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ, “ਆਸਟ੍ਰੇਲੀਆ ਫਿਲੀਪੀਨਜ਼ ਵੱਲੋਂ ਚੀਨ ਦੇ ਇਸ ਕਦਮ ਦੀ ਨਿੰਦਾ ਨਾਲ ਸਹਿਮਤ ਹੈ। ਇਸ ਨਾਲ ਦੱਖਣੀ ਚੀਨ ਸਾਗਰ ਵਿੱਚ ਤਣਾਅ ਹੋਰ ਵਧੇਗਾ।” ਫਿਲੀਪੀਨਜ਼ ਨੇ 31 ਅਗਸਤ ਨੂੰ ਦੋਸ਼ ਲਾਇਆ ਸੀ ਕਿ ਚੀਨੀ ਤੱਟ ਰੱਖਿਅਕ ਜਹਾਜ਼ ਨੇ ਜਾਣਬੁੱਝ ਕੇ ਬੀਆਰਪੀ ਟੇਰੇਸਾ ਮੈਗਬਾਨੁਆ ਨੂੰ ਟੱਕਰ ਮਾਰ ਦਿੱਤੀ। ਇਹ ਫਿਲੀਪੀਨ ਕੋਸਟ ਗਾਰਡ ਦਾ ਸਭ ਤੋਂ ਵੱਡਾ ਅਤੇ ਸਭ ਤੋਂ ਆਧੁਨਿਕ ਜਹਾਜ਼ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਆਸਟਰੇਲੀਅਨ ਸਰਕਾਰ ਚੀਨ ਨੂੰ ਅਪੀਲ ਕਰਦੀ ਹੈ ਕਿ ਉਹ ਇਹਨਾਂ ਕਾਰਵਾਈਆਂ ਨੂੰ ਬੰਦ ਕਰੇ, ਵਿਵਾਦਾਂ ਨੂੰ ਸ਼ਾਂਤੀਪੂਰਨ ਢੰਗ ਨਾਲ ਸੁਲਝਾਏ ਅਤੇ ਇਸ ਦੇ ਸੰਮੇਲਨਾਂ ਦੀ ਪਾਲਣਾ ਕਰੇ, ਖਾਸ ਤੌਰ ‘ਤੇ ਸਮੁੰਦਰ ਦੇ ਕਾਨੂੰਨ ਦੀ ਪਾਲਣਾ ਕੀਤੀ ਜਾਵੇ। ਚੀਨੀ ਕੋਸਟ ਗਾਰਡ (ਸੀਸੀਜੀ) ਵੈਸਲ 5205 ਨੇ ਬੀਆਰਪੀ-ਟੇਰੇਸਾ ਮੈਗਬਾਨੁਆ ਨੂੰ ਕਈ ਵਾਰ ਟੱਕਰ ਮਾਰੀ, ਸਰਕਾਰੀ ਮਾਲਕੀ ਵਾਲੀ ਫਿਲੀਪੀਨ ਨਿਊਜ਼ ਏਜੰਸੀ (ਪੀਐਨਏ) ਨੇ ਸ਼ਨੀਵਾਰ ਨੂੰ ਇਹ ਰਿਪੋਰਟ ਦਿੱਤੀ ਹੈ।